ممبئی (اصل میڈیا ڈیسک) بالی ووڈ کے نامور اداکار رنبیر کپور نئی فلم کی شوٹنگ کے دوران اپنے جذبات پر قابو نہ رکھ سکے اور ان کی آنکھوں سے آنسو چھلک پڑے۔
بھارتی میڈیا کی رپورٹس کے مطابق رنبیر کپور کی آبدیدہ ہونے کی ویڈیو وائرل ہونے پر ان کے مداح بھی پریشان ہوگئے۔ پرستاروں نے کمنٹ سیکشن میں لکھا کہ اداکار اگر کسی مشکل میں ہیں تو دعا ہے کوئی حل نکل آئے۔ کئی صارفین کا ماننا ہے کہ رنیبر اپنے مرحوم والد رشی کپور کی یاد میں رو رہے ہیں۔
رپورٹ میں بتایا گیا کہ شوٹ کے دوران ڈائریکٹر نے جیسے ہی ’کٹ‘ کہا تو رنیبر کپور اپنے جذبات پر قابو نہ رکھ سکے، انٹرنیٹ پر وائرل ویڈیو میں اداکار کو آنسو صاف کرتے ہوئے بھی دیکھا جاسکتا ہے۔
ویڈیو میں آوازیں سنی جاسکتی ہیں کہ سیٹ میں موجود افراد بھی رنبیر کو روتا دیکھ کر حیران رہ گئے جب ہی وہ آپس میں سوال کرنے لگے کہ اداکار واقعی رو رہے ہیں؟ جس پر کسی نے کہا سچ میں رو رہے ہیں۔
خیال رہے کہ اس سے قبل رنبیر کپور نے ایک فلم میں اپنے والد رشی کپور کا کردار نبھانے پر معروف اداکار پریش راول کی تعریف کی تھی اور اس دوران بھی وہ جذباتی نظر آئے تھے۔
