کراچی (اسٹاف رپورٹر) پاکستان تحریک انصاف کے مرکزی رہنماء اشرف قریشی نے کہا کہ عمران خان عوامی اُمیدوں کا محور ہیں ،پاکستان کے عوام نے تحریک انصاف اور عمران خان پر مسیحا کے طور پر اپنے بھر پور اعتماد کا اظہار کیا ہے انشا اللہ عمران خان عوام کو تمام درپیش بحرانوں سے نجات دلا ئیں گے عمران خان کی قیادت میں بہت جلد ملک تمام نحرانوں سے نکل کو ترقی اور خوشحالی سے ہمکنار ہونگے ان خیالات کا اظہار انہوںنے انصاف ہائوس کراچی میں ورکرز کنونشن سے خطاب کرتے ہوئے کیا کنونشن نے MPAو سابق جنرل سیکریٹری خرم شیر زمان ،MNAصائمہ ندیم ،عطاء اللہ خان ایڈوکیٹ،MPAجمال صدیقی ،حافظ فضل کریم اور دیگر نے بھی خطاب کیا اشرف قریشی نے PTIکے کارکنان پر زور دیا کہ وہ عوامی رابطہ مہم تیز کریں اور سیاسی مخالفین کی جانب سے جھوٹے پروپگنڈا سے عوام کو آگاہ کریں تاکہ سابقہ دور میں ملکی خزانہ لوٹنے والوں کو منہ توڑ جواب دیا جا سکے۔
کنونشن سے خطاب کرتے ہوئے خرم شیر زمان نے کہاکہ آج کا یہ ورکرز کنونشن یہ ثابت کرتا ہے کہ تحریک انصاف کے کارکنان کل کی طرح آج بھی متحد اور منظم ہیں انہوںنے کہاکہ قوم عمران خان پر مکمل اعتماد کرتی ہے اور انہیں مسیحا اور نجات دہندہ سمجھتی ہے خرم شیر زمان نے کہاکہ ملکی خزانہ لوٹنے والے احتساب سے نہیں بچ سکتے عوامی دولت لوٹنے والوں سے قومی خزانے کے ایک ایک پیسے کا حساب لیا جائیگا انہوںنے عوام کو یقین دلا یا کہ مشکل حالات عارضی ہیں انشا اللہ پاکستان مشکل معاشی حالات سے جلد باہر نکل آئے گا۔
