تحریر : محمد صدیق پرہار
پاکستان مسلم لیگ ن کے صدر شہباز شریف نے کہا ہے کہ ایم کیو ایم حکومتی اتحادی بن کرنہیں پاکستانی بن کرفیصلے کرے۔ہم سب سے پہلے پاکستانی ہیں۔ شہبازشریف کہتے ہیں میںنے ان سے گزارش کی ہے کہ آپ حکومت کے اتحادی ضرورہیں مگراس سے بڑھ کرآپ پاکستانی ہیں۔ پہلے پاکستانی بن کر سوچنا ہوگا پھرحلیف بن کرسوچیں۔ایم کیوایم کے وفدنے شہباز شریف سے ملاقات کی۔ فریقین مین اوربھی باتیں ہوئیں۔ ہم نے اس گفتگومیں سے وہ جملے منتخب کیے ہیںجن پرہم قلم آزمائی کرناچاہتے ہیں۔ شہباز شریف نے ایم کیوایم سے مندرجہ بالاجوباتیں کی ہیں یہ شہبازشریف کی ایم کیوایم کو نصیحت ہے یا مشورہ ۔ شہباز شریف ان سے مطالبہ کررہے ہیں یاانہیں تاکیدکررہے ہیں۔
اس بات کافیصلہ ہم قارئین پرچھوڑتے ہیں۔ پاکستان مسلم لیگ ن کے صدرشہبازشریف نے کہاہے کہ ایم کیوایم حکومتی اتحادی بن کرنہیں پاکستانی بن کرفیصلے کرے۔ ویسے اگروہ کسی بھی سیاسی فیصلے کی صورت میں حکومت کاساتھ دینے کافیصلہ کرتی ہے ۔ تویہ کیسے طے ہوگا کہ ان کایہ فیصلہ پاکستانی بن کرکیاگیاہے یاحکومتی اتحادی بن کر۔ دوسری طرف اگریہی بات اپوزیشن کی کسی سیاسی پارٹی سے کی جائے اور اس سے بھی کہاجائے کہ وہ اپوزیشن کی اتحادی بن کرنہیں پاکستانی بن کرفیصلہ کرے توشہبازشریف کاکیاجواب ہوگا۔ہم مسلم لیگ ن اورایم کیوایم کے درمیان ہونے والی سیاسی گفتگوکوایک طرف کرکے شہبازشریف کی اس بات پر غور کیا جائے کہ ایم کیوایم حکومتی اتحادی بن کرنہیں پاکستانی بن کرفیصلے کرے۔ہم اپنے تمام فیصلے پاکستانی بن کرکرنے لگ جائیں توبہت سے مسائل سے چھٹکاراحاصل کیا جا سکتا ہے۔
سیاسی پارٹیاں، سیاسی لیڈرز اورسیاسی شخصیات سیاست دان بن کر نہیں پاکستانی بن کرفیصلے کریں توملک کی ترقی کی راہ پردوڑنے لگے گا۔ کاروباری افرادتاجربن کرنہیں پاکستانی بن کرفیصلے کرناشروع کردیں توملک کی معیشت کو درپیش مسائل حل کرنے اوراسے ترقی دینے میںنمایاںمددمل سکے گی۔ تاجرپاکستانی بن کرفیصلے کریں گے تو ریاست کے تمام ترواجبات ایمانداری سے اور بر وقت ادا کریں گے۔ وہ پاکستانی بن کرفیصلے کریں گے توذخیرہ اندوزی اورناجائزمنافع خوری سے اجتناب کریں گے۔ملاوٹ نہیں کریں گے۔
فیکٹری مالکان صنعت کار بن کرنہیںپاکستانی بن کرفیصلے کریں تووہ اپنی مصنوعات کامعیارایسارکھیں گے کہ ان کی یہ مصنوعات پاکستانی عوام خریدناچاہیں توان کی جیبوںپرزیادہ بوجھ نہ پڑے اوروہی مصنوعات پاکستان سے باہرفروخت کی جائیں تواس سے پاکستان کے زرمبادلہ میںاضافہ کے ساتھ ساتھ ملک کانام روشن ہو۔ ٹرانسپورٹ کے مالکان ٹرانسپورٹربن کرنہیںپاکستانی بن کرفیصلے کریں ۔ کھیتی باڑی کرنے والے کاشتکاربن کرنہیں پاکستانی بن کرفیصلے کریں۔ اخبارات اورنیوزچینلزکے مالکان، ایڈیٹرز ، رپورٹرز ،اینکرز، کالم نگارصحافی بن کرنہیںپاکستانی بن کرفیصلے کریںگے تووہ اپنے اخبارات اورنیوزچینلزپر،اپنی رپورٹوں، خبروں، ٹاک شوز اور تحریروں میں ایسے واقعات کوجگہ نہیں دیں گے جس سے ملک کے وقار، عزت اورساکھ پرمنفی اثرات مرتب ہوسکتے ہوں۔بلکہ وہ ایسے حالات وواقعات کواجاگرکریں گے جس سے پاکستان کی ساکھ، عزت اوروقارمیںاضافہ ہونے کی امیدہو۔
ملک میں مختلف شعبوں میں کام کرنے والوںکوپاکستانی بن کرفیصلے کرنے چاہییں ۔ شہباز شریف کہتے ہیں ہم سب سے پہلے پاکستانی ہیں۔ قارئین کویادہوگا کہ سب سے پہلے پاکستان کانعرہ پہلے بھی لگایاجاچکاہے۔ امریکی صدرکی دھمکیوں اور اربوں ڈالرکالالچ ٹھکراکرنوازشریف نے ایٹمی دھماکے کرنے کافیصلہ پاکستانی بن کرکیاتھا، بینظیر بھٹوکی شہادت کے بعد پاکستان ٹھپے کانعرہ آصف زرداری نے پاکستانی بن کرلگایاتھا۔ ڈرون حملوں اورنیٹوکی سپلائی روکنے کے لیے عمران خان نے دھرناپاکستانی بن کر دیا تھا۔
ہم سب سے پہلے پاکستانی ہیں سیاست دان بعدمیں، ہم سب سے پہلے پاکستانی ہیں تاجراورصنعت کاربعدمیں۔ ہم سب سے پہلے پاکستانی ہیں کسان بعدمیں۔ شہبازشریف نے ایم کیوایم سے گزارش کی ہے کہ وہ حکومتی اتحادی ضرورہیں مگراس سے بڑھ کرآپ پاکستانی ہیں۔ پہلے پاکستانی بن کر سوچنا ہوگا پھر حلیف بن کرسوچیں۔ حکومت میںہوں یااپوزیشن میں سیاست دان سیاست دان ضرورہیں مگراس سے بڑھ کرپاکستانی ہیں۔ کاروباری حضرات تاجر ضرور ہیں مگر اس سے بڑھ کرپاکستانی ہیں۔ فیکٹریوں اورملوںکے مالکان صنعت کار ضرور ہیں مگراس سے بڑھ کرپاکستانی ہیں۔ ٹرانسپورٹ کے مالکان ٹرانسپورٹر ضرور ہیں مگر اس سے بڑھ کرپاکستانی ہیں۔ کھیتی باڑی کرنے والے کاشتکار ضرورہیںمگراس سے بڑھ کرپاکستانی ہیں۔ اخبارات اورنیوزچینلز کے مالکان، ایڈیٹرزصاحبان ،رپوٹرزحضرات اور کالم نگار صحافی ضرورہیںمگراس سے بڑھ کروہ پاکستانی ہیں۔ شہبازشریف کہتے ہیں پہلے پاکستانی بن کر سوچنا ہوگا پھر حلیف بن کر سوچیں۔ پہلے پاکستانی بن کر سوچناہوگاپھرسیاست دان بن کر سوچیں۔ پہلے پاکستانی بن کرسوچناہوگاپھرتاجربن کر سوچیں۔
پہلے پاکستانی بن کر سوچنا ہوگا پھر صنعت کاربن کرسوچیں۔ پہلے پاکستانی بن کر سوچنا ہوگا پھر ٹرانسپورٹربن کر سوچیں ۔ پہلے پاکستانی بن کرسوچناہوگاپھرکاشت کاربن سوچیں۔پہلے پاکستانی بن کر سوچناہوگا پھرسیاسی، کاروباری ،صنعتی بن کرسوچیں۔ پہلے پاکستانی بن کر سوچنا ہوگا پھرصحافی بن کرسوچیں۔ ہم پاکستانی بن کرسوچیں گے ہروہ کام کریں گے اورہراس کام کی حمایت کریں گے جوملک وقوم کے مفادمیں ہوگا۔ جب ہم صرف پاکستانی بن کرسوچیں گے توہراس کام کونہیںکریں گے اوراس کام کی حمایت بھی نہیںکریںگے جوملک وقوم کے نقصان میں ہوگا ۔ ہم پاکستانی بن کرسوچیں گے تو اپنی ڈیوٹی پروقت پرآئیں گے اوروقت سے پہلے واپس نہیںجائیںگے۔ ہم پاکستانی بن کرسوچیں گے تواپنے کسی پاکستانی بھائی کی مجبوری کا ناجائزفائدہ نہیں اٹھائیں گے۔ ہم پاکستانی بن کرسوچیںگے تورشوت نہیں لیں گے۔ ہم پاکستانی بن کرسوچیں گے توسودکالین دین نہیںکریں گے۔ہم پاکستانی بن کرسوچیں گے توملاوٹ نہیںکریں گے۔
پاکستانی بن کرسوچیں گے توکسی کودھوکہ نہیں دیں گے۔ ہم پاکستانی بن کرسوچیں گے توایک نمبرمال دکھاکردونمبرمال نہیں دیں گے۔ ہم پاکستانی بن کرسوچیں گے توکرپشن نہیں کریں گے۔ہم پاکستانی بن کرسوچیں گے تواپناہرکام ایمان داری اوردیانت داری سے کریں گے۔ ہم پاکستانی بن کر سوچیںگے توکسی کی پگڑی نہیںاچھالیں گے۔ہم پاکستانی بن کرسوچیں گے تواپنی اولادکی تعلیم وتربیت پیسہ کمانے، سرمایہ کمانے کے لیے نہیں کامل مسلمان، مخلص پاکستانی اورریاست کاوفادارشہری بنانے کے لیے کریں گے۔ صرف ایم کیوایم کو ہی نہیں ہرسیاست دان کو،ہرتاجراورصنعت کارکو،ہرکسان اور کاشت کار کو اور ہر صحافی کوپاکستانی بن کرسوچناہوگا۔ایسی بھی کوئی بات نہیں کہ سیاست دان، تاجر، صنعت کار،کاشت کار،ٹرانسپورٹرز اورصحافی پاکستانی بن کرفیصلے نہیںکرتے، پاکستانی بن کرنہیں سوچتے۔ تمام شعبوںمیںکام کرنے والے پاکستانی بن کرہی فیصلے کرتے ہیں اورپاکستانی بن کرہی سوچتے ہیں۔ سینیٹ، قومی اور صوبائی اسمبلیوںمیں حکومتی اوراپوزیشن سیاست دان صرف اورصرف پاکستانی بن کراپناکرداراداکریں توملک کے اکثر مسائل حل ہو سکتے ہیں۔
تحریر : محمد صدیق پرہار
