پاکستان، ترکی اور سعودی عرب مشترکہ دفاع کیلئے متحد ہیں، وزیراعظم شہباز شریف

اسلام آباد: وزیراعظم شہباز شریف نے کہا ہے کہ پاکستان، ترکی اور سعودی عرب مشترکہ سلامتی اور اجتماعی دفاع کے لیے متحد ہیں، اور پاکستان ترکی کے ساتھ اپنی اسٹریٹجک شراکت داری کو مزید مضبوط بنانے کے عزم کا اعادہ کرتا ہے۔

ترک صدر رجب طیب ایردوان، ترک حکومت اور عوام کو یومِ فتح کی مبارکباد دیتے ہوئے وزیراعظم نے کہا کہ 30 اگست غازی مصطفیٰ کمال اتاترک کی قیادت میں حاصل ہونے والی تاریخی فتح کی یاد دلاتا ہے۔

تینوں ممالک کے درمیان دفاعی اتحاد کا عزم

شہباز شریف نے کہا کہ پاکستان ترک عوام کو ان کی جرات اور قومی عزم کی قابلِ فخر میراث پر خراجِ تحسین پیش کرتا ہے۔ انہوں نے کہا کہ پاکستان اور ترکی کے تعلقات دلوں کے رشتے ہیں، جنہیں صدیوں کے مشترکہ ایمان، تاریخ اور جدوجہد نے مضبوط کیا ہے۔

وزیراعظم نے مزید کہا کہ پاکستان، ترکی اور سعودی عرب مشترکہ سلامتی اور اجتماعی دفاع کے لیے ایک پیج پر کھڑے ہیں۔

مکہ میں طے پانے والا دفاعی معاہدہ

انہوں نے کہا کہ مکہ مکرمہ میں دستخط کیا گیا مشترکہ دفاعی معاہدہ پاکستان اور ترکی کی اسٹریٹجک شراکت داری کا مظہر ہے۔

شہباز شریف نے پاکستان کے اس عزم کا اعادہ کیا کہ ترکی کے ساتھ اسٹریٹجک شراکت داری کو مزید مضبوط کیا جائے گا اور دونوں ممالک کے درمیان تمام شعبوں میں تعاون کو گہرا کیا جائے گا۔

نسل در نسل مضبوط ہوتی دوستی

انہوں نے کہا کہ پاکستان اور ترکی کی مشترکہ خوشحالی اور سلامتی ایک مشترکہ عہد ہے۔ وزیراعظم نے امید ظاہر کی کہ پاکستان اور ترکی کے درمیان دوستی اور بھائی چارے کا رشتہ نسل در نسل مضبوط تر ہوتا رہے گا۔