اسلام آباد (اصل میڈیا ڈیسک) پاکستان میں کورونا کے مزید ایک ہزار 176 کیسز سامنے آئے ہیں جب کہ 23 افراد زندگی کی بازی ہار گئے ہیں۔
این سی او سی کے مطابق ملک بھر میں 24 گھنٹوں کے دوران 38 ہزار 920 کورونا ٹیسٹ کیے گئے، اس طرح اب تک ملک میں اس وبا کی تشخیص کے لیے کئے گئے ٹیسٹس کی مجموعی تعداد 89 لاکھ 51 ہزار 838 تک جاپہنچی ہے۔
گزشتہ 24 گھنٹوں کے دوران ملک بھر سے کورونا کے مزید ایک ہزار 176 مریض سامنے آئے ہیں ، اس طرح اب تک اس وبا کا شکار افراد کی مصدقہ تعداد 5 لاکھ 79 ہزار 973 ہوگئی ہے۔ سندھ میں 2 لاکھ 58 ہزار 4، پنجاب میں ایک لاکھ 71 ہزار349، خیبر پختونخوا میں 72 ہزار162، بلوچستان 19 ہزار45، آزاد کشمیر10 ہزار 198، گلگت بلتستان میں 4 ہزار 956 افراد اور اسلام آباد میں مصدقہ کورونا کیسز کی تعداد 44 ہزار 259 ہے۔
سرکاری اعداو و شمار کے مطابق گزشتہ24 گھنٹے کے دوران ملک بھر میں کورونا سے مزید 23 افراد جاں بحق ہوئے ہیں ، اس طرح اس وبا کے ہاتھوں جان کی بازی ہارنے والوں کی تعداد 12 ہزار 860 ہوگئی ہے۔
گزشتہ 24 گھنٹوں کے دوران ملک بھر میں کورونا کے 871 مصدقہ مریض صحت یاب ہوئے، جس کے بعد اس وبا کو شکست دینے والوں کی مجموعی تعداد 5 لاکھ 45 ہزار 277ہوگئی ہے۔
نیشنل کمانڈ اینڈ آپریشن سینٹر کے مطابق اس وقت ملک میں کورونا کے فعال مریضوں کی تعداد 21 ہزار 836 ہے جن میں سے ایک ہزار 562 کی حالت تشویشناک ہے۔
کورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازے کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکربیٹھنے کے بجائے پنکھے کی ہوا میں بیٹھیں۔
سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔
پا نی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہو جاتا ہے۔
