واشنگٹن: امریکی حکومت نے قومی سلامتی کے قوانین کا حوالہ دیتے ہوئے ایک برآمدی کنٹرول ڈائریکٹو جاری کیا ہے جس کے تحت جدید مصنوعی ذہانت کے ماڈلز فایبل 5 میتھوس 5 تمام غیر ملکی شہریوں کی رسائی معطل کردی گئی ہے۔ اس فیصلے کے نتیجے میں اینتھروپک کمپنی کو اپنے تمام صارفین کے لیے یہ ماڈلز فوری طور پر بند کرنے پڑے ہیں۔
کمپنی کے مطابق یہ ہدایت نامہ 12 جون 2026 کو شام 5:21 بجے (مشرقی وقت) موصول ہوا، جس میں قومی سلامتی کے خدشات کی کوئی ٹھوس تفصیل فراہم نہیں کی گئی۔ اینتھروپک کا کہنا ہے کہ حکومت کو غالباً فایبل 5 کو “جیل بریک” کرنے کے ایک طریقے کا علم ہوا ہے، جس کے ذریعے چند پہلے سے معلوم معمولی خامیوں کی نشاندہی کی گئی تھی۔
حفاظتی اقدامات پر کمپنی کا موقفاینتھروپک نے اپنے بلاگ پوسٹ میں واضح کیا کہ فایبل 5 کے لیے انتہائی مضبوط حفاظتی اقدامات نافذ کیے گئے تھے جن کی بدولت سائبر سیکیورٹی کے لیے اس کے غلط استعمال کے امکانات کو بہت حد تک کم کردیا گیا تھا۔ کمپنی کے مطابق:
- لانچ سے قبل امریکی حکومت، برطانیہ کی اے آئی ایس آئی، متعدد نجی اداروں اور اندرونی ٹیموں کے ساتھ مل کر ہزاروں گھنٹوں تک ماڈل کی حفاظتی جانچ کی گئی۔
- یہ جانچ ظاہر کرتی ہے کہ فبل 5 کے حفاظتی اقدامات پہلے سے موجود کسی بھی ماڈل سے کہیں زیادہ مؤثر ہیں۔
- کوئی بھی ٹیسٹر اب تک ایک “یونیورسل جیل بریک” تلاش کرنے میں کامیاب نہیں ہوسکا جو وسیع پیمانے پر سائبر صلاحیتوں کو غیر مقفل کرسکے۔
کمپنی نے اعتراف کیا کہ کسی بھی ماڈل فراہم کنندہ کے لیے مکمل جیل بریک مزاحمت فی الحال ممکن نہیں ہے۔ اسی لیے اینتھروپک نے “دفاعی گہرائی” کی حکمت عملی اپنائی، جس کا مقصد جیل بریکس کو یا تو محدود کرنا یا انتہائی مہنگا بنانا تھا، اور ساتھ ہی کسی بھی کامیاب حملے کی فوری نگرانی اور اسے بند کرنے کا انتظام کیا گیا۔
حکومتی شواہد پر اختلاف
>اینتھروپ کا کہنا ہے کہ حکومت نے اب تک صرف زبانی طور پر ایک ممکنہ محدود اور غیر یونیورسل جیل بریک کا ثبوت فراہم کیا ہے، جو بنیادی طور پر ماڈل سے ایک مخصوص کوڈ بیس پڑھنے اور سافٹ ویئر کی خامیاں ٹھیک کرنے کو کہنے پر مشتمل تھا۔ کمپنی کا دعویٰ ہے کہ اس نے جس رپورٹ کا جائزہ لیا وہ حکومتی ہدایت کی بنیاد ہے، اور اس میں ظاہر کی گئی صلاحیت دیگر عوامی ماڈلز جے اوپن اے آئی کے جی پی ٹی 5.5 میں بھی وسیع پیمانے پر دستیاب ہے۔
کمپنی نے قانونی ہدایت کی تعمیل کرتے ہوئے تمام صارفین کے لیے فای 5 اور میتھوس 5 تک رسائی ختم کردی ہے، لیکن اس فیصلے سے سخت اختلاف ظاہر کیا ہے۔ اینتھروپک کا کہنا ہے کہ “اگر یہ معیار پوری صنعت پر لاگو کیا جائے تو یہ تمام فرنٹیئر ماڈل فراہم کنندگان کے لیے نئی ماڈلز کی تعیناتی کو عملی طور پر روک دے گا۔”
کمپنی نے صارفین کو پیش آنے والی مشکلات پر معذرت کی ہے اور اسے ایک غلط فہمی قرار دیتے ہوئے جلد از جلد رسائی بحال کرنے کے لیے کام کرنے کا عندیہ دیا ہے۔
