کراچی : ڈپٹی کمشنر ایسٹ وایڈمنسٹریٹر بلدیہ شرقی محمد علی شاہ نے میونسپل کمشنر ایسٹ وسیم مصطفی سومرو و دیگر افسران کے ہمراہ ضلع شرقی کے مختلف علاقوں کا دورہ کیا اس دوران انہوں نے بلدیاتی مسائل کا جائزہ لینے کے ساتھ سڑکوں، اسٹریٹ لائٹس، انسداد تجاوزات اور فیومیگیشن کے حوالے سے کئے جانے والے کاموں کا بھی معائنہ کیا اور ہدایت کی کہ ضلع شرقی کے بلدیاتی مسائل دور کرنے کیلئے ہر ممکن اقدامات بروئے کار لائے جائیں انہوں نے گزشتہ برسات کے بعد سڑکوں کی صورتحال کو بہتر کرنے کی ہدایت دی اور کہا کہ بارش سے زیادہ متاثر ہونے والی سڑکوں کو ترجیحی بنیادوں پر درست کیا جائے اسی طرح دیگر بلدیاتی سہولیات فراہم کرنے میں بہتری لائ جائے۔
میونسپل کمشنر ایسٹ وسیم مصطفی سومرو نے ایڈمنسٹریٹر بلدیہ شرقی کو بلدیاتی امور کے حوالے سے بریفنگ دی اور بتایا کہ ضلع شرقی میں بلدیاتی امور میں بہتری لانے کیلئے ہر ممکن اقدامات کو بروئے کار لایا جارہا ہے بلدیہ شرقی کے اسکولوں کو ڈس انفیکٹینٹ بنانے کیلئے اسکولوں کے کھلنے سے قبل ڈینگی ودیگر جراثیموں کے خاتمے کیلئے جراثیم کش ادویات کا چھڑکاؤ سر انجام دیا جارہا ہے جبکہ اسٹریٹ لائٹس سمیت دیگر ترقیاتی کاموں کو بھی یقینی بنایا جارہا ہےعلاقوں کے دورے کے دوران ان کے ہمراہ سپریٹینڈنگ انجنئیر بی اینڈآر اظہر حسین شاہ، سپریٹینڈنگ انجنئیر ایم اینڈ ای مبین شیخ، ڈائریکٹر انسداد تجاوزات زاہد بن خلیل، ایکسئین ایم اینڈ ای امتیاز بھٹو ودیگر بھی موجود تھے۔
