اسلام آباد (اصل میڈیا ڈیسک) ملک میں آج کورونا وائرس میں مبتلا 32 مریضوں کا انتقال ہو گیا جب کہ ملک میں 1220 نئے کیسز سامنے آئے ہیں جس کے بعد ملک میں اموات کی کل تعداد 4712 اور کیسز کی تعداد 2 لاکھ 28 ہزار 474 ہو گئی۔
اب تک پنجاب میں 1871، سندھ میں 1501 اور خیبر پختونخوا میں 1020 افراد جاں بحق ہو چکے ہیں جب کہ اسلام آباد میں 134، بلوچستان میں 123 ، آزاد کشمیر میں35 اور گلگت بلتستان میں 28 افراد کا انتقال ہوا ہے۔
آج کے کیسز کی صورت حال
آج اتوار کو اب تک پنجاب میں کورونا سے1020 کیسز اور 27 اموات، اسلام آباد میں 117اور 4 اموات ، آزاد کشمیر میں 74 اور ایک ہلاکت ہوئی ہے انتقال جب کہ گلگت بلتستان میں 9 نئے کیسز سامنے آئے ہیں۔
پنجاب:
آج اتوار کو پنجاب میں کورونا کے 1020 نئے کیسز رپورٹ ہوئے ہیں جب کہ 27 افراد کی اس مہلک وائرس کی وجہ سے انتقال کرجانے کی تصدیق بھی ہوئی ہے۔
پنجاب میں اب تک مجموعی طور پر 81317 مریض سامنے آ چکے ہیں جب کہ اموات کی کل تعداد 1871 ہے۔
اسلام آباد
وفاقی دارالحکومت سے آج کورونا کے مزید 117 کیسز اور چار اموات سامنے آئی ہیں جس کی تصدیق سرکاری پورٹل پر کی گئی۔
پورٹل کے مطابق اسلام آباد میں کیسز کی مجموعی تعداد 13409 اور اموات 134 ہوچکی ہیں۔
آزاد کشمیر
آزاد کشمیر سے آج کورونا کے مزید 74 کیسز اور ایک ہلاکت سامنے آئی ہے جو سرکاری پورٹل پر رپورٹ کی گئی ہیں۔
پورٹل کے مطابق آزاد کشمیر میں کورونا کے کل کیسز کی تعداد 1288 اور اموات کی تعداد 35 ہے۔
سرکاری پورٹل کے مطابق آزاد کشمیر میں کورونا سے متاثرہ 686 افراد صحت یاب ہو چکے ہیں۔
گلگت بلتستان
گلگت بلتستان سے آج کورونا کے مزید 9 کیسز سامنے آئے ہیں جو سرکاری پورٹل پر رپورٹ کی گئی ہیں۔
پورٹل کے مطابق علاقے میں کیسز کی کل تعداد 1545 اور اموات 28 ہے۔
گلگت میں کورونا سے اب تک 1185 افراد صحتیاب بھی ہوچکے ہیں۔
سندھ:
سندھ میں آج اتوار کو بھی تک نئے کیسز کی تفصیلات سامنے نہیں آئی ہیں۔
گزشتہ روز سندھ میں کورونا کے 1585 نئے مریض اور 42 اموات سامنے آئیں جس کی تصدیق وزیراعلیٰ سندھ مراد علی شاہ نے کی۔
مراد علی شاہ کے مطابق صوبے میں کورونا کے مریضوں کی تعداد 92306 اور ہلاکتیں 1501 ہوگئی ہیں۔
وزیراعلیٰ نے بتایا کہ آج مزید 1480 مریض صحتیاب ہوئے جس سے صحتیاب ہونے والوں کی تعداد 52388 ہوگئی ہے۔
خیبرپختونخوا:
خیبرپختون خوا سے بھی اتوار کے اعداد و شمار ابھی نہیں آئے ہیں۔
ہفتے کو خیبر پختونخوا میں کورونا وائرس سے مزید 18 افراد جاں بحق ہوگئے جس کے بعد صوبے میں ہلاکتوں کی تعداد 1020 ہوگئی۔
صوبائی محکمہ صحت کا کہنا تھا کہ گزشتہ 24 گھنٹوں کے دوران مزید 337 افراد میں مہلک وائرس کی تشخیص ہوئی ہے جس کے بعد صوبے میں متاثرہ مریضوں کی تعداد 27843 تک پہنچ گئی ہے۔
اب تک صوبے میں 16242 افراد کورونا وائرس سے صحت یاب بھی ہو چکے ہیں۔
بلوچستان
بلوچستان سے بھی آج یعنی اتوار کے اعداد وشمار ابھی نہیں آئے ہیں۔
گزشتہ روز بلوچستان میں کورونا کے مزید 49کیسز رپورٹ ہوئے جس کے بعد صوبے میں کورونا کے مصدقہ کیسز کی 10766 ہوگئی۔
بلوچستان میں کورونا سے مزید ایک شخص ہلاک ہوگیا جس کے بعد جاں بحق ہونے والے افراد کی تعداد 123 ہوگئی جبکہ صحت یاب ہونے والوں کی تعداد 5688 ہے۔
