امریکی سائنسدانوں نے حالیہ تحقیق میں یہ بات واضح کی ہے کہ کینسر کا پھیلاو پیدائش سے پہلے ہی شروع ہو سکتا ہے۔ وان اینڈل انسٹی ٹیوٹ کی جانب سے کی جانے والی اس تحقیق میں چوہوں کے نمونوں کا تجزیہ کیا گیا، جس میں ایپی جینیٹک عوامل کے کردار کا معائنہ کیا گیا۔
تحقیق کے دوران دو اہم ایپی جینیٹک صورتحال کا مشاہدہ کیا گیا، جو بعد کی زندگی میں کینسر کے خطرے کے بارے میں معلومات فراہم کرتی ہیں۔ ماہرین کا کہنا ہے کہ یہ خطرہ پیدائش سے پہلے ہی شروع ہو سکتا ہے، جو مستقبل میں کینسر کی مختلف اقسام کے امکانات کا تعین کرتا ہے۔
تحقیق میں یہ بات بھی سامنے آئی کہ ان دو ایپی جینیٹک صورتحال میں سے ایک کینسر کے کم خطرات کی نشاندہی کرتی ہے جبکہ دوسری زیادہ خطرات کا باعث بنتی ہے۔ یہ ایپی جینیٹک حالات نہ صرف خطرے کی سطح کے بارے میں معلومات دیتے ہیں بلکہ کینسر کی ممکنہ اقسام کا بھی پتہ دیتے ہیں۔
اس تحقیق کے نتائج نے کینسر کی تشخیص اور اس سے بچاؤ کے طریقوں پر نئی روشنی ڈالی ہے۔ ماہرین کا خیال ہے کہ اگر ان ایپی جینیٹک عوامل کی جانچ کی جائے تو ممکنہ طور پر کینسر کے خطرات کو کم کرنے میں مدد مل سکتی ہے۔ یہ تحقیق کینسر کے خلاف جنگ میں ایک اہم سنگ میل ثابت ہو سکتی ہے۔
