مصطفی آباد/للیانی (نامہ نگار) کھادوں کی گورنمنٹ کے مقرر کردہ نرخوں پر فروخت یقینی بنائیں گے، اور چارجنگ کرنے والے کھاد ڈیلروں کے خلاف سخت سے سخت قانونی کاروائی عمل میں لائیں گے، ان خیالات کا اظہار رانا مقصود احمد ڈپٹی ڈائریکٹر زراعت (توسیع) لاہور نے صحافیوں سے گفتگو کرتے ہوئے کیا، انہوں نے مزید کہا کہ وزیر اعظم عمران خان اور وزیر اعلی پنجاب سردار عثمان بزدار کے ویژن کے مطابق کاشتکاروں کی خوشحالی کیلئے حکومت کی طے کردہ پالیسیوں پر عمل کروائیں گے، انہوں نے مزید کہا کہ آج بھی متعدد کھاد ڈیلروں کو چیک کیا اور کھاد کی کوالٹی چیک کرنے کیلئے مختلف ادویات کے سیمپل حاصل کرکے لیبارٹری بھیج چکے ہیں، جبکہ زائد نرخوں پر کھاد فروخت کرنے والے ڈیلروں کو ڈیڑھ لاکھ سے زائد جرمانے کئے ہیں،حکومتی ویژن کے مطابق کاشتکاروں کے مسائل کو ترجیحی بنیادوں پر حل کرنے کیلئے تمام وائل بروئے کار لا رہے ہیں، کاشتکاروں کی آگاہی کیلئے مختلف دیہات میں جاکر ان معلومات پہنچانے کا سلسلہ بھی شروع کر رکھا ہے، ہمارا کاشتکار ملکی معیشت میں ریڑھ کی ہڈی کی حیثیت رکھتا ہے، کاشتکار خوشحال ہوگا تو ملک ترقی کرے گا،
٭٭٭٭٭٭٭٭٭٭٭
مصطفی آباد/للیانی(نامہ نگار) تحریک انصاف کرپشن بچائومافیا کے دبائو میں نہیںآئے گی،ن لیگ اور پیپلز پارٹی اتحاد کرپشن کا پیسہ بچانے کی ناکام کوشش ہے، کرپشن پاکستان کا سب سے بڑا مسئلہ ہے، حکومت اسے منطقی انجام تک پہنچائے گی ،تحریک انصاف کو کرپشن میں ملوث افراد سے کوئی خطرہ نہیں، ان خیالات کا اظہار محمد ندیم اخترجزل سیکرٹری تحریک انصاف لیبر ونگ قصور نے اپنے ایک بیان میں کیا، انہوں نے مزید کہا کہ ملک سے کرپشن کا خاتمہ اور کرپٹ افراد کو جیلوں میں ڈالنا کروڑوں پاکستانیوں کے دل کی آواز ہے، کرپشن کا ناسور ملکی ترقی و خوشحالی میں سب سے بڑی رکاوٹ ہے، اب میثاق جمہوریت کے نام پر ملکی دولت ہضم کرنے کا دور گزر چکا ہے، پیٹ پھاڑ کر پیسے واپس لانے کے دعوے کرنے والے اب پیٹ سے پیٹ ملا رہے ہیں، پیپلزپارٹی اور ن لیگ کا حلالہ زیادہ دیر تک نہیں چلے گا،احتساب ہوگا اور سب کا ہوگا، حکومت کسی سے بلیک میل نہیں ہو گی، تمام پاکستانی لیڈر شپ پر بھروسہ رکھیں حالات بہتر ہوں گے، عمران خان عوام کی امیدوں پر پورا اتریں گے، نواز شریف اور آصف زرداری کی سیاست ختم ہو چکی ہے،
٭٭٭٭٭٭٭٭٭٭٭
مصطفی آباد/للیانی(نامہ نگار) مسلم لیگ ن عوامی مفادات پر سمجھوتہ نہیں کر سکتی، ملکی بہتری کیلئے قائدین نے جو کچھ کیا وہ تاریخ کے اورق پر سنہری حروف سے لکھا جائے گا، نام نہاد احتساب کے نام پر مسلم لیگ ن کو ختم کرنے کی ناکام کوشش کی جا رہی ہے، میڈیا پر آ کر کرپشن کرپشن کے نعرے لگانے سے کوئی کرپٹ نہیں ہو جاتا، تبدیلی کے نام پر ووٹ دینے والے تبدیلی کی حقیقت جان چکے ہیں، آج اگر بلدیاتی الیکشن جماعتی سطح پر کروا دئیے جائیں تو مسلم لیگ ن کو دو تہا ئی اکثریت حاصل ہو گی، ان خیالات کا اظہاررہنما مسلم لیگ ن و امیدوار برائے چیئرمین یونین کونسل کھارا سعید احمد بھٹی نے اپنے ایک بیان میں کیا، انہوں نے مزید کہا کہ میاں محمد نواز شریف اور میاں محمد شہباز شریف کی ملک و قوم کیلئے خدمات کو فراموش نہیں کیا جا سکتا، کمر توڑ مہنگائی نے نوجوانوں کا تبدیلی کا بخار اترنا شروع ہو گیا ہے،
٭٭٭٭٭٭٭٭٭٭٭
محمد عمران سلفی صدر پریس کلب مصطفی آباد للیانی رجسٹرڈ
03007575126
