لاہور (اصل میڈیا ڈیسک) پاکستان مسلم لیگ نون کی نائب صدر مریم نواز کے بیٹے، جنید صفدر کی شادی کی تقریبات کا آغاز ہو چکا ہے جبکہ رواں ماہ کی 17 تاریخ کو اُن کا ولیمہ ہوگا۔
جنید صفدر کی شادی سے متعلق خبریں، ویڈیوز اور تصویریں آج کل سوشل میڈیا پر خوب وائرل ہو رہی ہیں۔
مسلم لیگ ن اور شریف خاندان کے چاہنے والے اس شادی کو کافی اہمیت دے رہے ہیں اور اپنے لیڈر نواز شریف کے نواسے، ن لیگ کی نائب صدر کے بیٹے کو نئے سفر کے لیے دنیا بھر سے، نیک تمنائیں اور دعائیں بھی بھیج رہے ہیں۔
واضح رہے کہ جنید صفدر کا نکاح لندن میں ہوا تھا جبکہ شادی کی باقاعدہ تقریبات پاکستان میں طے ہونا پائی ہیں جن میں رُخصتی اور ولیمہ شامل ہے۔
گزشتہ شب شادی کے آغاز پر جنید صفدر کو اُن کی چھوٹی بہن ماہ نور صفدر کی جانب سے تیار کیا گیا۔
جنید صفدر نے اپنی تیاری کی نئی تصویریں سوشل میڈیا اکاؤنٹ انسٹا گرام کی اسٹوری پر اپنے چاہنے والوں کے ساتھ شیئر کی ہیں جنہیں بے حد پسند کیا جا رہا ہے۔
جنید صفدر کا ان تصویروں میں بتانا تھا کہ اُن کی شادی کی تقریبا ت کا آغاز ہو گیا ہے۔
جنید صفدر کی جانب سے شیئر کی گئی اِن تصویروں میں دیکھا جا سکتا ہے کہ اُن کی چھوٹی بہن ماہ نور صفدر نے ساڑھی زیب تن کی ہوئی ہے اور اپنے بھائی، جنید صفدر کو شال اوڑھنے میں مدد کر رہی ہیں۔
