سوشل میڈیا پر روایتی پنجابی لباس میں تصاویر شیئر
پاکستانی اداکار خاقان شہنواز اور سبینہ سید نے اپنی منگنی کا اعلان کردیا ہے۔ جوڑے نے اس خبر کی تصدیق انسٹاگرام پر ایک پوسٹ کے ذریعے کی جس میں وہ کھلے مقام پر منگنی کی شوٹ سے تصاویر شیئر کیں۔
تصاویر میں دونوں فنکار روایتی پنجابی لباس میں نظر آئے۔ پوسٹ کے ساتھ انہوں نے لکھا: “ہمارا تو ہوگیا، اپنا اپنا دیکھ لو۔”
فنکارانہ سفر
سبینہ سید نے 2017 میں اپنے اداکاری کیرئیر کا آغاز کیا تھا اور وہ ‘مقدر’، ‘یقین کا سفر’ جیسے ڈراموں میں اپنے کرداروں کے لیے جانی جاتی ہیں۔
خاقان شہنواز نے 2023 میں انڈسٹری میں قدم رکھا اور ‘یونہی’، ‘سکون’، ‘مائی ڈئر سنڈریلا’ جیسے ڈراموں میں اپنی کارکردگی سے شہرت حاصل کی۔
ہم منصبوں اور مداحوں کی مبارکباد
اس اعلان کے بعد ہانیہ عامر، سجل علی، کبریٰ خان سمیت دیگر ہم منصب اداکاروں اور مداحوں نے سوشل میڈیا پر جوڑے کو مبارکباد پیش کیں۔
