امریکہ (جیوڈیسک) امریکہ کے شہر وسکونسن میں سعودی عرب سے تعلق رکھنے والے طالب علم کو ایک حملے میں ہلاک کر دیا گیا ہے۔
حسین سعید النہدی وسکونسن یونیورسٹی کے طالب علم تھے اور ان پر اتوار کے روز پیزا پارلر کے قریب حملہ کیا گیا۔
مقامی میڈیا کے مطابق 24 سالہ حسین سعید کو پیزا پارلر کے قریب زخمی الت میں بیہوش پایا گیا۔ ان کو ہسپتال لے جایا گیا جہاں پیر کے روز ان کا انتقال ہو گیا۔
پولیس کے مطابق اس حملے کی وجہ معلوم نہیں ہے اور پولیس نے معلومات کے لیے اپیل کی ہے۔ تاہم مقامی اخبار کے مطابق حملہ آور سفید فام تھا اور اس کا قد چھ فٹ تھا۔
یونیورسٹی آف وسکونسن کی جانب سے فیس بک پر پیغام میں کہا گیا ہے کہ حسین سعید بزنس ایڈمنسٹریشن میں تھرڈ اییر کے طالب علم تھے۔
مینیسوٹا کونسل آف امیریکن اسلامک ریلیشنز نے ٹویٹ میں کہا ہے کہ وہ حسین کی موت کی تحقیقات پر نظر رکھے ہوئے ہیں۔
ٹرمپ کو ہیلری پر برتری، امیدواروں کی مہم میں تیزی
نتن یاہو کے بیان پر فلسطین کا شدید ردعمل