تحریر: انیلہ شباب احمد
پیغمبر اسلام حضرت محمد ً کی بعثت َ مبارکہ سے پہلے تمام روئے زمین وحشت و بربریت ظلم و ستم اور فتنہ گری کی آماجگاہ بنی انسانیت کو تڑپا رہی تھی بشریت رو رہی تھی آدمیت کا جنازہ نکل چکا تھا ہر سو ہر سمت حیونیت و شیطانیت کا اندوہ ناک کھیل رچایا جا رہا تھا۔
خصوصا عرب ممالک میں امن وچین اطمینان و سکون اور راحت و سرور سے لوگ محروم ہو چکے تھے اس وقت کے انسانوں میں عورت کی ذلت و رسوائی اور مظلومیت کی داستانَ الم آج بھی پتھر دل انسان کو موم ہونے ہونے پر مجبور کر دیتی ہے ہر بلا و مصیبت کو عورت پر آزما کر ظلم کی انتہاء کی جاتی اپنی ہی بیٹی کو زندہ دفن کرنے میں کوئی عار یا گناہ نہ سمجھا جاتا تھا۔
شومئی قسمت کہ اگر کوئی بچ جاتی تو ظلم و ستم اور وحشت و درندگی کے دو پاٹوں کے مابین اپنی زندگی کو گھٹ گھٹ کر گزارنے پر لاچار ہوتی یا طوائف یا رقاصہ بنا کرعصمت فروشی پرمجبور کی جاتی آپً کی تشریف آوری سے خالقَ کائنات نے دنیا میں عورت کو مقام و رتبہ عطا فرمایا اور جن جن خوبیوں سے اور گوناگوں صفات سے نوازا ایک خوشگوار زندگی گزارنے کیلئے عورت اور مرد ایک حد مقرر کرکے جو ترجیحات دیں وہ کسی سے مخفی نہیں۔
Women Violence
دورَ حاضر میں انہی ترجیہحات کو مغربی تمدن اور نئی تہذیب کا چولہ پہنا کر ہمارے نام نہاد گلے سڑے معاشرے نے اپنی خود ساختہ سوچ کی کسوٹی پر جس انداز سے عورت کا تماشہ بنایا اور اس نے اسلامی اقدار اور معاشرتی نظام کو بگاڑنے میں کوئی کسر نہیں چھوڑی اور ایک بار پھر زمانہ قدیم کی یاد تازہ کر دی ارشاد باری تعالیٍ عورتوں کے حقوق مردوں پر اسی طرح ہیں جس طرح عورتوں کے مردوں پر اور مردوں کو عورتوں کو فوقیت اور سبقت حاصل ہے میڈیا اور سوشل میڈیا پر نت نئی دل ہلا دینے والی خبریں اور مناظر ہر حساس آنکھ کو دکھ اور اذیت میں مبتلا کر دیتے ہیں عورت ماں بہن بیٹی بیوی جو ہر رشتے ہر روپ میں قابلَ احترام اور قابلَ عزت ہے جو اپنے گھر اپنے بچوں کیلئے تن من دھن کی بازی لگانے سے دریغ نہیں کرتی۔
آج کے وقت کی ستم ظریفی ایدھی ویلفئیر کی زینت بنی اپنوں کی بے حسی سفاکی کا منہ بولتا ثبوت ہے دیکھا جائے تو آج بھی عورت 1400 سال پہلے والے دور سے بھی بد ترین حال میں بے سرو سامانی کی حالت میں نظر آتی ہے جو جوان اولاد کے ہوتے ہوئے اولڈ ہوم میں اپنی زندگی کے بقایا شب و روز گزارنے پر مجبور ہے بہنیں جو بھائیوں کیلئے باعث عزت سمجھی جاتی ہیں کسی نہ کسی بہانے ان کی کردار کشی کا ڈرامہ رچا کر ان کو کارو کاری کیا جاتا ہے تا کہ ان کے حصے کی دولت کو اپنے لئے جائز کیا جائے عرصہ دراز سے جاری اس المناک کھیل کو جانتے ہوئے بھی ان مظلوم عورتوں کی داد رسی کیلئے کوئی تیار نہیں۔
اپنی ہی کوئی ادھوری خواہش جس کی تکمیل نہ ہو سکی ہو اپنی جھوٹی انا کی تسکین کیلئے اپنی عزیز بیٹی کو کسی ایسے شخص کے ہاتھ سونپ دینا جو بیٹی کے ذہنی معیار کے مطابق نہ ہو تو سوچیں کہ لمحہ لمحہ کڑہتی اس بیٹی کی زندگی کا سوچ کا معیار کیا ہوگا ‘ اپنی خواہشات کو کچل کروہی بیٹی والدین کی عزت کا بھرم رکھنے پر کیسے مجبور ہو جاتی ہو ظلم کی چکی میں پسی مر جائے گی مگر حرف شکایت زبان، پر نہیں لائے گی عجب بے بسی ہے کہ عورت کا اسلامی معاشرے میں جو مقام بڑی جدو جہد کے بعد متعین کیا گیا تھا کیا آج کی عورت اس وقت اسی مقام پر فائز ہے؟ یا آج کی عورت کو زمانہ جاہلیت کی طرح پھر سے اسے بوجھ یا ذلت کا عنوان بنا دیا گیا۔
Edhi Foundation Home for Women
ہمارے معاشرے کی سلگتی سسکتی حقیتیں ہمارے مُردہ ضمیر کو جھنجھوڑنے کیلئے کافی نہیں؟ یا نجانے ہم کس وقت کے انتظار میں یہ منظر دیکھنے میں محو ہیں ایدھی ویلفئیر جیسے نجانے کتنے ادارے اسی سفاکی کا منہ بولتا ثبوت ہے وہاں موجود کثیر تعداد میں عمر رسیدہ خواتین کو دیکھ کر انسانیت بھی شرما جائے ہم ان پر بیتے دکھوں اور اذیتوں کا مداوا تو نہیں بن سکتے لیکن ان کی ممکنہ حد تک مالی امداد کر کے سکون حاڈل ضرور کر سکتے ہیں کہ شائد ہمارا رب ہماری یہ چھوٹی سی خدمت اس کا اخلاص قبول کر کے روزَ محشر ہمارے عذاب میں تخفیف فرما دے۔ آمین۔
لوٹ آئو شمعِ رسالت صلی اللہ علیہ وآلہ وسلم کی طرف
تعلیمی نظام و نصاب کی تبدیلی ناگزیر ہے