لاہور: اسلامی جمعیت طلبہ پاکستان کے ناظم اعلیٰ محمد زبیر حفیظ نے کہا ہے کہا آرمی پبلک سکول کے شہید بچوں نے پوری قوم کو متحد و یکجا کیا ہے، شہدائے اے پی ایس پوری قوم کا فخر ہیں ، سولہ دسمبر سانحہ مشرقی پاکستان و سانحہ پشاور کے با عث ہماری تاریخ کا سیاہ ترین دن ہے ان خیالات کا اظہار انہوں نے اسلامی جمعیت طلبہ کے زیر اہتمام فخر پاکستان فیسٹیول سے خطاب کرتے ہوئے کیا۔
انہوں نے مزید کہا بکھری ہوئی قوم کو شہدائے پشاور نے اپنی قربانی کے ذریعے ایک پلیٹ فارم پر جمع کیا، اے پی ایس کے طلبہ ہمارے لئے قابل فخر ہیں ، پوری قوم کا سر انہی کی بدولت فخر سے بلند ہوا ہے۔ ابھی تک سولہ دسمبر 1971ء کے زخم تازہ تھے کہ ملک دشمنوں نے قوم پر اسی دن گہری گائو لگایا۔ فیسٹیول میں اسلامی جمعیت طلبہ کے زیر اہتمام شہدائے اے پی ایس کے والدین کو فخر پاکستان ایوارڈ ز دئیے گئے۔
جبکہ سکولوں کے طلبہ و طالبات کی جانب سے شہداء کو خراج عقیدت پیش کرنے کے لئے خصوصی ٹیبلوز اور خاکے پیش کئے گئے۔ جس کے باعث بہت سے جذباتی مناظر دیکھنے کو ملے، ہر آنکھ اشکبار تھی، شہدا کے والدین نے اپنے بچوں کی یادیں فیسٹیول کے شرکاء کے سامنے بیان کیں، اس موقع پر ایم این اے عائشہ سید اور امیر جماعت اسلامی پشاور مشتاق خان نے بھی خطاب کیا۔
بھارت اور پاکستان کا اصل مسئلہ کشمیر ہے۔ بیرسٹر سلطان محمود چوہدری
ملک اسداسلم اعوان کو مسلم لیگ ن کی طرف سے ضلعی کسان کونسلر کی سیٹ کا ٹکٹ جاری کیا جائے