کراچی (اسپورٹس رپورٹر) 11 واں نیشنل بینک رینکنگ اسنوکر چمیپین شپ کے مہمان خصوصی نیشنل بینک کے ایس ای وی پی گروپ چیف طارق جمالی گروپ چیف جمال باقر ایس کیو جی کے گروپ ہیڈ شوکت محمود خٹک شعبہ اسپورٹس کے سربراہ اقبال قاسم سید خرم حسین، اسنوکر ایسوسی ایشن کے صدر منور حسین شیخ، عالمگیر شیخ اور دیگر نے خطاب کیا طارق جمالی نے کہا کہ میں جیت نے والے کھلاڑی محمد آصف کو مبارک باد دیتا ہوں اور رنر آنے والے کھلاڑی کوبھی خراج تحسین پیش کرتا ہوں کہ انہوں نے فائنل کے لئے کوالیفائی کیا۔ اور کہاکہ نیشنل بینک ہمیشہ کھیلوں کی سپورٹ کرتا رہے گا۔ او ر خاص طور پر اسنوکر کی ترقی کے لئے کوشاں ہیں اس لیے ہم نے6 کیوئیسٹ کو ملازمت بھی فراہم کی ہے اور گذشتہ گیارہ سالوں سے باقاعدہ گی سے ہر سال ٹورنامنٹ اسپانسر کرتے ہیں یہ بات انہوں نیشنل بینک اسپورٹس کمپلیکس پر اسنوکر چمپئین شپ کے موقع پر خطاب کرتے ہوئے کہا مزید کہا کہ اقبال قاسم نیشنل بینک اسپورٹس کے بیک بون ہیں اور میں انہیں خراج تحسین پیش کرتا ہوں۔
عالمگیر شیخ نے خطاب کرتے ہوئے کہا کہ نیشنل بینک جس طرح گیارہ سالوں سے رینکنگ اسنوکر چیمپئن شپ کو اسپانسر کررہا ہے قابل ستائش ہے اس کے لئے میں نیشنل بینک کا شکرگذار ہوں اقبال قاسم نے خطاب کرتے ہوئے کہا کہ میں اسنوکر ایسوسی ایشن اور اس ٹورنامنٹ کوکامیابی سے ہم کنار کرنے والے نیشنل بینک کے آفیشلزمبارک باد کے مستحق ہیں اور اس موقع پر میں اپنے تمام صحافی ٹی وی اور پرنٹ میڈیا سے آئے ہوئے دوستوں کا بے حدمشکور ہوں کہ انہوں نے اس ٹورنامنٹ کی کوریج بہت ہی عمدہ کی۔ اس موقع پر،اولمپئین رانا مجاہد،انٹرنیشنل ہاکی کھلاڑی ارشد حسین، انور فاروقی،عظمت اللہ خان،افشاں شکیل، عارف بھوپالی،خالد پراچہ، نوید کپاڈیہ، آخر میں جیتنے والے کھلاڑی محمدآصف کو ٹرافی اورایک لاکھ روپے رنر کھلاڑی مبشررضا کو ٹرافی اور 40 ہزار روپے جب کے ٹوٹل پرائز منی ایک لاکھ 65 ہزارتھی درین اثنا الیکڑونک اور پرنٹ میڈیا کے صحافیوں کی بڑی تعد اد کے علاوہ کھیلوں سے تعلق رکھنے والی متعدد شخصیات نے شرکت کی۔
