ترکی (اصل میڈیا ڈیسک) صدر رجب طیب ایردوان نے کہا کہ دنیا میں بڑھتی ہوئی اسلام دشمنی اور غیر ملکی دشمنی کو روکنے کی ضرورت ہے۔
صدر ایردوان کے انٹرنیشنل ” ہولوکاسٹ”کے دن کے موقع پرصدارتی اطلاعاتی آفس کی جانب سے weremember.gov.tr پر ایک ویڈیو پیغام جاری کیا گیا ہے۔
صدر نے اپنے پیغام میں کہا ہے کہایک ایسے دور میں جب انسانیت ایک مشکل دور سے گزر رہی ہے نئی قسم کے کورونا وائرس کے ساتھ ساتھ نسل پرستی کا وائرس بھی وبا کی شکل میں بڑی تیزی سے پھیل رہا ہے۔
انہوں نے کہا کہ “مساجد ، سینا گوگ اور گرجا گھروں جیسی عبادت گاہوں کے خلاف تشدد کی کارروائیوں میںبڑے پیامنے پر اضافہ دیکھا گیا ہے۔انہوں نے کہا کہ نسل پرستی، ، مذہب ، زبان اور ظاہری شکل مختلف رکھنے والے طبقات کے خلاف نفرت انگیز جرائم دن بدن بڑھتے جارہے ہیں۔ نسل پرست دہشت گردی ، معاشرتی امن اور لوگوں کے ایک ساتھ رہنے کی خواہش کو تباہ کررہی ہے۔ انہوں نے کہا کہ پچھلی صدی میں رونما ہونے والے المناک واقعات، نسل پرستانہ نظریات کو اجاگر کرنے اور معاشرے کے لیے درد سر بننے کا موجب بنے ہیں۔
انہوں نے کہا کہ بوسنیا ، روانڈا اور کمبوڈیا میں ہونے والی نسل کشی سے لاکھوں افراد اپنی جانوں سے ہاتھ دھو بیٹھے ہیں ہولو کاسٹ کی زندہ مثال ہیں جو بین الاقوامی برادری کو اپنے اوپر عائد ہونے والی ذمہ داریوں کی یاد دلاتے ہیں۔ صدر ایردوان نے کہا کہ نفرت انگیز مواد کے خلاف اقدامات اٹھانا جنگ کرنا صر ف متاثرین ہی کی نہیں بلکہ پوری انسانیت کی ذمہ داری ہے۔
انہوں نے کہا کہ عالمی برادری کو بوسنیا ، روانڈا اور کمبوڈیا جیسے سانحات دوبارہ وقوع پذیر ہونے سے روکنے کی ضرورت ہے۔
انہوں نے کہا کہ . weremember.gov.trنام کی ویب سائٹ پر ہولو کاسٹ ، روانڈا ، سریبرینیکا اور کمبوڈیا کے واقعات کی دستاویزات اور تصاویر کو پیش کیا جائے گا۔
انہوں نے کہا کہ اس سائٹ پر ، جہاں ہولوکاسٹ کا نشانہ بننے والے یہودیوں کے نمائندوں کے پیغامات پیش کرنے کے ساتھ ساتھ نسل کشی پر شائع ہونے والے آرٹیکل، مضامین اور کتابوں کو بھی جگہ دی جائے گی۔
