وزیراعظم شہباز شریف نے پیر کو بیجنگ میں چینی ہم منصب لی چیانگ سے ملاقات کے دوران مشرق وسطیٰ میں امن اور استحکام کے لیے پاکستان اور چین کی مشترکہ کوششوں ضرورت پر زور دیا۔ انہوں نے اس موقع پر اسلام آباد کی جنگ بندی کی کوششوں کی حمایت کرنے پر چینی صدر شی جن پنگ اور بیجنگ کی قیادت کا شکریہ ادا کیا۔
عظیم عوامی ہال میں چینی وزیراعظم سے گفتگو کرتے ہوئے وزیراعظم شہباز شریف نے کہا کہ پاکستان صدر شی کے علاقائی امن اور استحکام کے فروغ کے لیے پیش کردہ چار نکاتی ایجنڈے کی مکمل حمایت کرتا ہے۔
مشرق وسطیٰ کے بحران پر پاک چین تعاون
انہوں نے مزید بتایا کہ نائب وزیراعظم اسحاق ڈار اور چینی وزیر خارجہ نے بھی مشرق وسطیٰ میں جنگ بندی کی کوششوں کو آگے بڑھانے کے لیے پانچ نکاتی پروگرام کا اعلان کیا ہے۔ وزیراعظم نے کہا کہ مشرق وسطیٰ میں جاری بحران نے نہ صرف دنیا بھر کی معیشتوں کو متاثر کیا ہے بلکہ پاکستان بھی اس سے متاثر ہوا ہے۔
چین کا پاکستان کے کردار کو خراج تحسین
ملاقات کے آغاز پر وزیراعظم شہباز شریف کا عظیم عوامی ہال میں پرتپاک استقبال کیا گیا۔ دونوں رہنماؤں نے اپنے اپنے وفود کے ارکان کا تعارف کرایا اور اس دوران پاکستان اور چین کے قومی ترانے بھی بجائے گئے۔ وزیراعظم شہباز شریف کو گارڈ آف آنر بھی پیش کیا گیا۔
چینی وزیراعظم لی چیانگ نے کہا کہ پاک نے چین کے ساتھ قریبی رابطہ کاری برقرار رکھی ہے اور علاقائی امن کے فروغ میں مثبت کردار ادا کیا ہے۔ انہوں نے مزید کہا کہ بیجنگ پاکستان کے ساتھ روایتی دوستی کو مضبوط بنانے اور دو طرفہ تعاون کو وسعت دینے کے لیے پرعزم ہے۔
چینی وزیراعظم نے کہا کہ صدر شی اور وزیراعظم شہباز شریف کے درمیان آئندہ ملاقات دونوں ممالک کے درمیان تعلقات کو مزید گہرا کرنے کے لیے اسٹریٹجک رہنمائی فراہم کرے گی۔
پاک چین دوستی کی 75 سالہ تاریخ
وزیراعظم شہباز شریف نے چین کے دورے کی دعوت دینے پر چینی قیادت کا شکریہ ادا کرتے ہوئے کہا کہ چین کا ہر دورہ نئی ترقی اور پیش رفت سے پردہ اٹھاتا ہے۔ انہوں نے کہا کہ پاکستان اور چین اپنی تاریخی دوستی اور سفارتی تعلقات کے 75 سال مکمل ہونے کا جشن منا رہے ہیں، اور یہ تعلقات کی بنیاد دونوں ممالک کے بانی رہنماؤں نے رکھی تھی۔
وزیراعظم نے چین کے صوبہ شانسی میں کوئلے کی کان کے مہلک دھماکے پر تعزیت کا اظہار کرتے ہوئے کہا کہ پاکستان متاثرہ خاندانوں کے ساتھمل یکجہتی رکھتا ہے۔p>
اقائی صورت حال پر پاکستان کا مخلصانہ کردار
علاقائی صورت حال کا ذکر کرتے ہوئے وزیراعظم شہباز شریف نے کہا کہ دنیا ایک نازک دور سے گزر رہی ہے اور پاکستان نے امریکہ اور ایران کے درمیان رابطوں کی سہولت فراہم کرنے میں مخلصانہ کردار ادا کیا ہے۔
انہوں نے بتایا کہ فیلڈ مارشل عاصم منیر حال ہی میں تہران سے واپس آئے ہیں اور ایرانی اور امریکی قیادت کے درمیان رابطوں میں اہم کردار ادا کیا ہے۔ وزیراعظم نے کہا کہ ہم دعا کرتے ہیں کہ امن مستقل طور پر بحال ہو جائے۔ کافی پیش رفت ہوئی ہے اور معاملات درست سمت میں آگے بڑھ رہے ہیں۔
