کراچی : پاکستان تحریک انصاف کے رہنما و سربراہ بیت المال سندھ حنید لاکھانی نے کہا ہے کہ اپوزیشن کا شیرازہ جلد بکھر جائے گا کیونکہ اپوزیشن کا اتحاد بد نیتی پر مشتمل ہے ، بد نیت لوگ اور ڈاکو ملکر بھی حکومت کو گرا نہیں سکتے، پی ڈی ایم میں قیادت کا جھگڑا اس اتحاد کو منتشر کرد یگاپی ڈی ایم کا مقصد ملکی ترقی کو روکنا ہے، پاکستان میں خوشحالی کا دور جلد شروع ہو گا، ان خیالات کا اظہارا نہوں نے حنید لاکھانی سیکرٹریٹ سے جاری کردہ بیان میں کیا، حنید لاکھانی نے کہا کہ وزیراعظم عمران خان کی نیت پر کوئی شک نہیں کر سکتا ہر کا م میں وقت لگتا ہے، سابقہ حکمرانوں کی لوٹ ما ر اور کرپشن کی وجہ سے آج تک عوام کو پریشانی کا سامنا کرنا پڑ رہا ہے، نو سیاسی جماعتوں کے نو سرباز عمران خان کا کچھ نہیں بگاڑ سکتے۔
انہوں نے کہا کہ دنیا بھر میں پاکستانی قیادت کے اقدامات کو سراہا جارہا ہے، اپوزیشن جماعتیں جلسے اور جلوس اپنی کرپشن بچانے کے لیئے کر رہے ہیں ، یہ و ہ لوگ ہیں جو ذاتی مفادات کے لیئے ایک دوسرے پر الزامات بھی لگاتے ہیں اور ایک دوسرے کو بھائی بھی کہتے ہیں ، پی ڈی ایم منافقین اور مفاد پرستوں کا ٹولہ ہے، قومی دولت چرانے والوں اور معیشت کی تباہی کے ذمہ داران کو سڑکوں پر آتے ہوئے شرم آنی چاہیے اپوزیشن کے مفاد پرست لوگ اداروں کو نشانہ بنا رہے ہیں یہ لوگ کبھی بھی عوام کے خیر خواہ نہیں ہوسکتے، ان لوگوں کو سڑکوں پر آنے سے کوئی فائدہ نہیں ہوگا پاکستانی عوام نے ان کو مسترد کردیا ہے ، انہوں نے کہا کہ کچھ لوگ ملکی مستحکم ہوتی ہوئی پوزیشن اور ترقی سے خوش نہیں ہیں اور حکومت کو گھر بھیجنے کے خواب دیکھ رہے ہیں پاکستان تحریک انصاف عوامی طاقت سے اقتدار میں آئی ہے اور موجودہ مدت پوری کریگی اور آئندہ حکومت بھی پی ٹی آئی کی ہی ہوگی، پاکستانی قوم کو اندازہ ہوگیا ہے کہ تحریک انصاف اور عمران خان ہی اس ملک کی ترقی اور خوشحالی کی ضمانت ہے۔