لاہور (اصل میڈیا ڈیسک) پاکستان مسلم لیگ (ن) کی مرکزی نائب صدر مریم نواز نے ڈسکہ کے عوام سے اپیل کی ہے کہ پہلے سے زیادہ جذبے، حوصلے اور عزم کے ساتھ نکلیں اورشیر پر مہر لگائیں۔
اپنے بیان میں مریم نواز کا کہنا تھاکہ ڈسکہ کے عوام دشمن جعلی حکومت کے خلاف ڈٹ کر اپنا فیصلہ سنائیں اور مہنگائی، کوڑے کے ڈھیروں اور لاقانونیت کے خلاف ووٹ دیں۔
انہوں نے کہا کہ ڈسکہ کے عوام اپنے ووٹ کو آٹا، بجلی، گیس اور ووٹ چوروں کے خلاف استعمال کریں۔
مریم نواز کا کہنا تھاکہ حکومت جتنے دن رہے گی، عوام پر ظلم و ستم کے پہاڑ توڑتی رہے گی لہٰذا ڈسکہ کے عوام سے اپیل ہے کہ پہلے سے زیادہ جذبے، حوصلے اور عزم سے نکلیں اور شیر پرمہر لگاکر عوام دشمن جعلی حکومت کے خلاف ڈٹ کر اپنا فیصلہ سنائیں۔
