ہالی وڈ کی معروف پروڈکشن کمپنی پیراماؤنٹ اسٹوڈیوز نے اعلان کیا ہے کہ وہ دنیا کے مقبول ترین ویڈیو گیمز میں سے ایک ‘کال آف ڈیوٹی’ کو فلمی پردے پر لے کر آ رہی ہے۔ اس فیصلے کے پیچھے گیم کی شائقین کی بڑی تعداد اور اس کی کامیابی کارفرما ہے جس کے مہینے میں 10 کروڑ سے زائد افراد کھیلتے ہیں۔
پیراماؤنٹ کے نئے مالک ڈیوڈ ایلیسن نے کہا ہے کہ “کال آف ڈیوٹی کا طویل عرصے سے پرستار ہونے کے ناطے یہ میرے لیے ایک خواب کی تعبیر ہے”۔ انہوں نے گیم ڈویلپر ایکٹی ویژن بلیزارڈ کے ساتھ معاہدے پر روشنی ڈالتے ہوئے کہا کہ فلم سازی کے اس منصوبے کو بہت سنجیدگی سے لیا جا رہا ہے۔
یہ گیم سیریز 2003 سے اب تک 50 کروڑ سے زیادہ کاپیاں فروخت کر چکی ہے اور اس کے 30 سے زائد ورژن منظر عام پر آ چکے ہیں۔ فلم کی کہانی اور مالی تفصیلات ابھی تک عوام کے سامنے نہیں لائی گئی ہیں، لیکن خبروں کے مطابق اس معاہدے میں ٹیلی ویژن سیریزز بھی شامل ہو سکتی ہیں۔
یہ واضح رہے کہ ماضی میں ویڈیو گیمز پر بننے والی فلمیں باکس آفس پر خاصی ناکام رہی ہیں، لیکن حالیہ برسوں میں سپر ماریو بروز اور مائن کرافٹ جیسی فلموں کی زبردست کامیابی نے اس رجحان کو تبدیل کر دیا ہے۔ پیراماؤنٹ اس سے قبل سونک گیم کو بھی کامیابی سے فلمایا جا چکا ہے۔
