لاہور (اصل میڈیا ڈیسک) رام گڑھ میں واقع ایک دربار میں سلنڈر پھٹ گیا جس کے نتیجے میں آگ لگنے سے تین افراد جھلس گئے۔
ریسکیو ٹیم کے مطابق سلنڈر دھماکا اس وقت ہوا جب دربار سید محمود شاہ میں زائرین کے لیے لنگر تیار کیا جا رہا تھا، دو سلنڈروں میں دھماکے کے بعد آگ لگ گئی اور تین افراد جھلس کر زخمی ہو گئے۔
عینی شاہدین کے مطابق سلنڈر دھماکا اتنا شدید تھا کہ قریبی عمارتوں کے شیشے ٹوٹ گئے اور آواز دور تک سنی گئی۔
ریسکیو اہلکاروں نے آگ پر قابو پانے کے بعد زخمیوں کو اسپتال منتقل کردیا، زخمیوں میں 20 سالہ مبشر، 40 سالہ جمشید اور 27 سالہ عبدالقادر شامل ہیں۔