انگلینڈ کے وکٹ کیپر بلے باز جوس بٹلر نے ٹی ٹوئنٹی کرکٹ کی تاریخ میں ایک نئی باب رقم کرتے ہوئے فارمیٹ میں 15 ہزار رنز مکمل کرنے والے دنیا کے پہلے کھلاڑی بن گئے ہیں۔
بٹلر نے یہ سنگ میل کارڈف میں سری لنکا کے خلاف کھیلے جانے والے دوسرے ٹی ٹوئنٹی انٹرنیشنل کے دوران حاصل کیا۔ انہوں نے ایشان مالنگا کی گیند پر ایک رن لے کر 15 ہزار رنز کا ہندسہ عبور کیا اور سابق ویسٹ انڈین آل راؤنڈر کیرون پولارڈ کو پیچھے چھوڑ کر ٹی ٹوئنٹی کرکٹ میں سب سے زیادہ رنز بنانے والے بلے باز بن گئے۔
بٹلر کے اعداد و شمار
جوس بٹلر نے یہ رنز 528 میچوں میں 35.46 کی اوسط اور 147.46 کے اسٹرائیک ریٹ کے ساتھ بنائے ہیں، جس میں نو سنچریاں اور 107 نصف سنچریاں شامل ہیں۔
ٹی ٹوئنٹی کرکٹ میں سب سے زیادہ رنز بنانے والے کھلاڑی
- جوس بٹلر (انگلینڈ): 15,000 رنز، 528 میچز
- کیرون پولارڈ (ویسٹ انڈیز): 14,999 رنز، 754 میچز
- ایلکس ہیلز (انگلینڈ): 14,581 رنز، 537 میچز
- کرس گیل (ویسٹ انڈیز): 14,562 رنز، 463 میچز
- ڈیوڈ وارنر (آسٹریلیا): 14,284 رنز، 439 میچز
واضح رہے کہ کیرون پولارڈ نے 754 میچوں میں 14,999 رنز بنائے ہیں، جبکہ انگلینڈ کے ایلکس ہیلز 537 میچوں میں 14,581 رنز کے ساتھ تیسرے نمبر پر ہیں۔ ویسٹ انڈیز کے لیجنڈ کرس گیل 463 میچوں میں 14,562 رنز کے ساتھ چوتھے اور آسٹریلیا کے ڈیوڈ وارنر 439 میچوں میں 14,284 رنز کے ساتھ پانچویں نمبر پر موجود ہیں۔
بٹلر کی یہ کامیابی ٹی ٹوئنٹی کرکٹ میں ان کی شاندار مستقل مزاجی اور طویل عرصے تک اعلیٰ کارکردگی کا منہ بولتا ثبوت ہے، اور اس نے فارمیٹ کی تاریخ میں ایک ناقابل فراموش مقام حاصل کر لیا ہے۔
