لاہور : سینئر لیگی رہنما الحاج قیصر امین بٹ القادری کی رہائش گاہ پر یوم دفاع پاکستان کی مناسبت سے خصوصی تقریب کا اہتما م کیا گیا۔ تقریب کی صدار ت الحاج قیصر امین بٹ القادری نے کی۔ تقریب کا باقاعدہ آغاز تلاوت کلام پاک سے کیا گیا۔ جس کی سعادت قاری امجد قادری نے حاصل کی، ہدیہ نعت قاری سلیم عطاری پیش کی، تقریب میں معززین علاقہ اور شہریوں کی کثیر تعداد شریک تھی۔تقریب کے شرکاء سے خطاب کرتے ہوئے سینئر لیگی رہنما الحاج قیصر امین بٹ نے کہاکہ افواج پاکستان کے شہداء ہمارا فخر ہیں اور انہی شہداء کی بدولت آج ہم آزاد ہیں۔
انہون نے کہا پوری قوم جدبہ شہادت سے سرشار ہے۔ کشمیری بھائی ہرگز مایوس نہ ہوں ہم کشمیری بھائیوں کو یقین دلاتے ہیں کہ کشمیریوں کی طویل شہادتیں رنگ لائیں گی۔وطن عزیز کے دفاع کیلئے تمام اداروں کی خدمات قابل ستائش ہیں۔کشمیر میں بھارتی لا قانونیت ہرگز برداشت نہیں اور ہم آج دفاع پاکستان کے موقع پر تحریک آزادی کشمیر کے شہداء کو بھی سلام پیش کرتے ہیں۔اس موقع پر الحاج سلیم بٹ، حنان لون، ڈاکٹر طارق مرزا،عمران بٹ، حبیب میاں، قاری امجد،حافظ عدنان، کالم نگار مرزا رضوان، تجمل انصاری، سہیل محمود ملک سمیت اہل علاقہ بھی موجود تھے۔تقریب میں قومی ترانہ بھی پڑھا گیا جبکہ شہدائے پاکستان کیلیے دعاکی گئی۔
