اسلام آباد: کینیڈا کییر خارجہ انیتا آنند اپنے عہدے کا چارج سنبھالنے کے بعد پہلے سرکاری دورے پر پیر کو پاکستان پہنچ گئیں۔ اس دورے کا مقصد دوطرفہ تعاون کو مضبوط بنانا اور علاقائی و عالمی معاملات پر تبادلہ خیال کرنا ہے۔
یہ دورہ نائب وزیر اعظم اور وزیر خارجہ اسحاق ڈار کی دعوت پر ہو رہا ہے۔ اپنے قیام کے دوران، انیتا آنند اور اسحاق ڈار پاکستان-کینیڈا تعلقات کے تمام پہلوؤں کا احاطہ کرنے والے دوطرفہ مذاکرات کریں گے۔
تجارت، سرمایہ کاری اور تعلیم پر بات چیت متوقع
امید ہے کہ بات چیت میں تجارت اور سرمایہ کاری، تعلیم اور عوام کے درمیان روابط کو بڑھانے پر توجہ مرکوز کی جائے گی دونوں فریق باہمی دلچسپی کے علاقائی اور بین الاقوامی امور پر بھی خیالات کا تبادلہ کریں گے۔
کینیڈین وزیر خارجہ اپنے دورے کے دوران پاکستان کی اعلیٰ قیادت سے بھی ملاقاتیں کریں گی۔
- دوطرفہ تعلقات: پاکستان اور کینیڈا کے درمیان خوشگوار تعلقات ہیں جنہیں مضبوط عوامی روابط اور کینیڈا میں موجود متحرک پاکستانی کمیونٹی کی حمایت حاصل ہے۔
کینیڈا میں تین لاکھ سے زائد پاکستانی نژاد شہری آباد ہیں، جبکہ تقریباً بیس ہزار کینیڈین شہری پاکستان میں مقیم ہیں۔ یہ دورہ دونوں ممالک کے درمیان دوطرفہ تعاون کو مزید مستحکم کرنے کے مشترکہ عزم کی عکاسی کرتا ہے۔
