چین (اصل میڈیا ڈیسک) چین کے وزیر خارجہ وانگ یی نے کہا ہے کہ ” روس کے ساتھ ہماری دوستی برقرار ہے”۔
یی نے کہا ہے کہ روس کے ساتھ ہماری دوستی برقرار ہے۔ میں، دونوں ممالک کے درمیان اختلافات کو ڈائیلاگ کے ذریعے اور پُر امن طریقوں سے حل کرنے کی اور تمام ممالک کی خود مختاری اور زمینی سالمیت کا احترام کئے جانے کی اپیل کرتا ہوں۔
انہوں نے کہا ہے کہ دونوں ممالک کے جائز سکیورٹی خدشات کو رفو کیا جانا چاہیے۔ علاقے میں ایک طویل المدت امن کو یقینی بنانے کے لئے موئثر یورپی سلامتی ساخت کو نافذالعمل کیا جانا چاہیے۔
چین وزارت خارجہ کے ترجمان وانگ وینبن نے بھی موضوع سے متعلق جاری کردہ بیان میں کہا تھا کہ “چین حالیہ صورتحال پر بغور نگاہ رکھے ہوئے ہے اور تمام فریقین سے تحمل کا مظاہرہ کرنے اور صورتحال کو بے قابو ہونے سے بچانے کی اپیل کرتے ہیں۔ چین حکومت نے فوجی حملے کو ایک قبضہ قرار دینے کی تردید کی اور مغربی ممالک سے روس کے جائز سکیورٹی مسائل کا احترام کرنے کی اپیل کی ہے”۔
واضح رہے کہ یوکرین پر حملے کے بعد متعدد ممالک کی طرف سے روس پر پابندیاں لگائی گئی ہیں تاہم چین نے دونوں ممالک کے درمیان ثالثی کی پیشکش کی اور ماسکو انتظامیہ پر لگائی گئی پابندیوں کی مذمت کی ہے۔
