ENGLISHLUG: india-fighting-total-pakistan-women-t20-world-cup
FOC_KEYWORD: Women’s T20 World Cup India vs Pakistan
سمیرتی مندھانا کی شاندار نصف سنچری، پاکستانی بولرز کو مہنگا ثابت ہوا
برمنگھم کے ایجبسٹن اسٹیڈیم میں کھیلے گئے ویمنز ٹی ٹوئنی ورلڈ کپ کے اہم مقابلے میں بھارت نے پاکستان کے خلاف ٹاس جیت کر پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 170 رنز کا جارحانہ مجموعہ اسکور کیا۔ بھارتی اننگز کی بنیاد اوپنر سمیرتی مندھانا کی دھواں دار بیٹنگ رہی، جنہوں نے صرف 44 گیندوں پر 9 چوکوں اور 2 چھکوں کی مدد سے 68 رنز کی اننگز کھیلی۔
بھارت کا آغاز دھماکہ خیز رہا جب شفالی ورما نے میچ کی پہلی ہی گیند پر چھکا لگایا، لیکن اسی اوور میں اسپنر سعدیہ اقبال نے انہیں آؤٹ کر دیا۔ اس کے بعد جیمائمہ روڈریگز محض 7 گیندوں پر ایک رن بنا کر تسلیمہ رباب کا شکار بن گئیں، جس سے بھارت کا اسکور 3.2 اوورز میں 18 رنز پر 2 وکٹیں ہو گیا۔
کپتان ہرمن پریت کور کے ساتھ 91 رنز کی شراکت
دباؤ کے عالم میں کپتان ہرمن پریت کور نے کریز پر آتے ہی سمیرتی مندھانا کے ساتھ اننگز کو سنبھالا۔ دونوں نے مل کر 91 رنز کی اہم شراکت قائم کی اور بھارت کو نویں اوور میں 50 رنز کے ہندسے سے آگے نکالا۔ مندھانا نے اپنی جارحانہ بلے بازی جاری رکھتے ہوئے اپنی کیریئر کی 34ویں ٹی ٹوئنٹی انٹرنیشنل نصفچری مکمل کی۔
یہ شراکت اس وقت ٹوٹی جب اسپنر رامین شمیم نے مندھانا کو بولڈ کر دیا۔ اس وقت بھارت کا اسکور 100 رنز سے تجاوز کر چکا تھا۔ اس کے فوراً بعد سعدیہ اقبال نے بھارتی فل مالی کو صرف ایک رن پر اسٹمپ کروا کر چوتھی وکٹ حاصل کی، اور اسکور 14.2 اوورز میں 110 رنز پر 4 وکٹیں ہو گیا۔
آخری اوورز میں بھارتی بلے بازوں کی طوفانی بیٹنگ
فاطمہ ثنا نے ہرمن پریت کور کو 35 گیندوں پر 36 رنز کی اننگز کھیلنے کے بعد آؤٹ کر کے پاکستان کو برتری دلائی، لیکن رچا گھوش نے آخری اوورز میں طوفان بدل کر رکھ دیا۔ گھوش نے صرف 17 گیندوں پر 5 چوکوں اور ایک چھکے کی مدد سے 34 رنز بنائے، جبکہ دیپتی شرما 12 رنز کے ساتھ ناقابل شکست رہیں۔ آخری اوور میں فاطمہ ثنا نے 14 رنز دیئے اور گھوش کا وکٹ بھی حاصل کیا، لیکن بھارت 170 کے مضبوط ہندسے تک پہنچنے میں کامیاب رہا۔
پاکستان کی جانب سے سعدیہ اقبال اور فاطمہ ثنا نے دو دو وکٹیں حاصل کیں، جبکہ تسلیمہ رباب اور رامین شمیم نے ایک ایک وکٹ لیا۔
پلئینگ الیون
پاکستان: گل فیروزہ، منیبہ علی (وکٹ کیپر)، عائشہ ظفر، سائرہ جبین، نٹالیا پرویز، عالیہ ریاض، فاطمہ ثنا (کپتان)، رامین شمیم، نشرہ سندھو، سعدیہ اقبال، تسلیمہ رباب۔بھارت: سمیرتی مندھانا، شفالی ورما، جیمائمہ روڈریگز، ہرمن پریت کور (پتان)، بھارتی فل مالی، رچا گھوش (وکٹ کیپر)، دیپتی شرما، اروندھتی ریڈی، کرانتی گاؤڈ، شری چرانی، شریانکا پاٹل۔
