وزیر آباد (جی پی آئی) آستانہ عالیہ گھمکول شریف کے سجادہ نشین حضرت پیر حبیب اللہ شاہ نے کہا ہے کہ محبت رسول ہی مومن کا اثاثہ اور علم اس کی میراث ہے ،اتباع رسولۖ اس کا شعار اور فکر و تدبر اس کیلئے مینارہ نور کی حیثیت رکھتا ہے۔ جن لوگوں کے دل عشق رسول سے خالی ہوتے ہیں وہ زندگی کی حقیقی لذت سے محروم ہوتے ہیں۔ آستانہ عالیہ معصوم آباد شریف اوجلہ میں خلیفہ مجاز حاجی انتساب احمد نقشبندی کے زیر اہتمام منعقدہ 27واںسالانہ عرس مبارک حضرت خواجہ زندہ پیر رحمتہ اللہ علیہ و حضرت پیر معصوم بادشاہ رحمتہ اللہ علیہ سے صدارتی خطاب میں انہوں نے مزید کہا کہ بندہ صحیح معنوں میں اس وقت انسان بنتا ہے جب رسول اللہ ۖ کا انس اس کے دل میں بدرجہ تم پیدا ہوجاتا ہے۔انہوں نے کہا کہ اولیاء اللہ کا حقیقی مشن بھی یہی ہے کہ وہ لوگوں کے دلوں میں عشق رسولۖ پیدا کریں اور اس کے فروغ کیلئے اقدامات اٹھائیں۔انہوں نے کہا کہ شہنشاہ کل عالمۖ کی محبت اور اتباع لازم و ملزوم ہیں ۔آپۖ کی اطاعت کے بغیر محبت کا دعویٰ فضول ہے ۔حضور نبی کریمۖ کی محبت انسانیت کی معراج اور قرب الٰہی کے حصول کا سب سے بڑا ذریعہ ہے۔علامہ محمد اعظم نوری نے کہا کہ درودشریف درحقیت مومنوں کا ہی خاصہ ہے اور اس سے لذت عشق حاصل ہوتا ہے ۔قلب و نظر کی طہارت کیلئے ضروری ہے کہ درودپاک کی کثرت کی جائے۔انہوں نے کہا کہ آج ہمار امعاشرہ جن مسائل سے دوچار ہے اس کی بنیادی وجہ قرآن و سنتۖ سے دوری ہے اور آج ہم اگر صدق دل سے تعلیمات قرآن و صاحب قرآن کو اپنا لیں تو ہماری عظمت رفتہ بحال ہوسکتی ہے۔انہوں نے کہا کہ پاکستان اولیاء اللہ کا فیضان اور ہمارے اسلاف کی قربانیوں کا نتیجہ ہے ۔پاکستان پوری دنیا کے مسلمانوں کیلئے باعث فخر ایٹمی قوت ملک ہے اور یہ اسلام کا مضبوط ترین قلعہ ہے۔اس موقع پر درباری ترجمان چوہدری اسد محمود نقشبندی ،صوفی محمد طارق نقشبندی ،حاجی مہربان خان ،محمد حبیب اعوان ،ملک مظہر حسین اعوان ،ماسٹر افتخار احمد ملہی ،صاحبزادہ نثار احمد نقشبندی سمیت مریدین و زائرین کی کثیرتعداد بھی موجود تھی ۔ تقریب سے پیر فخر نذیر قاسم ،احمد رضا جماعتی ،علامہ نصیر احمد اویسی ،حافظ محمد ریحان نقشبندی ،محمد فیضان نقشبندی ،محمد عثمان قادری و دیگر نے بھی خطاب اور ہدیہ نعت پیش کیا۔(
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) علاقہ میںاے ٹی ایم مشین میں ایلفی ڈال کر شہریوں کو لوٹنے والا نوسربازوں کا تین رکنی گینگ متحرک ہو گیا ۔نوسربازوں جدید ٹیکنالوجی کا استعمال کرکے بنکنگ سسٹم تہہ وبالا کردیا۔کھاتہ داروں میں تشویش کی لہر دوڑ گئی ،ماہر سائبر کرائمز کی مدد سے فی الفور شاطر ملزمان کو انصاف کے کٹہرے میں لانے کا مطالبہ ،تین نامعلوم نوسربازوں نے گزشتہ روز مسلم کمرشل بنک نظام آباد کی اے ٹی ایم مشین میں ایلفی ڈال دی بختاور نامی نوجوان نے جب اے ٹی ایم مشین میں کارڈ داخل کیا تو ایلفی کی وجہ مشین کچھ دیر کیلئے جام ہوگئی اور اے ٹی ایم کارڈ پھنس گیا اسی دوران نوسرباز بھی مشین کے کیبن میں آگئے اور بار بار کوشش کی وجہ سے ڈائل پن کوڈ کو یاد کرلیا بعدازاں گکھڑمیں نصب اے ٹی ایم مشین سے25 ہزار نقد نکال لئے جبکہ اکاونٹ نمبری 0784517781002096 میں موجود رقم میں سے ایک لاکھ جلالپور بھٹیاں کے رہائشی ظفر اقبال کے اکاونٹ میں ٹرانسفر کرلی جب ظفراقبال سے رابطہ پر معلوم ہوا کہ اسکے ساتھ بھی ایسا ہی فراڈ ہوچکا ہے اور وہ خود متاثرین میں شامل ہے بنک انتظامیہ سے شکایت کے بعد سی سی ٹی وی فوٹیج نے سارا معاملہ عیاں کردیا۔جس پر بنک کھاتہ داروں میں سخت تشویش اور پریشانی کی لہر دوڑ گئی رابطہ پر برانچ بنک مینجر محمد خان چٹھہ بتایا کہ ایلفی ڈالنے کی وجہ سے بنک کی اے ٹی ایم مشین ناکارہ ہو گئی ہے ہم اعلیٰ حکام کی ہدایٹ پر قانونی کاروائی میں جا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) تجاوزات کے خلاف ٹی ایم اے انتظامیہ کا آپریشن کلین اپ۔کاروائی سے نالاں شخص نے کھوکھے کو خودآگ لگا دی۔راستے واگزار کرانے پر سیاسی و سماجی حلقوں کا خراج تحسین اور آپریشن کا دائرہ وسیع کرنے کا مطالبہ۔گزشتہ روز اسسٹنٹ کمشنر محمد انور بریار کی خصوصی ہدایت ٹائون آفیسر ریگولیشن کی سربراہی میں انفورسمنٹ انسپکٹر عبدالرحمن بٹ،ارسلان وڑائچ نے بھاری مشینری کے ہمراہ لاہوری دروزاہ اور جی ٹی روڈ نظام آباد سمیت مختلف علاقوں میں آپریشن کلین اپ شروع کردیا آپریشن سے تنگ دوکاندار جاوید پہلوان نے اپنے کھوکھے کو آگ لگا دی،آپریشن کے دوران تجاوز کیا گیا سامان انتظامیہ نے اپنے تحویل میں لے لیا رابطہ کرنے پر جہانگیر بٹ نے کہا کہ مسلسل عوامی شکایت کے پیش نظر تجاوز کنندگان کو وارننگ دی گئی تھے مگر ہٹ دھرمی سے باز نہ آنے پر کاروائی کی گئی ہے اور اس سلسلہ میں کوئی سیاسی دبائو قبول نہیں کیا جائے گا۔شہر کے سماجی حلقوں نے مین بازار،موتی بازار سمیت دیگر علاقوں میں بھی آپریشن کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) پا کستان تحریک انصاف کے مرکزی رہنما راجہ عثمان اللہ خان ایڈووکیٹ نے کہا ہے کہ پاکستانی قوم کابہتر مسقبل سیا ست دانوںنے سوئس بینکوںاورپاناما میںچھپا رکھا ہے۔پاناما لیکس نے حکمرانوںکو بے نقاب کردیا ہے۔ملکی دولت لوٹنے والے کبھی اقتدارنہیںچھوڑینگے اگرسایست دان اوربیوروکریٹس ملک کالوٹا ہوا کھروبوںروپے کاسرمایہ ملک میںواپس لے آئیںتوپاکستان دنیاکے خوشحال ترین ملکوںکی صف میںپہلے نمبرپر آجائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) وائس چیئرمین ہیلتھ کمیٹی پنجاب محمدعمران سنی کمبوہ نے کہا ہے کہ میاںبرادران کی قیادت میںوطن عزیزخوشحالی کی منازل طے کررہا ہے۔پوری قوم نے پاک چین اقتصادی راہداری منصوبہ کے گردحفاظتی حصار قائم رکھا ہے۔انشاء اللہ دشمنوںکی سازشوںکوناکام بناتے ہوئے منصوبہ پایہ تکمیل تک پہنچائیںگے۔شورمچانے ،دنگا فساد اوردھرنوںکی سیاست کرنے والوںنے ملک میںجمہوریت کوناکام بنانے میںجوتہیہ کیا ہے وہ عوام پورا نہیںہونے دینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) :جماعت اسلا می وزیرآبادزون کے صدرزمان حیدر چیمہ اورجنرل سیکرٹری عدنان وانور کھرل نے کہا ہے کہ روائتی پارٹیاں اورقیادتیںنوجوان کے مسائل حل کرنے میںناکام ہوچکیںہیں۔حقیقی تبدیلی سے ہی ہمارے مسائل حل ہونگے۔انگریزوںکامسلط کردہ ظالمانہ نظام طبی مدت پوری کرچکا اورآخری ہچکولے کھارہا ہے ۔جماعت اسلا می کی مخلص اوربے لوث قیادت ہی عوامی مسائل حل کرسکتی ہے۔وہ گھکامیتر،سوہدرہ،ونجووالی،جوڑاسیان میںعوامی رابطہ مہم کے سلسلہ میںخطاب کررہے تھے۔انہوںنے کہا کہ پاکستان میںانصاف کہیںنظرنہیںآرہا۔پانامالیکس کے انکشافات پرخاموشی اختیارکرنے والی جماعتیں قومی مجرم ہیں۔ملک میںکرپشن کی سزاسزائے موت ہونی چا ہئے۔انہوںنے کہا کہ جماعت اسلا می نے کرپشن کے خلاف مہم شروع کردی ہے۔منشیات فروشوں،چوڑواورڈاکوئوںکی سرپرستی کرنے والوںکے بے نقابگ کرینگے۔منتخب نمائندے من پسندافرادکوٹھیکے دلواکرکمیشن وصول کرتے ہیں۔
کھاریاں کی خبریں 20/4/2016
گجرات کی خبروں کی تصویری جھلکیاں