کراچی (اصل میڈیا ڈیسک) جماعت اسلامی سے معاہدے کے تحت بلدیاتی بل میں ترمیم کرنے کے لیے وزیراعلی سندھ مراد علی شاہ نے کابینہ کا اجلاس طلب 2 فروری کو طلب کرلیا۔
جماعت اسلامی سے معاہدے کے بعد بلدیاتی ترمیمی بل 2021 کو نئے بلدیاتی انتخابات یا جولائی تک موخر کرنے کا فیصلہ کیا گیا ہے۔
بل میں میئر کو بااختیار بنانے سے متعلق معاہدے کے تحت تمام شقوں کو شامل کرکہ بلدیاتی ترمیمی بل 2021 میں میئر کے اختیارات کی منظوری لی جائے گی ۔
میئر کراچی کو واٹر بورڈ کا چیئرمین، آکٹرائے ثیکس، صحت اور تعلیمی ادارے سندھ حکومت سے واپس میئر کے ماتحت کرنے کی منظوری دی جائے گی ۔
یہ بھی پڑھیں: بلدیاتی قانون؛ سندھ حکومت سے معاہدے کے بعد جماعت اسلامی نے دھرنا ختم کردیا
سندھ کابینہ بلدیاتی ترمیمی بل 2021 کو دوبارہ سندھ اسمبلی پیش کرکہ اسمبلی سے بھی منظوری لی جائے گی سندھ کابینہ اجلاس کے دیگر ایجنڈے میں سمندری جزیرے بنڈل اور بڈو کو محکمہ جنگلات کی ملکیت قرار دینے کے لیے بھی منظوری دے گی۔
سیکریٹری محکمہ جنگلات نے وزیراعلی سندھ کو بڈو اور بنڈل جزیرے سے متعلق نیا حکم نامہ جاری کرنے کی سفارش کی تھی ساتھ ہی کابینہ اجلاس میں محکمہ صحت کے لیے نئی گاڑیوں کی خریداری کی منظوری دے گی ترکی سے سندھ پولیس کے لیے پستولوں کی خریداری کا معاملہ اور نئے سیزن کے لیے سرکاری طور پر گندم خریداری سمیت سندھ میں ایف سی کے لیے ٹرانسپورٹ کا معاملہ بھی ایجنڈے کا حصہ ہے۔
