ٹوکیو (اصل میڈیا ڈیسک) جاپان کے وزیراعظم نے اپنے عہدے سے استعفی دے دیا ہے۔ پارٹی ارکان کا کہنا ہے وزیراعظم شنزو ایبے بیماری کی وجہ سے مستعفی ہوئے۔
خبررساں ایجنسیNHK کے مطابق، جاپانی وزیراعظم شنزو ابے نے خرابی صحت کی وجہ سے استعفی دیا، وہ 17 اگست کو ٹوکیو ہسپتال گئے تھے جہاں 7 گھنٹے کے طویل معائنے کے دوران متعدد ٹیسٹ ہوئے۔
بتایا گیا ہے کہ شنزو ابے کئی سالوں سے بڑی آنت کی سوزش کا شکار ہیں اور اب ان کی بیماری کافی بڑھ چکی ہے۔
پارٹی ارکان کا کہنا ہے 65 سالہ شنزوابے حکومت کو مشکلات سے بچانا چاہتے ہیں۔
وہ جاپان کے طویل دورانیہ کے وزیراعظم رہے ہیں
انہوں نے 2012 میں وزارت عظمیٰ سنبھالی تھی۔ اس سے قبل وہ 2006 سے 2007 تک بھی وزیراعظم رہے تھے۔
امید کی جا رہی ہے کہ جاپان میں برسراقتدار لبرل ڈیموکریٹک پارٹی عبوری وزیراعظم مقرر کرے گی،
شنزو ایبے کی کی وزارت عظمی کی مدت سمتبر 2021 میں ختم ہو گی۔
واضح رہے کہ شنزو ابے کے استعفے کی خبر کے بعد جاپانی معیشت پر منفی اثر پڑا اور سٹاک مارکیٹ 2 فیصد گر گئی۔
