رواں سال معاشی ترقی کی شرح 5 فیصد سے تجاوز کر جانے کی امید ہے۔ اسحاق ڈار

Ishaq Dar

Ishaq Dar

فرینکفرٹ (جیوڈیسک) جرمنی کے شہر فرینکفرٹ میں غیر ملکی ادارے کو انٹرویو میں بتایا کہ موجودہ حکومت نے جون 2014 میں دہشت گردی کے خلاف جنگ کے حوالے سے دلیرانہ فیصلے کیے اور فوجی آپریشنز سے بڑی کامیابیاں حاصل ہوئی ہیں۔

ان کا کہنا تھا کہ موجودہ آپریشن پر لگ بھگ 2٫3 ارب ڈالر خرچ ہونے کی توقع ہے۔ پاک چین اقتصادی راہ داری کے حوالے سے وزیر خزانہ اسحاق ڈار نے بتایا کہ چین پاکستان میں 46 ارب ڈالر کی سرمایا کاری کر رہا ہے جس میں سے بڑا حصہ یعنی 35 ارب ڈالر توانائی کے منصوبوں کے لیے مختص ہیں۔

انھوں ںے مزید کہا کہ آئندہ دو سالوں میں حکومت کو ہدف ہے کہ سالانہ معاشی ترقی کی شرح کو 7 فیصد تک پہنچایا جائے۔