کراچی (جیوڈیسک) ڈالر کی اونچی اڑان کا سلسلہ جاری ہے جس کے بعد اوپن مارکیٹ میں قیمت 157 تک پہنچ گئی ہے۔
کاروباری ہفتے کےآغاز پر ڈالر کی اونچی اڑان کا سلسلہ جاری ہے، ایکسچینج کرنسی ایسوسی ایشن کے مطابق اوپن مارکیٹ میں ڈالر 157 روپے کی سطح پر پہنچ گیا ہے جب کہ انٹر بینک میں 7 پیسے مہنگا ہونے کے بعد قیمت 156.83 سے بڑھ کر 156.90 روپے پر پہنچ گئی ہے۔
دوسری جانب کاروباری ہفتے کے آغاز پر پاکستان اسٹاک ایکسچینج میں مندی کا رُجحان دیکھنے میں آیا اور 100 انڈیکس میں 667 پوائنٹس کی کمی کے بعد انڈیکس 34400 پوائنٹس کی سطح تک گرگیا۔
واضح رہے کہ گزشتہ چند ماہ کے دوران ڈالر کی قیمت میں 20 روپے تک کا اضافہ ہوچکا ہے۔
