اہم فیچرز اب سب کے لیے قابل رسائی
مصنوعی ذہانت کی کمپنی اینتھروپک نے 11 فروری 2026 کو اعلان کیا ہے کہ اس کے ایسے آئی ماڈل کلاؤڈ کی کئی اہم خصوصیات، جو پہلے صرف ادائیگی کرنے والے صارفین کے لیے تھیں، اب مفت دستیاب ہوں گی۔ اس فیصلے سے اوپن اے آئی کے چیٹ جی پی ٹی کے ساتھ مقابلہ مزید شدت اختیار کرگیا ہے۔
کن خصوصیات پر سے پابندی اٹھی؟
تین بنیادی فیچرز اب کلاؤڈ کے مفت ورژن کا حصہ بن گئے ہیں:
- فائل تخلیق: صارفین اب چاٹ کے ذریعے براہ راست دستاویزات بنا اور ان میں ترمیم کرسکیں گے۔ یہ فیچر ایکسل، پاورپوائنٹ، ورڈ اور پی ڈی ایف فارمیٹس میں 30 میگا بائٹ تک کی فائلز تیار کرنے کی سہولت دیتا ہے۔
- کنیکٹرز: کلاؤڈ کو دیگر ایپلیکیشنز جیسے نوشن، اسانا، سٹرائپ اور کینوا سے جوڑا جاسکے گا، تاکہ یہ ان پلیٹ فارمز سے معلومات حاصل کرسکے اور براہ راست کارروائی انجام دے سکے۔
- اسکلز: یہ خصوصیت صارفین کو مخصوص کاموں کے لیے کلاؤڈ میں تربیتی روٹینز ڈیزائن کرنے کی اجازت دیتی ہے، جسے بعد میں آٹومیٹک طور پر استعمال کیا جاسکتا ہے۔
اسکلز کس طرح کام کرتے ہیں؟
اسکلز درحقیقت ایسے پیکجز ہیں جن میں ہدایات، اسکرپٹس اور سانچے شامل ہوتے ہیں جو کلاؤڈ کو بتاتے ہیں کہ کوئی مخصوص کام کس طرح انجام دینا ہے۔ مثال کے طور پر، اگر کوئی صارف باقاعدگی سے میٹنگ کے خلاصے تیار کرتا ہے، تو وہ ایک اسکل بنا سکتا ہے جو ساخت، لہجہ اور ضروری اقدامات طے کرے۔ اس کے بعد صرف “اس میٹنگ کا ہمارے معمول کے فارمیٹ میں خلاصہ کرو” کہنے کی دیر ہے، کلاؤڈ خودکار طور پر متعلقہ اسکل کو فعال کرکے کام مکمل کردے گا۔
صارفین پر کچھ حدود برقرار
اگرچہ یہ خصوصیات مفت کردی گئی ہیں، لیکن مفت ورژن استعمال کرنے والے صارفین استعمال کی کچھ حدود کے پابند رہیں گے۔ اینتھروپک کا یہ قدم ایسے وقت میں آیا ہے جب اوپن اے آئی چیٹ جی پی ٹی میں اشتہارات متعارف کروانے پر تنقید کا نشانہ بن رہی تھی۔
ٹیکنالوجی کے شعبے میں یہ اقدام مصنوعی ذہانت کی جدید ترین سہولیات کو عوام تک پہنچانے کی دوڑ میں ایک اہم موڑ تصور کیا جارہا ہے، جس سے صارفین کو طاقتور AI ٹولز تک وسیع تر رسائی ملے گی۔
