کراچی کی خبریں 24/1/2017

Posted on January 24, 2017 By Mohammad Waseem سٹی نیوز, کراچی

کرپشن کی کالی دیمک ملک و قوم کو کھوکھلا کررہی ہے ‘ ایم آرپی
عدلیہ و فوج ”کرپشن فری پاکستان “ کے قومی تقاضے کو پورا کرنے سے قاصر ہیں ‘ امیرعلی پٹی والا
کرپشن فری پاکستان کی راہ میں دو مقتدر خاندان اور استحصالی نظام سب سے بڑی رکاوٹ ہیں
کراچی (اسٹاف رپورٹر) پاکستانی قوم کیلئے کرپشن دہشتگردی سے بڑا خطرہ ہے مگر افسوس کہ دہشتگردی کیخلاف نبردآزما فوج کو جمہوریت کے نام پر قائم استحصالی نظام نے اس طرح سے مفلوج کردیا ہے کہ فوج قومی امنگوں و ضرورتوں کے مطابق کرپشن کیخلاف آپریشن سے معذور ہے حالانکہ کرپشن فری پاکستان وقت کا تقاضہ اور قوم کی اولین ضرورت ہے مگر دومقتدر خاندان‘ ان کے حاشیہ برداراور استحصالی نظام کرپشن فری پاکستان کی راہ میں سب سے بڑی رکاوٹ بنے ہوئے ہیں ۔ محب وطن روشن پاکستان پارٹی کے قائد و چیئرمین امیر پٹی نے مزید کہا کہ قومی خزانہ لوٹنے ‘ عوام سے وسائل اور ان کے بچوں کے منہ سے نوالہ اور آنے والی نسلوں سے محفوظ و خوشحال مستقبل چھین لینے والے مسند اقتدار پر براجمان اور دیگر اپنی باری کی تیاریوں میں مصروف ہیں مگر نہ تو عدلیہ اور نہ ہی فوج کرپشن فری پاکستان کی قومی ضرورت و تقاضے کے مطابق اپنے کردار کی ادائیگی کیلئے تیار دکھائی دے رہے ہیںیہی وجہ ہے کہ توانائی بحران کے خاتمہ کے نام پر اقتدار پانے والے توانائی کے خاتمے کیلئے 2022ءتک کا نیا وقت دیکر قوم کو مزید بیوقوف بناکر پھر سے قوم پر حکمرانی اور مزید لوٹ مار کی تیاری کررہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی کو نظر انداز کرنا قومی مفادات کیخلاف ہے ‘ جی کیو ایم
بلدیاتی نمائندوں و اداروں کو با اختیار بنانے سے گریز حکمرانوں کی عوام و کراچی دشمنی کا ثبوت ہے
بلدیاتی اداروں کی بے اختیاری کو جلد ختم نہ کیا گیا تو اس شہر میں سانس لینا دوبھر ہوجائے گا ‘ سورٹھ ویر
کراچی ( اسٹاف رپورٹر )گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کراچی کی صورتحا ل پر اظہار افسوس کرتے ہوئے کہا کہ میگاسٹی عروس البلاد کراچی سیاسی اقربا پروری کی نظر ہوچکا ہے گوکہ افواج پاکستان‘ رینجرز اور سیکورٹی اداروں کی حب الوطنی فرض شناسی اور ایثار و قربانی نے شہر کا تباہ شدہ امن تو بحال کردیا ہے مگر گندگی و غلاظت کے ڈھیر ‘ سیوریج نظام کی بربادی اور سڑکوں کی بدحالی کیساتھ ناجائز تجاوزات اور ٹریفک پولیس کی نااہلی و کرپشن کے باعث شہر میں بدترین ٹریفک جام کی صورتحال اس بات کا ثبوت ہے کہ بلدیاتی اداروں کی بے اختیاری کو جلد ختم نہ کیا گیا تو اس شہر میں سانس لینا بھی دوبھر ہوجائے گا مگر عوام کے ووٹوں سے اقتدار کے ایوانوں تک پہنچ کر کرپشن و کمیشن کے ریکارڈ بنانے والے عوام ‘ اسکے مسائل و مصائب اور پریشانی و استحصال کو نظر انداز کرنے کی پالیسی پر گامزن ہیں اور بلدیاتی نمائندوں و اداروں کو با اختیار بنانے سے گریز ان کی عوام و کراچی دشمنی کا ثبوت ہے اور اگر وہ کراچی اور عوام کے دشمن نہیں ہیں تو پھر بلدیاتی اداروں کو مکمل طور پر با اختیارا ور خود مختار بنائیں تاکہ عوامی مسائل کا حل ممکن ہو اور کراچی دور قدیم کی مسائل و غیر تہذیب یافتہ بستی کی بجائے دور جدید کے میگا سٹی کی اپنی اصل شکل میں واپس لوٹ سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مستقبل کا تحفظ اور بد حالی دونوں عوام کے ہاتھ میں ہیں ‘ راجونی اتحاد
قومی خزانہ لوٹنے والے خود کو محب وطن اور دوسروں کو غدار قرار دے رہے ہیں ‘ امیرپٹی ‘ اقبال ٹائیگر
استحصالی نظام و موروثی سیاستدانوں سیاست کو دھوکا فریب کا دوسرا روپ بنادیا ہے ‘ عمران چنگیزی
کراچی (اسٹاف رپورٹر ) استحصالی نظام اور موروثی سیاستدانوں نے سیاست کو دھوکہ اور فریب کا دوسرا روپ بنادیا ہے اور جمہوریت کے نام پر ظلم و استحصال وہ نظام قائم ہے جو دھاندلی کے ذریعے اقتدار میں آنے والوں کو قومی امنگوں کے برخلاف مفاداتی فیصلوں کا اختیار دیتا ہے جس کے سہارے حکمران دونوں ہاتھوں سے قومی خزانے کو لوٹنے کے باوجود بھی حب الوطنی کے ٹائٹل کے حامل اور دوسروں کو غدار قرار دینے کے اہل ہیں ۔پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے حیدرآباد میں جلسہ عام سے خطاب کرتے ہوئے کہا کہ استحصال ‘ ظلم اور نانصافی سے نجات اور مستقبل کو محفوظ و خوشحال بنانے کا اختیار عوام کے پاس ہے عوام انتخابات میں اگر روایتی سیاستدانوں اور سیاسی جماعتوں کو مسترد کرکے راجونی اتحاد کے نامزد اپنی ہی برادری کے مخلص ‘ تعلیم یافتہ اور دیانتدار افراد کو کامیاب بناکر اپنے مستقبل کو استحصال و ظالم حکمرانوں کے چنگل سے بازیاب کراسکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ذاتی مفادات کیلئے قومی مسائل کو نظر انداز کیا جارہا ہے ‘ سولنگی اتحاد
توانائی بحران حل کیلئے کرپشن و کمیشن سے نجات اور انقلابی اقدامات کی ضرورت ہے‘ امیر سولنگی
توانائی بحران کی شدت کے ذمہ دار حکمران ‘ حکومتی جماعت اور متعلقہ محکمے و ادارے ہیں ‘ عابد سولنگی
کراچی ( اسٹاف رپورٹر ) توانائی بحران سے نجات دلانے کے وعدے پر بر سر اقتدا ر آنے والے ملک و قوم کو توانائی بحران سے نجات دلانے میں اب تک کامیاب نہیں ہوپائے ہیں گوکہ وزیراعظم اس حوالے سے متعلقہ حکام پر مسلسل دبا ¶ ڈال رہے ہیں مگر اداروں پر دبا ¶ ڈالنے سے توانائی بحران کا حل ممکن نہیں اس کیلئے کرپشن و کمیشن کی روایت سے نجات اور انقلابی اقدامات کی ضرورت ہے ۔کستان سولنگی اتحاد کے سینئر بزرگ رہنما امیر علی سولنگی ‘معین سولنگی ‘ عمر سولنگی ‘غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی نے توانائی بحران کے خاتمے کے حوالے سے حکومتی کارکردگی کو غیر تسلی بخش و غیر اطمینان بخش قرار دیتے ہوئے کہا ہے کہ 2018ءاور موجودہ حکومت کی آئینی مدت دونوں ہی کے خاتمے تک بھی توانائی بحران کا خاتمہ ممکن دکھائی نہیں دے رہا جس کے ذمہ دار حکمران ‘ متعلقہ ادارے اور حکمران جماعت ہیں جو ذاتی مفادات اور اقتدارکی جنگ میں قومی و عوامی مسائل و ضروریات سے صرف نظر کی پالیسی اپنائے ہوئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امیر پٹی کاگورنر بننا پاکستان کے مفاد میں ہے ‘ جونا گڑھ فیڈریشن
امیر پٹی کی بطور گورنری سندھ اور صوبائی حکومت کے درمیان انتشار کے خاتمہ کا باعث بنیگی
وزیراعظم پارٹی رہنما کی تقرری کے بجائے سندھ میں غیر جانبدار گورنر مقرر کریں ‘ عوامی مطالبہ
کراچی ( اسٹاف رپورٹر ) سندھ میں ن لیگ کے پارٹی وفادار رہنما کی بجائے غیر جانبدار گورنر کا تقرر کیا جائے کیونکہ وفاقی و صوبائی حکومتوں اور مقتدر جماعتوں کے درمیان اختلافات کے باعث سندھ کے عوام کا نقصان ہورہا ہے اور پاکستان میں انتشارو نفاق کیساتھ تعصب میں بھی اضافہ ہورہا ہے اور ن لیگ کے پارٹی وفادار کارکن کا گورنر سندھ کے طور پر تقرر اس انتشارونفاق میں مزید اضافے کا باعث بنے گا اسلئے سندھ اور پاکستان کے مفاد اور جمہوریت کے استحکام کیلئے ضروری ہے کہ سندھ میں ایسے غیر جانبدار گورنر کا تقرر کیا جائے جو وفاق کی نمائندگی کیساتھ صوبے کے مفادات کی نگہبانی اور صوبے کی عوام کی ترقی و خوشحالی کا ضامن بھی ثابت اور اس حوالے سے معروف سماجی و گجراتی رہنما امیر علی پٹی والا سے بہترین انتخاب کوئی اور نہیں ہوسکتا اسلئے امیر علی پٹی والا کو سندھ کا گورنر مقرر کیا جائے ۔جونا گڑھ اسٹیٹ مسلم فیڈریشن میں شامل میمن ‘ گجراتی ‘ کچھی ‘ کاٹھیاواڑی ‘ بوہری ‘اسماعیلی ‘ پٹھان ‘ سندھی ‘ بلوچ ‘ پارسی ‘ ہندو اور دیگر برادریوں کی نمائندہ 107جماعتوں کے سربراہان نے جونا گڑھ پیلس میں مشترکہ میڈیا کانفرنس میں وزیراعظم سے سندھ و پاکستان کے وسیع تر مفاد میں سماجی رہنما امیر علی پٹی والا کو گورنر سندھ بنانے کا مطالبہ کرتے ہوئے کہا ہے کہ امیر پٹی کی بطور گورنر تقرری سے وفاقی حکومت کو گجراتی بولنے والوں کا اعتماد بھی ہاصل ہوجائے گا اور جونا گڑھ سے تعلق رکھنے والوں کیساتھ ہونے والی زیادتیوں کا ازالہ بھی ہوگا جبکہ صوبائی حکومت سے تعلقات میں بہتری آئے گی اور سندھ میں ترقی کو وہ سفر بھی شروع ہوگا جو صوبے کی عوام میں وفاقی حکمران جماعت کی مقبولیت کا باعث بنے گا۔