کراچی (اسپورٹس رپورٹر) ڈسٹرکٹ کورنگی شوٹنگ بال ایسوسی ایشن اور واحد اسپورٹس شوٹنگ بال کلب کے اشتراک سے عید ملن شوٹنگ بال فیسٹیول میچ کا انعقاد واحد اسپورٹس شوٹنگ بال کمپلیکس کورنگی میں کیا گیا، عید ملن شوٹنگ بال میچ کراچی ہیروز اور کراچی فرینڈز کے درمیان کھیلا گیا، شوٹنگ بال میچ میں آغاز سے اختتام تک دلچسپ اور سنسنی خیز مقابلا دیکھنے کو ملا، تین گیم پر مشتمل میچ کراچی ہیروز نے کراچی فرینڈز کو 2-1 سے شکست دے کر جیت لیا۔
میچ میں پہلے سیٹ کا اسکور 16-12 دوسرے سیٹ کا سکور 09-16 اور تیسرے سیٹ کا اسکور 16-13 رہا، عید ملن شوٹنگ بال میچ میں دونوں ٹیموں نے شاندار کھیل پیش کی خاص طور پر وسیم عباس، رضوان احمد، ملک ناصر، محمد حسنین، محمد بلال خان، اعجاز احمد، عبدللہ، اسرار زیدی، محمد تحسین، محمد شمیم اور شہباز کا کھیل قابل دید تھا، عید ملن شوٹنگ بال فیسٹیول میچ کے مہمان خصوصی کراچی باسکٹ بال اسیوسی ایشن کے صدر غلام محمد خان تھے۔
میچ کے اختتام پر مہمان خصوصی غلام محمد خان کا دونوں ٹیموں کے کھلاڑیوں اور آفیشلز سے تعارف کرایا گیا، اس موقع پر انٹرنیشنل ماسٹر یوگی گنیش راج، مس حودا یوگی، عروج فاطمہ، امبرین خان، محمد رفیق سیکریٹری سندھ جوڈو ایسوسی ایشن خالد بروہی سیکریٹری پاکستان یوگا اسپورٹس فیڈریشن سلیم خمیسانی چیئرمین فٹبال ویلفیئر ایسوسی ایشن محمد ارشد سیکریٹری اطلاعات پاکستان یوگا اسپورٹس فیڈریشن اینڈ سندھ جوڈو ایسوسی ایشن ، محمد ادریس سیکریٹری کراچی جوڈو ایسوسی ایشن خرم سلیمان صدر کراچی جوڈو ایسوسی ایشن، روف بٹ ایگزیکٹو ممبر سندھ جوڈو، فرحان تھانوی تائی کوانڈو، قمرالسلام پیارے، محمد عارف، محمد حسنین سیکریٹری ڈسٹرکٹ کورنگی شوٹنگ بال ایسوسی ایشن ایم شمیم قریشی چیئرمین واحد اسپورٹس کلب اور دیگر کھیلوں سے وابستہ معزز شخصیات کی بڑی تعداد بھی موجود تھی ، اس میچ کو سید افتخار زیدی، اکرم پرویز اور جاوید احمد نے سپروائز کیا۔
