میکسیکو (اصل میڈیا ڈیسک) دنیا بھر میں کورونا وائرس کووِڈ۔19 کی وجہ سے اموات کی تعداد 6 لاکھ 77 ہزار ، مریضوں کی تعداد ایک کروڑ 74 لاکھ 89 ہزار اور صحتیاب ہونے والوں کی تعداد ایک کروڑ 9 لاکھ 51 ہزار سے بڑھ گئی ہے۔
اکیانوے ہزار 263 اموات کے ساتھ برازیل میں کورونا کے مریضوں کی تعداد 26 لاکھ 10 ہزار 102 ہے جن میں صدر جائر بولسونارو کی اہلیہ مشعل بولسونارو بھی شامل ہیں۔
میکسیکو میں حالیہ ایک دن میں 639 کے اضافے سے اموات کی کُل تعداد 46 ہزار اور 7 ہزار 730 کے اضافے سے مریضوں کی تعداد 4 لاکھ 16 ہزار 179 ہو گئی ہے۔
فرانس میں حالیہ 24 گھنٹوں میں 16 کے اضافے سے اموات کی کُل تعداد 30 ہزار 254 اور ایک ہزار 377 کے اضافے سے مریضوں کی کُل تعداد 2 لاکھ 16 ہزار 110 ہو گئی ہے۔
اٹلی میں حالیہ 24 گھنٹوں میں 3 کے اضافے سے اموات کی کُل تعداد 35 ہزار 132 اور مریضوں کی کُل تعداد گِر کر 12 ہزار 230 کی سطح پر آ گئی ہے۔ ملک میں حالیہ ایک دن میں یومیہ 386 کیسز رپورٹ کئے گئے ہیں۔
