جہلم (ڈاکٹر تصور مرزا پوران) جہلم ہومیوپیتھک میڈیکل کالج جہلم تعزیتی اجلاس پرنسپل کالج ہذا ڈاکٹر ذوالفقار علی چوہدری کی صدارت میں ہوا ۔سینئر رہنما PHMA محترم پروفیسر ڈاکٹر سید منور حسین نقوی بانی جوہر ہومیوپیتھک میڈیکل کالج خانپور ،چیرمین جوہر میڈیکل اینڈ ایجوکیشنل ٹرسٹ پاکستان کی وفات پر گہرے دکھ اور غم کا اظہار کیا گیا ۔چیرمین JHMCڈاکٹر ملک ذوالفقار احمد اعوان نے UK سے خصوصی تعزیتی خطاب میں مرحوم کی خدمات کو سراہا اور خراجِ تحسین پیش کیا۔ مرحوم کی بخشش اور لواحقین کے لئے صبرِ جمیل کی دعائیں کی گئیں۔ اجلاس میں ڈاکٹر ذوالفقار علی چوہدری، پروفیسر ڈاکٹر انعام الحق مرزا ، ڈاکٹر مرزا صفدر بیگ ، ڈاکٹر عثمان انجم ، ڈاکٹر صنور حسین ،ڈاکٹر قربان حسین، ڈاکٹر سرفرازاختر، ڈاکٹر محمد عمران خالد، ڈاکٹر حافظ کاشف حسین ، ڈاکٹر غضنفر علی ،لیڈی ڈاکٹر مصوفہ گل سمیت تمام کالج سٹاف شریک تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم(ڈاکٹر تصور مرزا پوران ):ڈپٹی کمشنر جہلم محمد سیف انور جپہ نے اسسٹنٹ کمشنر دینہ کے ہمراہ جی ٹی روڈ دینہ پر واقعہ سستے رمضان بازار کا دورہ کیا۔سکیورٹی، تعینات آفیسرز کی حاضری، ایگریکلچر فائر پرائس شاپ، سبزی فروٹ ، گوشت، پینے کا پانی،بوتلیں ،دالیں اور دیگر سٹالز کا تفصیلی دورہ کیا۔ تفصیلات کے مطابق ڈپٹی کمشنر جہلم نے سستے رمضان بازار کا اچانک دورہ کیا جس میں صفائی ستھرائی اور لگائے گئے خوبصورت مختلف سٹالزکی کارکردگی کو زبردست سراہا اور احکامات دیئے کہ رمضان بازار میں تعینات آفیسرز کے حاضری رجسٹر کو انتظامی افسران چیک کیا کریں ۔دورہ کے دوران انہوں نے کہا کہ حکومت پنجاب غریب عوام کو ریلیف دینے کیلئے کوشاں ہے اور سستے رمضان بازاروں میں معیاری اور سستی اشیاء کی فراہمی کیلئے ہر ممکن اقدامات کے جا رہے ہیں۔ انہوں نے کہا کہ سستے رمضان بازارلگانے کا مقصد عوام کوریلیف پہنچاناہے جس کے لئے حکومت نے رمضان بازاروں کا انعقادکیاہے جہاں پر عوام کو بازار سے سستے داموں اشیائے خوردونوش فراہم کی جارہی ہیں۔انہوں نے مختلف اشیاء کی کوالٹی اور وزن چیک کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
