7 مئی 2025 کی رات، بھارت نے چپکے سے پاکستان پر فضائی حملے کیے۔ بھارتی فضائیہ نے جدید میزائلوں اور لڑاکا طیاروں کے ذریعے یہ گمان کیا کہ وہ چند منٹوں میں تباہی مچا دے گی۔ مگر دشمن نے پاکستان کی دفاعی صلاحیت اور عسکری پیشہ ورانہ مہارت کو شدید طور پر کم سمجھا۔ یہی اُس کی سب سے بڑی بھول ثابت ہوئی۔
پاکستان ایئر فورس نے چند ہی منٹوں میں 6 بھارتی طیارے مار گرائے، اور بھارت کا جدید S-400 فضائی دفاعی نظام راکھ میں بدل دیا۔ دنیا حیران رہ گئی — پاکستان نے نہ صرف دفاع کیا، بلکہ دشمن کو منہ توڑ جواب دے کر سبق سکھایا۔
بھارتی حکومت کو حالیہ جنگی جھڑپوں اور 10 مئی کو پاکستانی جوابی حملے میں ہونے والے غیر متوقع نقصانات کے بعد سخت اندرونی دباؤ کا سامنا ہے۔ اپوزیشن اور میڈیا کی جانب سے حکومت پر تنقید بڑھ گئی ہے کہ بھارت کی عسکری حکمتِ عملی ناکام رہی، اور پاکستان کے موثر ردعمل نے بھارت کو سیاسی و سفارتی طور پر نقصان پہنچایا ہے۔
ذرائع کے مطابق، بھارتی حکومت نے اس دباؤ کا توڑ نکالنے کے لیے ایک نئی حکمتِ عملی تیار کی ہے جس پر عملدرآمد آئندہ چند روز میں ممکن ہے۔
بھارت آزاد کشمیر میں مساجد اور مذہبی مقامات کو نشانہ بنا کر انہیں دہشت گردوں کے ٹھکانے ظاہر کرنے کا ارادہ رکھتا ہے، تاکہ عالمی برادری کو گمراہ کیا جا سکے۔
بھارت پہلے سے تیار شدہ جھوٹا بیانیہ جاری کرنے کی منصوبہ بندی کر رہا ہے، جس میں دعویٰ کیا جائے گا کہ یہ حملے دہشت گردوں کے خلاف تھے، نہ کہ مذہبی مقامات پر۔ اور یہ بھی کہا جائے گا کہ اگر پاکستان چاہے تو بھارت مشترکہ تحقیقات کے لیے تیار ہے۔
ایسا ملک جو اپنے عوام کو جھوٹی فتوحات کے خواب دکھا کر جنگ کو ہوا دیتا ہے، جب میدان میں منہ کی کھاتا ہے، تو سچ کو دفن کر کے پروپیگنڈے کی چادر اوڑھ لیتا ہے۔
زیادہ تر بھارتی فلمی دنیا میں زندہ ہیں۔ ان کے ذہنوں میں یہ زہر بھرا ہوا ہے کہ جیسے کسی بالی ووڈ فلم کی طرح وہ 2 یا 3 گھنٹوں میں پاکستان کو “تباہ” کر کے ایک خیالی “گریٹر انڈیا” قائم کر لیں گے۔
مگر حقیقت ان کے خوابوں سے بالکل مختلف ہے۔ جنگ فلم نہیں، حقیقت ہے۔ اور حقیقت یہ ہے کہ پاکستان کا فولادی دفاع، ناقابلِ تسخیر جذبہ، اور پروفیشنل عسکری حکمت عملی وہ دیوار ہے جس سے بھارتی غرور بارہا ٹکرا کر پاش پاش ہوا ہے۔
دلچسپ بات یہ ہے کہ 9 اور 10 مئی کی رات بھارتی میڈیا پر “بریکنگ نیوز” کا طوفان برپا تھا:
“پاکستان کے تمام ایئر بیس تباہ!”
“پاکستان کے آرمی چیف گرفتار!”
“بھارت نے اسلام آباد پر قبضہ کر لیا!”
“لاہور اور فیصل آباد پر بھارتی نیوی کا کنٹرول!”
(حالانکہ لاہور اور فیصل آباد سمندر سے سینکڑوں کلومیٹر دور ہیں!)
یہ دعوے مضحکہ خیز تھے۔ یوں لگ رہا تھا کہ بھارتی نیوز چینلز کسی اسکرپٹڈ فلم کی کوریج کر رہے ہیں، نہ کہ ایک حقیقی جنگی صورتحال کی۔
بھارتی حکومت اور میڈیا جھوٹ کی خوراک دے کر عوام کو سچ سے بے خبر رکھنا چاہتے ہیں۔
مگر پاکستان سچ پر قائم ہے — اور سچ یہ ہے کہ:
10 مئی کو، پاکستان نے دشمن کی جارحیت کا بھرپور جواب دیا اور بھارت کے مزید عسکری اہداف کو نشانہ بنایا۔ اس جوابی کارروائی میں دوسرا S-400 سسٹم، کئی فضائی اڈے، اور بڑا اسلحہ ڈپو مکمل طور پر تباہ کر دیے گئے۔
پاکستان کا حملہ نہایت تیز، منظم، اور شدید تھا۔ جدید میزائلوں نے بارش کی مانند بھارتی تنصیبات کو نشانہ بنایا، ساتھ ہی سائبر حملوں نے بھارتی مواصلاتی نظام کو مفلوج کر دیا۔ صرف 90 منٹ کی اس کارروائی کے دوران بھارت کا دفاعی ڈھانچہ بری طرح متاثر ہوا اور ملک بھر میں 70 فیصد سے زائد بجلی کی فراہمی منقطع ہو گئی۔
اس اچانک اور تباہ کن حملے نے بھارت کو خوف میں مبتلا کر دیا، جس کے نتیجے میں نئی دہلی حکومت نے فوری طور پر امریکہ سے مدد مانگی اور جنگ بندی کی اپیل کر دی۔
