کچھ عرصہ قبل شادی کے بندھن میں بندھنے والی معروف اداکارہ نیلم منیر نے اعلان کیا ہے کہ وہ اب اپنے کام کی طرف لوٹ آئی ہیں۔
کل رات نیلم نے انسٹاگرام اکاؤنٹ پر اپنی ایک تصویر شیئر کی جس میں اداکارہ اپنا میک اپ کروارہی ہیں۔
پوسٹ کے کیپشن میں اداکارہ نے شادی پر مبارکباد اور دعائیں دینے والے مداحوں کا شکریہ ادا کیا اور بتایا کہ وہ پہلے کی طرح کام کرنے کے لیے تیار ہیں۔
نیلم نے لکھا کہ “میں شاندار وقت گزار کر اب واپس آگئی ہوں اور اب کام کرنے کے لیے ایک نئی سوچ کے ساتھ پرجوش ہوں”۔
انہوں نے کہا کہ اداکاری کی وجہ سے انہیں اتنی زیادہ محبت ملی ہے اور وہ دوبارہ کام کرکے اس کو مزید بڑھانا چاہتی ہیں۔
نیلم نے اپنے مداحوں، رشتے داروں، عزیزوں کے ساتھ انڈسٹری کے دوستوں اور سوشل میڈیا انفلوئنسرز کا بھی سپورٹ کرنے پر شکریہ ادا کیا۔
واضح رہے کہ بہت سی اداکارائیں شادی کے بعد اپنی فیملی کو وقت دینے کے لیے ڈراموں میں اداکاری چھوڑ دیتی ہیں جبکہ نیلم نے خود بھی کافی عرصے سے کام چھوڑا ہوا تھا۔
