لاہور (اصل میڈیا ڈیسک) مسلم لیگ ن کے رہنما خواجہ سعد رفیق کا کہنا ہے کہ عمران حکومت کو گِرانے کی جلدی نہيں پھر بھی یہ اپنی مدت پوری نہیں کرے گی۔
لاہور میں میڈيا سے گفتکو میں خواجہ سعد رفیق کا کہنا تھا کہ اِس وقت ملک کی جو حالت کر دی گئی ہےکوئی بھی اقتدار میں آنےکے لیے تیار نہیں ہے۔
سعد رفیق کا کہنا تھا کہ جو کسی کے لیےگڑھا کھودتا ہے، سمجھ لےکہ وہ خود اس میں گرے گا، میں نے کہا تھا وزارت عظمیٰ پلیٹ میں رکھ کردی جائے گی،لینے والا کوئی نہیں ہوگا، وہ وقت آگیا ہےکہ بیساکھیوں پر قائم حکومت کو کون لےگا۔
ان کا کہنا تھا کہ عمران خان اپوزیشن پرکلہاڑا چلا رہےہیں، مگر ہم نےموجودہ صورت حال کا فائدہ نہیں اٹھایا،ہم موجودہ صورت حال سے خوش نہیں، نہیں چاہتے جو ہمارے ساتھ ہوا وہ آج بھی ہو،کفر اور غداری کے فتوے لگانے والے ملک کی خدمت نہیں کرتے۔
