اسلام آباد (اصل میڈیا ڈیسک) وزیر اعظم کے معاون خصوصی ڈاکٹر شہباز گل نے کہا ہے کہ اپنی حکمت عملی مرتب کر لی ہے اور سرپرائز دیں گے ،عدم اعتماد کے لئے سمجھدار لوگوں سے پوچھ کر اچھا مرکب بنایا ہے اور جیسا بندہ ہوگا اس کو ایسی ہی دوائی دی جائے گی‘ اپوزیشن کس کس سے رابطے کر رہی ہے سب پتہ ہے‘ اتحادیوں سے رابطہ ہے اور جس وقت فیصلے کا دنآئے گا وہ ہمارے ساتھ کھڑے ہوں گے۔
تحریک عدم اعتماد سے متعلق حکمت عملی یہی ہے کہ جن لوگوں نے ضمیر بیچا ہے وہ سامنے آئیں‘ایسے لوگوں کو تحریک عدم اعتماد کے حق میں ووٹ دینے سے پہلے ہی نااہل کردیں گے‘ان کے شہروں کے باہر ان کے ناموں کے ساتھ غدار لکھ کر پوسٹر لگائیں گے اور پی ٹی آئی کے ورکرز روز ان پوسٹرز کو جوتوں کا ہار پہنائیں گے، ان کو وہ سزا دیں گے کہ ان کی نسلیں یاد رکھیں گی۔
ڈاکٹر شہباز گل کا کہناتھاکہ ہم اتحادیوں کو انگیج کر رہے ہیں ،وہ اپنا فیصلہ خود کریں گے‘کچھ چیزیں ابھی شیئر نہیں کرسکتے ،سرپرائز دیں گے ، اگر وہ ابھی سامنے لے آئے تو مزا ختم ہو جائے گا‘جو حکمت عملی سامنے رکھیں گے اگر مزہ نہ آئے تو پیسے واپس۔