کراچی (اصل میڈیا ڈیسک) مہاجر قومی موومنٹ کے چیئرمین آفاق احمد نے کہا ہے کہ آج شہر قائد کی گلیاں خوف کی علامت بن چکی ہیں۔
کراچی کے علاقے گلشن اقبال میں ویمن کنونشن سے خطاب کرتے ہوئے آفاق احمد نے کہا کہ بے فکری سے کالج اور بازار جانے والی خواتین اب اپنے شہر کی گلی سڑکوں پر غیرمحفوظ ہوگئی ہیں۔
انہوں نے مزید کہا کہ خواتین ہی نہیں کسی کے بھی موبائل اور نقدی محفوظ نہیں ہے، انہیں کراچی میں غیر مقامی پولیس اور انتظامیہ قبول نہیں ہے۔
ان کا یہ بھی کہنا تھا کہ مقامی پولیس اور انتظامیہ کے بغیر کراچی میں جرائم کا خاتمہ نہیں ہو سکتا ہے۔
