کراچی (اسپورٹس رپورٹر) کراچی باسکٹ بال ایسوسی ایشن کے صدر غلام محمد خان نے کراچی انڈر 18 باسکٹ بال ٹیم کا 3 روزہ ٹرائلز کے بعد 14 رکنی ٹیم کا اعلان کردیا ،جبکہ 3متبادل کھلاڑی بھی اسکوارڈ کا حصہ ہونگے ٹیم کی قیادت عثمان باسکٹ بال کلب کے شارق سلیمان جبکہ اُن کے نائب بھی عثمان باسکٹ بال کلب کے نوفل علی ہونگے ۔ٹیم 8تا 10نومبر2019ء اندورن سندھ کا دورہ کرے گی اور علامہ اقبال کی سالگرہ کے موقع پر اندورن سندھ 3نمائشی میچز کھیلے گی۔
قومی سلیکٹر عبدالناصر کی قیادت میں 3رکنی سلیکشن کمیٹی جس کے اراکین میں انجینئر زین العابدین اور ممتاز احمد نے 3روزہ ٹرائلز کے بعد کھلاڑیوں کے ناموں کا اعلان کیا جن میں کپتان ،شارق سلیمان ،نائب کپتان نوفل علی جبکہ دیگر کھلاڑیوں میں ،عبید حفیظ،سعد صلاح الدین ،ایان راشد ،رافع صلاح الدین ،محمد دانیال خان ،محمد معاذ ،حارث شاہد ،محمد زید ،محمد انس ،حسن علی ،حمزہ خواجہ ،اسد حفیظ ،سمیر احمد ،ایس اریب علی اور احسن اقبال شامل ہونگے جبکہ ٹیم منیجر محمد حسن اقبال اور کوچ انجینئر زین العابدین ہونگے ٹیم کے تمام کھلاڑیوں کو ہدایت کی گئی ہے کہ وہ 21اکتوبر 2019ء 8بجے شب عبدالناصر باسکٹ بال کورڈ آرام باغ کراچی پر انجینئر زین العابدین کو رپورٹ کریں۔
