اسلام آباد (اصل میڈیا ڈیسک) بھارت ایک مرتبہ پھر خطے کے امن کو تباہ کرنے کے لیے سر گرم ہو گیا ہے جس کے باعث پاکستان کی مسلح افواج ہائی الرٹ ہیں۔
معتبر ذرائع کے مطابق لداخ اور دو کلم میں ہزیمت کے بعد اندورنی اور بیرونی دباؤ سے توجہ ہٹانے کے لیے بھارت ایک اور فالس فلیگ آپریشن کی تیاری میں مصروف ہے، بھارت پلوامہ ڈرامہ کی طرز پر کنٹرول لائن اور ورکنگ باؤنڈری پر کسی ایکشن کی تیاری کررہا ہے۔
ذرائع کے مطابق ہندوستان بارڈر ایکشن یاسرجیکل اسٹرائیک کا سہارا لے سکتا ہے، بھارت اقلیتوں کے ساتھ ناروا سلوک، کسانوں کے احتجاج، مقبوضہ کشمیر میں بڑھتے مظالم اور عالمی میڈیا اور اداروں کی تنقید سے توجہ ہٹانے کے لیے ایک اور فالس فلیگ آپریشن کی کوشش کر رہا ہے جس کے باعث مسلح افواج کو ہائی الرٹ کر دیا گیا ہے۔
اس قبل 2016 میں بھی بھارت نے ناکام سر جیکل اسٹرائیکس کا دعویٰ کیا تھا اور 26 فروری 2019 کو بھی بھارت نے ایک ایسے ہی ناکام آپریشن کی کوشش کی تھی۔
بھارتی پنجاب میں جاری کسان تحریک سے خالصتان تحریک کو اُبھرنے سے روکنے کے لیے اور اس کا زور توڑنے کے لیے بھارت کی شر انگیزی کی تیاری کر رہا ہے۔
