اسلام آباد (اصل میڈیا ڈیسک) پاکستان کے سابق وزیراعظم نواز شریف کے ذاتی معالج ڈاکٹر عدنان نے ان کی صحت کی بگڑتی ہوئی صورتحال پر ٹویٹ کرتے ہوئے کہا ہے کہ ‘سابق وزیر اعظم نواز شریف کی صحت انتہائی خراب ہے اور ان کو ایک ہی وقت میں دل کی دو بیماریاں لاحق ہیں
انہوں نے کہا ، برطانیہ کے دارالحکومت لندن میں سابق وزیر اعظم شریف کے دل کی شریانوں اور پٹھوں تک خون کے پہنچنے یا پہنچنے کے بارے میں ٹسٹ کیے جا رہے ہیں اور ٹسٹوں کے نتائج آنے کے بعد ہی ان کا علاج شروع کیا جائے گا۔
“لندن کے رائل برومٹن اور ہیر فیلڈ اسپتال میں نواز شریف کی اسکریننگ سے اسکیمک جاری ہے۔
پلیٹلیٹس کی تعداد میں کمی اور ہارٹ اٹیک نے ان کے گردوں پر بھی اثرات مرتب کیے ہیں۔ کم بلڈ شوگر اور انتشار خون میں کمی بھی ان کی صحت میں بگاڑ پیدا کر رہی ہے۔’
نواز شریف کے معائنے کے لیے تشکیل دیے گئے ڈاکٹروں کے بورڈ کے سربراہ سروسز ہسپتال کے ڈاکٹر محمود ایاز نے کہا کہ سابق وزیر اعظم کی طبعیت بہت نازک تھی لیکن اب ہم ان کی صحت میں پہلی سے بہتری لانے میں کامیاب ہو رہے ہیں۔
ان کا کہنا تھا کہ اب سابق نواز شریف کی صحت پہلی کی نسبت تھوڑی مستحکم ہو رہی ہے۔ تاہم اب بھی تمام تر توجہ ان کی طبیعت کو مستحکم رکھنے پر مرکوز رکھی ہوئی ہے۔
ڈاکٹر محمود ایاز نے سابق وزیر اعظم نواز شریف کے ذاتی معالج کی جانب سے ان کی صحت سے متعلق کی گئی ٹویٹ پر ردعمل میں کہا کہ ’ہم نواز شریف کا علاج ان تمام طبی مسائل کو مدنظر رکھتے ہوئے کر رہے ہیں۔ صحت کے یہ تمام مسائل ان کو اس وقت لاحق ہیں اور اسی کا علاج کیا جا رہا ہے۔‘
سابق وزیر اعظم نواز شریف کے ذاتی معالج ڈاکٹر عدنان کی جانب سے کی گئی ایک اور ٹویٹ میں بتایا گیا کہ ’نواز شریف کی صحت سے متعلق زیر التواء تشخیصی سکینز اور بایئوپسی اور دیگر ٹیسٹ کے لیے اب بھی متعدد پیچیدہ پیتھولوجی درکار ہے۔ اس انتہائی پیچیدہ صورتحال میں ایک حتمی تشخیص کا نہ ہونا اور اس کا علاج نواز شریف کی نازک اور غیر مستحکم صحت کے لیے خطرناک ہے۔
