اسلام آباد (اصل میڈیا ڈیسک) آئل ریفائنریز کی بندش کے باعث طیاروں کو درکار جیٹ فیول کی سپلائی میں شدید قلت کا سامنا ہے۔
پاکستان اسٹیٹ آئل (پی ایس او) نے 15 دن تک درکارمقدار میں اے ون نامی فیول سپلائی سے معذوری کا اظہار کیا ہے۔
لاہور ائیرپورٹ پر پی ایس او ایوی ایشن حکام نے منیجر ائیرپورٹ سروسز کے نام ای میل جاری کی ہے جس میں کہا گیا ہےکہ متعلقہ سروسز پرووائیڈرز غیرملکی طیاروں کو زیادہ سے زیادہ جیٹ فیول ساتھ لانے کے بارے میں آگاہ کردیں۔
ای میل میں کہا گیا ہے کہ غیرملکی طیاروں کو صرف لازمی صورت میں فیو ل سپلائی کیا جائے گا اور صورتحال نارمل ہونے پرحسب سابق جیٹ فیول سپلائی بحال کردی جائے گی۔
