دوسرے ہاف میں شاندار واپسی، گروپ جی میں مصر کی برتری
وینکوور: محمد صلاح کی قیادت میں مصر نے فیفا ورلڈ کپ 2026 میں اپنی پہلی تاریخی فتح حاصل کرتے ہوئے نیوزی لینڈ کو ایک کے مقابلے میں تین گول سے شکست دے دی۔ اتوار کو بی سی پلیس اسٹیڈیم میں کھیلے گئے اس سنسنی خیز مقابلے میں مصری ٹیم نے پہلا ہاف گول سے پیچھے رہنے کے بعد دوسرے ہاف میں شاندار واپسی کی۔
محمد صلاح نے 34 سال کی عمر میں بھی اپنے جوتوں کا جادو بکھیرتے ہوئے ایک گول کیا اور ایک اسسٹ فراہم کی۔ اس فتح کے ساتھ ہی مصر اپنے گروپ میں چار پوائنٹس کے سات پہلے نمبر پر آگیا ہے۔
نیوزی لینڈ کی پہلی برتری اور مصر کا پلٹ وار
نیوزی لینڈ نے پہلے ہاف میں سادہ مگر موثر حکمت عملی اپنائی، لمبی ککس اور گیند پر کنٹرول رکھا۔ ڈیفنڈر فن سورمن نے کارنر کک پر طاقتور ہیڈر سے گیند کو جال میں پہنچا کر اپنی ٹیم کو برتری دلادی۔ لیکن دوسرے ہاف میں مصر نے دباؤ بڑھایا اور 58ویں منٹ میں مصطفیٰ زیکو نے محمد ہانی کی کراس پر ہیڈر سے مقابلہ برابر کردیا۔
صلاح کا لمحۂ جادو
67ویں منٹ میں محمد صلاح نے وہ لمحہ تخلیق کیا جس کا شائقین کو انتظار تھا دائیں جانب سے پیش قدمی کرتے ہوئے زیکو کے ساتھ ون ٹو پاس کھیلا اور گیند کو مہارت سے دور دراز کونے میں پہنچا کر اسکور 2-1 کردیا۔ 81ویں منٹ میں صلاح نے اپنی دوسری گول کی کوشش تو ناکام رہی لیکن اسی کارنر کک پر انہوں نے متبادل کھلاڑی محمود تریزیگے کو گیند فراہم کی جنہوں نے نیئر پوسٹ پر ہیڈر سے گول کرکے فتح پر مہر ثبت کردی۔
تاریخی لمحے پر جذباتی مناظر
میچ کے اختتام پر مصری شائقین کی سیٹیوں اور دھاڑوں نے پورا اسٹیڈیم گونج اٹھا۔ کوچ حسام حسن نے مصری پرچم لہراتے ہوئے اسٹیڈیم کا چکر لگایا۔ انہوں نے کہا، “میرے جذبات وہی ہیں جو مصر کے عوام کے ہیں کیونکہ میں ان میں سے ایک ہوں۔ مجھے ایسا لگا جیسے ہم مصر میں کھیل رہے ہیں۔”
نیوزی لینڈ کے کپتان کرس ووڈ نے صلاح کی تعریف کرتے ہوئے کہا، “آپ صرف ایک کھلاڑی پر توجہ نہیں دے سکتے۔ صلاح کسی بھی وقت گول کر سکتے ہیں، اور انہوں نے یہ دکھا دیا۔ لیکن اس ٹیم میں اور بھی کئی کھلاڑی ہیں جو مسائل پیدا کرتے ہیں۔”
گروپ مرحلے کا آخری اور فیصلہ کن مرحلہ
یہ فتح مصر کے لیے ورلڈ کپ کی تاریخ میں سنگ میل کی حیثیت رکھتی۔ گروپ جی میں اب مصر چار پوائنٹس کے ساتھ سرفہرست ہے، جبکہ نیوزی لینڈ ایک پوائنٹ کے ساتھ سب سے نیچے ہے۔ بیلجیئم اور ایران کے دو دو پوائنٹس ہیں۔ اب مصر کا آخری اور فیصلہ کن مقابلہ ایران سے ہوگا، جبکہ نیوزی لینڈ کا سامنا بیلجیئم سے ہوگا۔ راؤنڈ آف 32 میں جگہ بنانے کی دوڑ ابھی مکمل طور پر کھلی ہوئی ہے۔
