گجرات (جی پی آئی) چیف ایڈیٹر GPIنیوز ڈاکٹر رزاق احمد غفاری کے پھوپھا محمد حسین گذشتہ روز رضائے الٰہی سے انتقال کرگئے مرحوم کو سینکڑوں سوگواروں کی موجودگی میں قبرستان جھنگی میں سپرد خاک کردیا گیا مرحوم کی نماز جنازہ ممتاز عالم مفتی عثمان افضل قادری نے پڑھائی مرحوم کے ایصال ثواب کے لئے ختم قل کی محفل بروز جمعرات صبح 10بجے جامع مسجد بلال قبرستان میراں صاحب روڑ،محلہ شریف پورہ(نورپور پڈے)گجرات میں منعقد ہوگی ٹھیک11بجے دعا ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈسٹرکٹ ریٹرننگ آفیسر /ڈی سی او لیاقت علی چٹھہ نے بلدیاتی انتخابات کے دوسرے مرحلے کے تحت پولنگ کے انتظامات کا جائزہ لینے کیلئے ضلع کونسل ہال اور ٹی ایم اے آفس میں قائم پولنگ اسٹیشنوں کا دورہ کیا اور وہاں کیے جانے والے انتظامات کا جائزہ لیا ڈسٹرکٹ الیکشن کمشنر فرید اللہ خان ، اسسٹنٹ ڈائریکٹر لوکل گورنمنٹ محمود اقبال گوندل بھی ان کے ہمراہ تھے ۔ ڈسٹرکٹ ریٹرننگ آفیسر نے ڈیوٹی پر تعینات پولنگ سٹاف اور امیدواروں کے پولنگ ایجنٹس سے انتظامات کے حوالے سے دریافت کیا اور سیکورٹی انتظامات کا جائزہ لیا انہوںنے پولنگ سٹاف کو ہدایت کی کہ اپنی ذمہ داریاں غیر جانبدار رہ کر سرانجام دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ایڈیشنل ڈسٹرکٹ اینڈ سیشن جج افتخار حسین نے ڈسٹرکٹ جیل گجرات کا دورہ کیا اور معمولی نوعیت کے مقدمات کے 8ملزمان کو ذاتی مچلکوں پر رہا کرنے کا حکم دیا سول جج شاہد نصیب ، ڈسٹرکٹ پبلک پراسیکوٹر بابر جاوید ڈار ،سپرنٹنڈنٹ جیل منصور اکبر ،ڈپٹی سپرنٹنڈنٹ جیل ملک بابرعلی ان کے ہمراہ تھے ۔ایڈیشنل اینڈ سیشن جج جیل ہسپتال ، لیڈیز بیرک ، نو عمر قیدیوں کی بیرک ، کچن اور مختلف بارکس کا دورہ کیا ، کھانے کا معیار ، صفائی کے انتظامات چیک کیے۔ اور قیدیوں سے ان کے مسائل دریافت کیے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اولیاء کرام کے آستانے دنیا کیلئے روشن چراغ ہیں ان خیالات کا اظہار ممتاز مذہبی شخصیت صاحبزادہ پیر سید زاہد حسین شاہ ترمذی سجادہ نشین آستانہ عالیہ غوث زماں ڈھینڈہ شریف نے گزشتہ روز بزرگان ڈھینڈہ شریف کے 37 ویں عرس مبارک کی تقریب کے موقع پر خطاب کرتے ہوئے کیا۔ جو کہ دارالعلوم جامعہ اسلامیہ حنفیہ آستانہ عالیہ غوث زماں ڈھینڈہ شریف کڑیانوالہ میں منعقد ہوا۔ سجادہ نشین پیر سید زاہد حسین شاہ ترمزی نے خطاب کرتے ہوئے کہا کہ جب تک اولیاء کرام کے آستانے قائم ہیں دنیا میں امن و امان کا درس عام ہوتا رہے گا۔ انہوں نے کہا کہ شروع سے ہی اولیاء کرام کے آستانوں سے پیغام امن و محبت ملتا رہا۔ اور دنیا کے تمام خطوں میں اولیاء کرام کی کاوشوں اور محنتوں سے اسلام نے ترویج حاصل کی۔ آستانہ عالیہ غوث زماں ڈھینڈہ شریف نے شروع سے ہی درگاہ کے ساتھ ساتھ تعلیم و تربیت کا سلسلہ بھی جاری ہے۔ سینکڑوں طالب علم فارغ التحصیل ہو رہے ہیں۔ پیر سید نور حسین شاہ سجادہ نشین آستانہ عالیہ شہنشاہ ولایت نے کہا کہ اولیاء کرام کے دَر پر حاضر ہونا بہت بڑا اعزاز ہے۔ کیونکہ ان آستانوں پر وہی آتے ہیں جنہیں بلایا جاتا ہے۔ اِس ویرانے میں بھی بزرگان ڈھینڈہ شریف نے اسلام کی تبلیغ و اشاعت کا سلسلہ جاری رکھا۔ اس موقع پر ممتاز عالم دین علامہ عبدالحمید چشتی خطیب اعظم سیالکوٹ ‘ حضرت علامہ مولانا پیر سید سوہنا ماہی چشتی الحسینی گوجرانوالہ’ صاحبزادہ پیر سید محمد عتیق الرحمن آستانہ عالیہ بوکن شریف نے بھی خطاب کیا۔ یہ محفل ساری رات جاری رہی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) علامہ اقبال نے قوم میں جذبہ خودی کو بیدار کیا۔ اور اقبال کے فلسفہ پر عمل پیرا ہو کر اُمت مسلمہ کی ترقی ممکن ہے۔ ان خیالات کا اظہار EDO ایجوکیشن طاہر کاشف نے گزشتہ روز گورنمنٹ غریب پورہ میں یوم اقبال کی منعقدہ تقریب کے دوران خطاب کرتے ہوئے کیا۔ انہوں نے کہا کہ علامہ اقبال اُمت مسلمہ کیلئے رہنما کی حیثیت رکھتے ہیں۔ جنہوں نے اپنی شاعری کے ذریعے اُمت مسلمہ میں شعور بیدار کیا۔ اور آج جس طرح پاکستان ترقی کر رہا ہے یہ سب علامہ اقبال کی سوچ کا نتیجہ ہے۔ ڈسٹرکٹ ایجوکیشن آفیسر نثار احمد میو نے قوم کو آج پھر علامہ اقبال جیسے رہنما کی ضرورت ہے جو قوم کی صحیح نمائندگی کا حق ادا کرے۔ پرنسپل گورنمنٹ گرلز ہائی سکول غریب پورہ محترمہ مس رضیہ اختر نے کہا کہ محکمہ تعلیم کی طرف سے بچوں کی بہتر تعلیم و تربیت کے سلسلہ میں جو اقدامات کئے جا رہے ہیں وہ قابل تحسین ہیں اور آج جو ہر طرف علامہ اقبال ڈے تقریبات کا انعقاد کیا جا رہا ہے یہ ایک مستحسن عمل ہے۔ ہم نصابی سرگرمیوں کی طلبہ کی قائدانہ صلاحیتیں اجاگر ہوتی ہیں۔ انہوں نے کہا کہ آج ان مقابلہ جات میں بچوں اور بچیوں نے جس طرح اپنے ہنر کا اظہار کیا یہ قابل تحسین ہے۔ بچوں کو آگے بڑھنے کا موقع ملنا چاہئے۔ اس موقع پر مختلف سکولوں کے طلبہ و طالبات نے انگلش اور اردو تقاریر اور کلام اقبال کے مقابلہ جات میں حصہ لیا۔ بچوں میں انعامات تقسیم کئے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) علامہ اقبال کی شکل میں اُمت مسلمہ کے پاس ایک ایسا رہنما موجود ہے جو انہیں ہر طرح کے حالات میں جینے کا درس دیتا ہے۔ ان خیالات کا اظہار انچارج ایلیٹ فورس گوجرانوالہ ڈویژن چوہدری ضیغم ثناء وڑائچ نے دی ایگزا سکول گجرات میں یوم اقبال کے سلسلہ میں منعقد تقریب سے خطاب کرتے ہوئے کیا۔ انہوں نے کہا کہ جب تک ہم جذبہ خودیٔ کو بیدار نہیں کریں گے۔ ترقی نا ممکن ہے کیونکہ نوجوانوں میں جذبہ خودی صرف اسی وقت بیدار ہو سکتا ہے جب وہ غیور اور غیرت مند ہوں اور ہمیں خوشی ہے کہ اقبال کے شاہین ان کی تعلیمات پر عمل پیرا ہیں۔ ممتاز سماجی شخصیت جنرل سیکرٹری مسلم لیگ یوتھ ونگ رانا ثاقب مشرف ناز نے کہا کہ علامہ اقبال ایک فلسفی ہی نہیں ، صوفی شاعر بھی تھے جن کی شاعری میں تصوف ‘ حریت کا درس ملتا ہے۔ اور ہم علامہ اقبال کی تعلیمات پر عمل پیرا ہو کر ترقی کر سکتے ہیں۔ اس موقع پر طلبہ و طالبات نے مختلف خاکہ جات ‘ ٹیبلو پیش کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) آل پاکستان فیڈریشن آف یونائٹیڈ ٹریڈ یونینز کے مرکزی جنرل سیکرٹری پیرزادہ امتیاز سید ایشین لیبرکانفرنس میں شرکت کے لیے آج سری لنکا روانہ ہوںگے،وہ سری لنکا میں منعقد ہونے والی لیبر کانفرنس میں پاکستان کی نمائندگی کریں گے، لیبر کانفرنس کا اہتمام آئی ایل او اور انڈسٹری آل گلوبل یونین نے مشترکہ طور پر کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) صحافی ضیاء سید کی والدہ محترمہ سابق ممبر ضلع کونسل سائرہ امتیاز سید کی وفات پر اہم شخصیات نے ان کی رہائش گاہ پر جا کر فاتحہ خوانی کی ، جن میں پی ٹی آئی کے رہنما عثمان منظور دھدرا،گجرات پریس کلب کے سیکرٹری ملک شفقت اعوان،سابق صدر پریس کلب جلالپورجٹاں محمداعظم انصاری،سابق فنانس سیکرٹری پریس کلب جلالپورجٹاں حکیم شہبازالحسن،گجرات پریس کلب کے نائب صدر فرحان مرزا،ایس ایچ او مریدکے سید قیصر عباس، ایس ایچ اونارووال ارشد چیمہ،اے ایس آئی قیصر محمود ٹوپہ،چیف ایڈیٹر ر وزنامہ احتساب ایکسپریس مرزا منیر حسین،صحافی شہزادبٹ سمیت دیگر شامل ہیں۔تعزیت کے لیے جانے والی اہم شخصیات نے مرحومہ کی سیاسی اورسماجی خدمات کو خراجعقیدت پیش کیا اور کہا کہ مرحومہ کی خواتین کے حقوق کے لیے کی جانے والی خدمات کو ہمیشہ یاد رکھا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) شادیوال کے قریب مزدا کی ٹکر سے گجرات کے رہائشی با پ بیٹی جان بحق ،تفصیل کے مطابق گزشتہ روز سرگودہا روڈکے محلہ فیض آباد کے رہائشی محمد اکرم ولد محمد اسلم قو بٹ اپنی بیٹی ذویہ کے ساتھ شادیوال جار ہے تھے کہ دارارقم سکول شادی وال کے سامنے ایک تیز رفتار مزدا جو کہ گجرات سے ترکھا پل کی طرف جارہا تھا نے ٹکر مار دی جس کے نتیجہ میں باپ بیٹی موقع پر ہلاک ہو گئے شادیوال پولیس نے مزدا ڈرائیور کو گرفتار کر کے اس کے خلاف مقدمہ درج کر لیا ہے اور مزدا کو بھہ قبضہ میں لے لیا ہے پولیس نے نعشوں کو ضروری کاروائی کے بعد ورثاء کے حوالے کر دیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ضلع کونسل کے انتخابات میں پی ٹی آئی کی جانب سے ثمینہ نذیر آف مہند چک نے مخصوص نشت پر کامیابی حاصل کرتے ہوئے ضلع گجرات میں سب سے زیادہ 15 ووٹ حاصل کرکے پہلی پوزیشن حاصل کر لی ہے ،یاد رہے کہ ثمینہ نذیر ڈاکٹر نذیر بھدر ،ساجد نذیر کی ہمشیرہ اور چیئرمین چوہدری اعجاز اسلم مہمد چک کی اہلیہ ہیں ۔شاندار کامیابی پر پی ٹی آئی کے راہنمائوں نے طوہدری اعجاز اسلم اور ان کی اہلیہ کو مبارکباد پیش کی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) تحفظ حرمین شریفین کیلئے امت مسلمہ مشترکہ لائحہ عمل اختیار کرے۔ سانحہ درگاہ شاہ نورانی اور دہشت گردی کے ایسے دیگر واقعات کی روک تھام کیلئے مخلصانہ کاوشیں مزید تیز کی جائیں۔ بھارتی جارحیت کے انسداد کیلئے قوم متحد اور افواج پاکستان کے شانہ بشانہ ہے۔ سی پیک منصوبہ سے پاکستان اقتصادی ترقی کی نئی منازل طے کریگا۔ ان خیالات کا اظہار پیر مفتی محمد عثمان افضل قادری نے نیک آباد شریف میں مختلف وفود سے ملاقات کرتے ہوئے کیا۔ اس موقع پر نیک آباد شریف میں لائن آف کنٹرول پر شہید ہونیوالے فوجی جوانوں اور دیگر شہدا کیلئے فاتحہ خوانی کی گئی۔ پیر مفتی محمد عثمان افضل قادری زیب سجادہ نیک آباد شریف نے مزید کہا کہ رب ذولجلال کے احکامات اسکے بندوں تک پہنچانے کیلئے خوب محنت کی ضررورت ہے۔ تحریک پاکستان میں سرگرم روحانی درگاہیں تحفظ پاکستان کیلئے ہر دم تیار ہیں۔ پاکستان اولیاء اللہ کا فیضان ہے ان کے مزارات پر دھماکے کرنے والے برے عزائم میں کامیاب نہیں ہوسکتے۔ انہوں نے حکومت سے پرزور مطالبہ کیا کہ ماہ مقدس ربیع الاول میں میلاد النبیۖ کے جلوسوں اور محافل کیلئے خصوصی انتظامات کئے جائیں۔ اولیاء اللہ کے مزارات پر سیکورٹی ہائی الرٹ کی جائے۔ اور حضرت داتا گنج بخش علی ہجویری رحمة اللہ علیہ کے عرس مبارک پر زائرین کیلئے فول پروف سیکورٹی کے انتظامات یقینی بنائے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ضلع کونسل گجرات کی25مخصوص نشستوں کے انتخابات ضلع کونسل میں ریٹرننگ آفیسر FBR /انکم ٹیکس آفیسر تصور حسین وڑائچ کی نگرانی میں مکمل ہوگئے مسلم لیگ ن نے برتری حاصل کرتے ہوئے 15خواتین کی سیٹوں میں سے 9سیٹیں حاصل کرلی ہیں مسلم لیگ ق اور پاکستان تحریک انصاف کی دو، دو خواتین کامیاب قرار پائی جبکہ دوخواتین افضل اکبر چیچی اور سید عقیل عباس شاہ گروپ کی آزاد بھی کامیاب ہوگئیں اور مسلم لیگ ن کے ایک یوتھ، ایک ٹیکنو کریٹ ، دوکسان اور تین اقلیتی امیدوار کامیاب ہوگئے ق لیگ اور پاکستان تحریک انصاف کو ایک ایک اقلیتی نشست ملی جبکہ ایک کسان آزاد امیدوار کامیاب ہونے میں کامیاب ہوگیا انتخابات کے دوران پولیس کی بھاری نفری تعینات تھی اور مسلم لیگ ن ، پاکستان تحریک انصاف ، ق لیگ کے ووٹرز ، سپورٹرز بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) میونسپل کارپوریشن گجرات کی9مخصوص نشستوں کے لیے انتخابات مکمل ہوگئے مسلم لیگ ن کے دو ٹیکنو کریٹ ، دو لیبر، ایک یوتھ ، تین خواتین اور ایک اقلیتی امیدوار کامیاب ہوگیا مسلم لیگ ق کے ایک چیئرمین نصر اللہ کھوکھر نے ووٹ کاسٹ نہیں کیا جبکہ اتنے ووٹ نہیں تھے جتنی پولیس اور انتظامیہ وہاں موجود تھے 12بجے تک صرف ایک ووٹ کاسٹ ہوا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ملک طارق کے والد اور حاجی منور حسین کے چچا حاجی غلام رسول (پائپوں والے ) انتقال کرگئے مرحوم کو مقامی قبرستان میں سپردخاک کردیا گیا نماز جنازہ میں بلدیہ گجرات کے سابق چیئرمین الحاج منظور حسین ڈار، ملک یونس ایڈووکیٹ، سابق کونسلر رزاق انصاری، عثمان طیب سابق صدر گجرات پریس کلب، محبوب بٹ، ڈاکٹر یاسین بٹ، ڈاکٹر محمد اعظم، رشید آف باگڑیانوالہ، ملک نواز، ماسٹر محمد یونس، ڈاکٹر محمدا ختر، نذیر احمد غفاری، قاری حسنات جلالی، محمد حفیظ گجر واپڈا سمیت مقامی سیاسی سماجی وکاروباری لوگوں نے شرکت کی مرحوم کا ختم قل آج مورضہ 16نومبربروز بدھ دس بجے دن جامع مسجد قطب آباد میں پڑھا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) مسیحائی شیوۂ پیغمبری ہے اور شعبۂ طب سے وابستہ افراد انسانیت کے اصل خدمتگار ہے۔ تحصیل طب کی راہ پر گامزن نوجوان طلبہ کو خدمت انسانیت کے جذبہ سے سرشار ہوتے ہوئے اپنی تمام تر توجہ اپنی تعلیم پر مرکوز کرنا چاہیے۔ زندگی میں حقیقی طمانیت حاصل کرنے کے لیے دکھی و بیمار انسانیت کی خدمت کو اپنا شعار بنائیں۔ ان خیالات کا اظہار مہمان خصوصی رجسٹرار جامعہ گجرات ڈاکٹر طاہر عقیل نے نواز شریف میڈیکل کالج کے زیر اہتمام سال اوّل کے طلباو طالبات کی تقریب تعارف سے خطاب کرتے ہوئے کیا ۔انہوں نے مزید کہا کہ جامعہ گجرات کی انتظامیہ طلبہ کے تعلیمی سفر کو آسان بنانے کی خاطر انہیں ہر ممکن سہولیات فراہم کر رہی ہے۔ انہوں نے طلبہ کو NSMCجیسے نامور ادارہ میں داخلہ ملنے پرمبارکبارد پیش کی۔ اس تعارفی تقریب میں طلبا و طالبات کی کثیر تعداد کے علاوہ انکے والدین،جامعہ گجرات کے ڈین و ڈائریکٹرز،NSMCکے اساتذہ و صدور شعبہ جات نے شرکت کی۔ پرنسپلNSMCپروفیسر ڈاکٹر ظفر اقبال گلِ نے طلبہ کو خوش آمدید کہتے ہوئے کہ شعبۂ طب ایک عظیم شعبہ ہے جس کا اوّلین مقصد دکھی و بیمار انسانیت کی خدمت کے ذریعے معاشرتی فلاح و بہبود ہے۔ شعبۂ طب کے طلبہ کو ہمہ وقت زندگی کے چیلنجوں کا مقابلہ کرنے کے لیے تیار رہنا چاہیے اور کسی بھی مریض کی جان بچانے کے لیے اپنی ہر کوشش وقف کر دینا چاہیے۔ انہوں نے طلبہ کو NSMCمیں بہترین تدریس کا یقین دلاتے ہوئے کہا کہ وائس چانسلر پروفیسر ڈاکٹر ضیاء القیوم کی راہنمائی میں NSMCہر سال بہترین نتائج سامنے لاتے ہوئے نمایاں مقام حاصل کر رہا ہے۔ ڈاکٹر ظفر گلِ نے طلبہ کو اپنے والدین اور اساتذہ کے عزت و تکریم کا درس دیا۔ ڈین پروفیسر ڈاکٹر محمد سلیمان طاہر نے کہا کہ ڈاکٹر ہمارے معاشرہ کے نہایت کا ر آمد شعبہ کا ایک اہم حصہ ہیں۔ میڈیکل کے طلبہ کو تعلیم کے ساتھ ساتھ پیشہ وارانہ اخلاقیات کا نمائندہ بنتے ہوئے اپنے شب و روز بیمار انسانیت کی خدمت کے لیے وقف کرنے کی ضرورت ہوتی ہے۔ پاکستان میں میڈیکل کے شعبہ میں انقلابی تبدیلیاں لانے کی ضرورت ہے۔ ڈاکٹر چوہدری عابد نذیر نےNSMCکا تفصیلی تعارف پیش کرتے ہوئے کہا کہ اس کالج کا قیام کامیابی کی ایک نمایاں داستان ہے۔ NSMCکے اساتذہ اپنی بھرپور کاوشوں کو بروئے کار لاتے ہوئے قوم کو عزم و ہمت سے بھرپور نوجوان ڈاکٹروں کا تحفہ ہر سال پیش کرتے ہیں۔ ہمارے نوجوان ڈاکٹروں کو اپنی پیشہ وارانہ اور اخلاقی ذمہ داریوں کوبھرپور طریقہ سے نبھاہتے ہوئے شعبہ جاتی عزم و استحکام کا مظاہرہ کرنا چاہیے۔ ڈاکٹر معراج السراج نے کہا کہ ایک مخلص ڈاکٹر کا اصل فریضہ اپنے پیشہ وارانہ فن و لیاقت کا مظاہرہ کرتے ہوئے بیمارو مریض انسانیت کی جان بچانا ہے۔ میڈیکل کے طلبہ کو چاہیے کہ وہ اپنی تمام تر توجہ تحصیل طب پر مرکوز کرتے ہوئے ملک و قوم کا سرمایہ بنیں۔ ڈائریکٹرSSCمحمد یعقوب نے طلبہ کو سہولیات کی فراہمی کے لیے اور انکے مسائل کے حل کے لیے بھرپور تعاون کا یقین دلایا۔ ڈاکٹر شاہدہ حسین تارڑ نے اظہارِ تشکر میں کہا کہ تعلیم ہمیں اپنے عمومی روّیوں کو بہتر بنانے کا دوسرانام ہے۔ معاشرہ میں میڈیکل کمیونٹی اور اس سے وابستہ افراد کو اہم مقام دیا جاتا ہے۔ ہمیں چاہیے کہ ہم بحیثیت ڈاکٹر معاشرہ کی توقعات پر پورا اترتے ہوئے دکھی انسانیت کی پُر خلوص خدمت کا بیٹرا اُٹھائیں۔ انہوں نے طلبا و طالبات اور مہمانان گرامی کا بھرپور شکریہ اداکیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) جامعہ گجرات کی ڈائریکٹوریٹ آف سپورٹس کے زیر اہتمام انٹر فیکلٹی کرکٹ ٹورنامنٹ کے اختتام پر ایک پر وقار تقریب تقسیم انعاما ت کا انعقاد کیا گیا۔ اس کرکٹ ٹورنامنٹ میں جامعہ گجرات کے تمام شعبہ جات کے اساتذہ پر مشتمل ٹیموں نے حصہ لیتے ہوئے کھیلوں کے فروغ کے لیے اپنی بہترین کارکردگی کا مظاہرہ کیا۔ جامعہ گجرات اپنے اساتذہ و طلبہ میں تعلیم و تدریس کے اعلیٰ معیار کو پروان چڑھاتے ہوئے ان کی جسمانی و ذہنی صحت کے لیے مختلف کھیلوں میں بھی ان کی دلچسپی کو قائم کرنے میںبھی کوشاں ہے۔ ڈائریکٹر سپورٹس جامعہ گجرات شیخ عبدالرشید نے تقریب تقسیم انعامات کے موقع پر کہا کہ معاشرہ سے عدم برداشت اور تشدد جیسے منفی روّیوں سے نجات حاصل کرنے کے لیے کھیلوں کے میدانوں میں سرگرمیاں اور رونقیں بحال کرتے ہوئے نوجوان نسل کو کھیلوں کی افادیت سے آگاہ کرنا ضروری ہے۔ تقریب تقسیم انعامات کے مہمانان گرامی میں وائس چیئرمین ضلعی سپورٹس بورڈ چوہدری ظہور الٰہی اور پرنسپلNSMCپروفیسر ڈاکٹر ظفر اقبال گِل شامل تھے۔ جامعہ گجرات کے زیر اہتمام انٹر فیکلٹی کرکٹ ٹورنامنٹ کی فاتح فیکلٹی برائے بزنس و ایڈ منسٹریٹو سائنسز کی ٹیم قرار پائی جبکہ رنر اپ کا اعزاز فیکلٹی برائے کمپیوٹنگ سائنسز کی ٹیم نے اپنے نام کیا۔ شیخ عبدالرشید، چوہدری ظہور الٰہی اور ڈاکٹر ظفر اقبال گِل نے جیتنے والی ٹیموں کو ٹیم ٹرافی اور انعامات سے نوازا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کھاریاں سے سیالکوٹ جانیوالی ہائی ایس تیز رفتاری کے باعث نادرا آفس کھاریاں کے سامنے الٹ گئی جس کے نتیجہ میں 7افراد زخمی ہو گئے۔ زخمیوں کو طبی امداد کے لئے ریسکیو 1122 اور ایدھی ایمبولینسوں کے ذریعے سول ہسپتال کھاریاں بھجوایا گیا جہاں پر ایم ایس ڈاکٹر فاروق بنگش کی زیرنگرانی زخمیوں کو طبی امداد دی گئی۔ تفصیلات کے مطابق ہائی ایس نمبری RIS 14961 کھاریاں سے سیالکوٹ جا رہی تھی کہ حادثہ کا شکار ہو گئی نتیجہ میں ڈرائیور عامر فیاض ساکن چیچیاں گلیانہ، کنڈیکٹر نعیم اکبر ساکن گلیانہ چیچیاں، شعیب علی ساکن سیالکوٹ، غلام حسین ساکن سیالکوٹ، اللہ رکھا مسیح ساکن سیالکوٹ، جاوید اخترموہری شریف اور اللہ دتہ ساکن سیالکوٹ شامل تھے وقوعہ کی اطلاع ملتے ہی تھانہ صدر کھاریاں اور موٹر وے پولیس بھی جائے وقوعہ اور سول ہسپتال کھاریاں پہنچ گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) قوم اور پاک فوج ایک پیج پر متحد ہیں بھارتی جارحیت کا منہ توڑ جواب دیا جا رہا ہے اور یہ سلسلہ بھی جاری رکھا جائے عوام بھارتی جارحیت کے خلاف اور دہشت گردی کے خاتمے کے لئے پاک فوج کے شانہ بشانہ ہیں ان خیالات کا اظہاروائس چیئرمین یوسی بدر چوہدری اجمل حسین پیارا نے کیا۔ انہوں نے کہا کہ بھارت پر جنگی جنون سوار ہے اور وہ تباہی کی طرف جا رہی ہے کشمیر میں نہتے کشمیریوں پر ظلم کے پہاڑ توڑ رہا ہے اور دوسری طرف ایل او سی پر بھی فائرنگ کر رہا ہے جو کہ عالمی قوانین کی کھلم کھلا خلاف ورزی ہے 20 کروڑ عوام بھارت کی کسی بھی جارحیت کا منہ توڑ جواب دینے کے لئے تیار ہیں اور پاک فوج کی کمل حمایت کا اعلان کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) بھارتی جارحیت کا منہ توڑ جواب دیا جائے اور اپنے شہیدوں کے خون کے ایک ایک قطرے کا بھی حساب لیا جائے پاک فوج فوری جواب دے ہمیں اپنے شہداء اور غازیوں پر فخر ہے پاک فوج کے جوان مادر ملت کی حفاظت کے لئے اپنی جانوں کے نذرانے پیش کر رہے ہیں ہم پاک فوج کے شانہ بشانہ کھڑے ہیں دشمن کے ناپاک عزائم کو خاک میں ملا دیا جائے گا ان خیالات کا اظہار راہنما مسلم لیگ(ن) ضلع گجرات چوہدری تنویر احمد کوٹلہ (چیئرمین) نے کیا۔ انہوں نے کہا کہ حکومت اور پاک فوج مل کر دہشت گردی کے خاتمے کے لئے فرض سرانجام دے رہے ہیں جبکہ LOC پر بھی دشمن کی جارحیت کا مقابلہ کیا جا رہا ہے۔ بھارتی جارحیت سے متعدد سول اور فوجی جوان جام شہادت نوش کر چکے ہیں جو کہ عالمی قوانین کی خلاف ورزی ہے پاکستانی قوم کبھی بھی دشمن کو ناپاک عزائم میں کامیاب نہیں ہونے دے گی ہم دشمن کو اس کی زبان میں ہی جواب دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) چیئرمین یوسی بدر ملک وحید سرور اعوان نے کہا کہ بھمبر سیکٹر پر بھارتی فوج کی جانب سے فائرنگ سے7 فوجی جوانوں کی شہادت حکمرانوں کے لئے لمحہ فکریہ ہے جو کہ مودی کی یاری میں یہ بھی بھول چکے ہیں کہ فوجی تو ہمارے شہید ہو رہے ہیں اور دوسری طرف کشمیری عوام پر بھی ظلم کے پہاڑ توڑے جا رہے ہیں حکمران مزمت تک نہیں کر رہے ہم انڈین جارحیت کی جہاں مزمت کرتے ہیں وہاں اپنے شہداء کو سلام بھی پیش کرتے ہیں ان شاء اللہ بھارتی جارحیت کا منہ توڑ جواب دیا جائے گا ہم پاک فوج کی مکمل حمایت کا اعلان کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) چیئرمین پیپلز پارٹی کھاریاں سٹی شیخ ظفراقبال نے جہانگیر بدرکے انتقال پر گہرے رنج و الم کا اظہار کرتے ہوئے پیپلزپارٹی کی قیادت اور مرحوم کے خاندان سے اظہار تعزیت کیا ہے۔انہوںنے کہا کہ جہانگیر بدر پارٹی کا سرمایہ اور سیاست کا فخر تھے۔جنہوںنے آمریتوں کا مقابلہ کیا اور جمہوریت کو فروغ دینے میں متحرک کردار ادا کیا۔ جہانگیر بدر سیاسی جدوجہد کا نشان اور نظریاتی پیپلز پارٹی تھے۔جنہوں نے اپنی قیادت اور نظریات سے زندگی بھر وفاداری کی۔عہدوں کی بجائے سیاسی عمل پر یقین رکھتے تھے۔ اقتدار میں اگر وزیر رہے تو اپوزیشن میں انہوںنے سڑکوں پر تشدد بھی برداشت کیا۔اور آمریت کا مقابلہ کیا۔ انہوںنے مرحوم جہانگیر بدر کی مغفرت ، لواحقین اور پیپلز پارٹی کے کارکنوں کے صبر جمیل کے لئے دعا بھی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) سیاسی وسماجی شخصیت پرویز جٹ(ایم ڈی اسٹائلو شوز)نے کہا ہے کہ دربار شاہ نورانی کے معصوم اوربیگناہ زائرین کے خون سے ہولی کھیلنے والے انسانیت کے دشمن ہیں۔دہشت گردوںکی بزدلانہ کاروائیاںہمارے حوصلے کسی صورت پست نہیںکرسکتے۔ بلوچستان کوایک سوچے سمجھے منصوبہ کے تحت ٹارگٹ کیا جارہا ہے کیونکہ پاکستان دشمن قوتوںکوملکی تعمیروترقی اورسی پیک منصوبہ کسی طورہضم ہونے میںنہیںآرہااوریہی وجہ ہے کہ کہ خوف وہراس کی فضاء پیداکرنے کے لئے بے گناہ لوگوںکو نشانہ بنایا جارہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) معاشرے اورملک وقوم کی تعمیرکوتعلیم یافتہ افرادہی پروان چڑھاتے ہیںاورتعلیم کے لئے صحت مندذہن وجسم ہونا ضروری ہے۔اس کے لئے کھیل بنیادی کرداراداکرتے ہیں۔کھیل کودسے طالب علم کی صلا حیتوںمیںنکھارپیداہوتا ہے اورطالب علم تعلیم کے میدان میںنمایاںنظرآتا ہے۔ان خیالات کا اظہارچیئرپرسن میڈم ذوبیہ مبشراورپرنسپل چوہدری محمداصغرنے سرسید پائیلٹ ہائی سکول (مبشررضا کیمپس)کے سالانہ سپورٹس گالاکی افتتاحی تقریب کے موقع پر کیا۔انہوںنے کہا کہ ہماری اورہمارے سٹاف کی ہمیشہ سے کوشش رہی ہے کہ طلباء وطالبات کوتعلیم کے زیورسے آراستہ کرنے کے ساتھ انکی ذہنی وجسمانی نشوونمافٹنس بھی بہتربنائی جائے۔جسکے لئے مختلف مواقع پران کوغیرنصابی سرگرمیوںمیںاپنی صلا حیتوںکواجاگرکرنے کے لئے مواقع فراہم کئے جاتے ہیں۔جہاںانکی شخصیت میںنکھارپیداہوتا ہے وہاںانکی ذہنی استعبدادبڑھتی ہے جوانکی تعلیم کے حصول میںبھرپورمعاون رہتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) ماحول اورموسمی حالات سے پیداشدہ امراض میںہومیو پیتھی بطورعلا ج بالمثل جسم کودرست حالت میںلانے میںبہترین مددگار ومعاون ہوتی ہے۔موجودہ دورمیںہومیو پیتھی علا ج کی افادیت سے کوئی بھی انکاری نہیں۔اس علا ج بالمثل سے پچیدہ اورپرانے امراض کودرست کیا جارہا ہے۔ان خیالات کا اظہارہومیو ڈاکٹرسیدرضاسلطان نے النورویلفیئر سوسائٹی کے اجلاس میںکیا۔اس موقع پرہومیوڈاکٹرزشبیہ الحسن زیدی،نسیم فاطمہ،حسیبہ غوری،فریدہ منظور،علی ملک،عرفان سردار،سیدوجاہت رضا ودیگر بھی موجودتھے۔انہوںنے کہا کہ قابل اوراپنے شعبے میںمخلص ہومیو ڈاکٹرانسانیت کی وہ خدمت کررہے ہیںجس کی اسلام نے تعلیم دی ہے۔اگرہومیوشعبہ کی سرپرستی کی جائے تواس طریقہ علاج سے ہومیوڈاکٹرزہر مقام پرصحت کی بحالی کی کیمپس لگا کرعلاج معالجہ کی سہولیات فراہم کرکے معاشرے کوصحت مندبنانے میںفعال کرداراداکرسکتے ہیں۔دنیا بھرمیںاس علا ج سے استعفادہ حاصل کیا جارہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) سماجی راہنما حاجی محمدفیروز چیمہ آف ویروکی نے کہا ہے کہ انسان اسلا م کو اپنی زندگیوںمیںنافذکرے،اسلا م ہر شعبہ سے تعلق رکھنے والے کی راہنمائی کرتا ہے۔اسلام ایک دین مکمل ہے جسمیںعبادات کے علاوہ دنیاوی مسائل کاحل موجودہے۔اللہ تعالیٰ کے بنائے ہوئے قوانین کے طابع رہ کرزندگی گزارنے والے مسلمان ہی حقیقی مسلمان ہیںاوراحکامات الٰہی کے مطابق زندگی بسر کرے۔انہوںنے حب میںشاہ نورانی کے مزارپرہونے والی دہشت گردی کی شدیدمذمت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاک ترک تعلقات دوقوموں کے تعلقات ہیں ۔ترک صدر پاکستانی قوم کے مہمان ہیں ان کو خوش آمدید کہیں گے۔ تحریک انصاف کو پارلیمنٹ کے بائیکاٹ کا فیصلہ واپس لینا چاہئے۔ یہ بات پاکستان علماء کونسل کے مرکزی چیئرمین اور وفاق المساجد پاکستان کے صدر حافظ محمد طاہر محمود اشرفی نے اپنے ایک بیان میں کہی۔ انہوں نے کہا کہ پاکستان کی سیاسی ،مذہبی جماعتوں کو اپنے اختلافات کانشانہ دوست ممالک کو نہیں بنانا چاہئے۔ اس سے قبل سی پیک پر چین اور اب ترک صدر کی پاکستان آمد پر ترکی کے حوالے سے بعض سیاسی جماعتوں اور قائدین کے خیالات قومی مفاد کے برعکس ہیں ۔ انہوں نے کہا کہ حزب اختلاف کی جماعتوں کو عمران خان کو مشترکہ پارلیمنٹ کے اجلاس میں لانے کیلئے کوشش کرنی چاہئے۔ انہوں نے کہا کہ افسوس کی بات ہے کہ دوست ممالک کے معاملات پر اس طرح کی صورتحال پیدا ہو۔ یہ صورتحال کسی بھی طور پر پاکستانی قوم اور ملک کے مفاد میں نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان مسلم لیگ ق کے رہنما و مسلم لیگ یوتھ ونگ کے مرکزی صدر سید بلال مصطفی شیرازی نے لائن آف کنٹرول پر بھارتی جارحیت کی نتیجہ میں پاک فوج کے 7جوانوں کی شہادت کو افسوسناک واقعہ قرار دیتے ہوئے کہا ہے کہ دفاع وطن کیلئے فوجی جوانوں کی قربانیاں رائیگاں نہیں جائیں گی ۔انہوںنے کنٹرول لائن پر بھارتی فورسز کی فائرنگ سے شہید ہونے والے پاکستانی فوجیوں کو خراج عقیدت پیش کیا ہے اور ان کے خاندانوں سے اظہار یکجہتی کرتے ہوئے کہا ہے کہ پوری قوم مادرِوطن کے دفاع کیلئے پاک فوج کے ساتھ کھڑی ہے اور فوجی افسروں و جوانوں کی قربانیوں کو نہایت قدر کی نگاہ سے دیکھتی ہے۔ ان خیالا ت کا اظہار انہوںنے مسلم لیگ یوتھ ونگ کے وفود سے گفتگو کرتے ہوئے کیا۔ سید بلال مصطفی شیرازی نے کہا کہ بھارتی جارحیت کا اسی کی زبان میں جواب دیا جائے امسال بھارت کی جانب سے کنٹرول لائن کی 222 بار سیز فائر کی خلاف ورزیاں ہوئیں جس سے ظاہر ہوتا ہے کہ بھارت کے عزائم جارحانہ ہیں انہوںنے کہا کہ ہندو بنیا کسی کا دوست نہیں ہوسکتا ،اس لیے بھارت کے ساتھ تجارتی تعلقات ختم کیے جائیں ۔انہوں نے کہا کہ پاکستان کی جانب سے بھرپور جوابی کارروائی کی اطلاعات باعث اطمینان ہیں لیکن بزدل مودی حکومت کو ایسی حرکتوں سے روکنے کیلئے پاکستان کو مؤثر اور منہ توڑ اقدامات کرنا ہوں گے، دشمن اس قسم کی کارروائیوں سے پاکستانی قوم کے حوصلے پست نہیں کر سکتا اور ہمارے بہادر عوام اور مسلح افواج دشمن کے تمام عزائم کو ناکام بنا دیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی) کراچی تاجر الائنس ایسوسی ایشن کے چیئرمین ایاز میمن موتی والا نے کہاہے کہ موسم سرما کے قریب آتے ہی حکومت کی جانب سے گیس کی قیمتو ں میں اضافے کا فیصلہ عوام کو کسی بھی لحاظ سے قبول نہیں ہوسکتا،عوام پر بہانے بہانے سے مہنگائی کے زریعے اضافی بوجھ ڈال کر حکومت نے ثابت کردیاہے کہ موجودہ حکمران کسی بھی لحاظ سے قوم کے خیر خواہ نہیں ہوسکتے ،گیس کی قیمتوں میں 36فیصد اضافے سے کارخانوں اور صنعتوں کو نقصان ہوگا۔ان خیالات کااظہار انہوں نے ڈیفنس آفس میں تاجر الائنس کے رہنمائوں سے ملاقات میں کیا،ایاز میمن نے کہا کہ تاجر الائنس کسی بھی لحاظ سے گیس کی قیمتوں میں ہونے والے اضافے کو قبول نہیں کریگی ،ویسے ہی پٹرولیم مصنوعات میں مسلسل اضافے نے عوام اور تاجر برادری کی کمر توڑ رکھی ہیں اس پر غیر اعلانیہ لوڈشیڈنگ کے نظام سے جو نقصان ہورہاہے اسے بھی بیان نہیں کیا جاسکتا ،انہوں نے کہاکہ حکومت معیشت میں ترقی لانے کی بجائے الٹا اسے تباہ کرنے پر تلی ہوئی ہے تاجروں کو کیا پڑی ہے کہ وہ چیخ چیخ کر حکومت کے خلاف آوازیں اٹھائیں حکومت اگراچھے کام کرے تو ہم سکون سے اپنے کاروبار پر توجہ دیں نہ کے سڑکوں پر نکل کر مظاہروں میں اپنا وقت برباد کریں ،انہوں نے کہاکہ حکومت کو نت نئے طریقوں سے نوازنے والے مشیر خدا کا خوف کریں جو حکمرانوںکو پیسہ بنانے کے لیے اس طرح کی تجاویزات سے نوازتے ہیں وہ ہی سہی معنوں میں حکومت کے اصل دشمن ہیں ،انہوں نے کہاکہ حکومت نے عوام کو مہنگائی بے روزگاری اور کرپشن کے دلدل میں بری طرح پھنسا دیا ہے آج یہ صورتحال ہے کہ لوگوں نے ایک بار پھر سے بازاروں کا رخ کرنا بند کردیاہے اور اگر حکومت کی جانب سے مہنگائی کا یہ ہی حال رہاہے تو ملک بھر کے بازاروں میں سناٹے کے سوا کچھ نہ دکھائی دے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی) پی ٹی آئی سندھ کے سینئر نائب صدر حلیم عادل شیخ ملیر کے علاقے میمن گوٹھ میں درگاہ شاہ نوارانی میں خودکش دھماکے سے جابحق ہونے والی ایک ہی خاندان کی تین خواتین کے ورثاء سے تعزیت کرنے ان کی رہائش پر پہنچ گئے ،سانحے پر گہرے رنج وغم کا اظہارکرتے ہوئے جابحق افراد کے لیے مغفرت کی دعا بھی کی ۔اس موقع پران کے ہمراہ طارق بلوچ ،عطابروہی ،قربان ابڑو،معیز بلوچ،یاسر بلوچ،غلام سرورڈاھری ،جاوید اعوان سمیت دیگر پی ٹی آئی کے رہنما بھی موجود تھے جبکہ علاقہ معززین کی بڑی تعداد ان کے گھر کے باہر جمع تھی ،متاثرہ خاندان سے ملاقات میں ان کا کہنا تھا کہ حکومت کو اس وقت انتہا پسندوں کے خلاف ٹھوس اقدامات اٹھانے کی ضرورت ہے اس وقت پاک فوج دہشت گردی کے خلاف عوام کی امنگوں کے مطابق کام کررہی ہے اس کے برعکس حکومت شروع دن سے ہی نیشنل ایکشن پلان سے بھاگ رہی ہے ،شریف برادران کی موجودگی میں عوام اسی طرح دھماکوں کی نظر ہوتے رہینگے کیونکہ یہ لوگ کسی بھی حال میں سنجیدہ نہیں ہیں شاہ بلاول کی دگارہ کو خون میں نہلانے والوں کے خلاف حکومت نے ابھی تک کوئی بڑا پیغام بھی نہیں جاری کیا ہے جس سے اندازہ لگایا جاسکتاکہ حکومت کو ہوش آگیاہو،عوام کے رویئے سے محسوس ہوتاہے کہ اس وقت لوگ شریف برادران کی سیاست سے مکمل طورپر بیزار ہیں ،حل تویہ ہی ہے کہ مزید ایسے واقعات سے بچنے کے لیے اب ریاست کو چوکنا ہوکر رہنا پڑے گا،انہوں نے کہاکہ محسوس ہوتا ہے کہ دہشت گردانتہا پسندی کے لیے ایسی جگہوں کا انتخاب کررہے ہیں جہاں عوام زیادہ ہو مگر حکومت کی رسائی دور دور تک نہ ہو اور یہ مقام شہری سہولیات سے بھی دور ہو ،لہذا عوام کو بھی چاہیے کہ وہ اپنی مدد آپ کے تحت جس قدر ہوسکے اپنی اور دوسروں کی مدد میں پیش پیش رہے ، انہوں نے مزید کہاکہ اس میں کوئی شک نہیں ہے کہ دہشت گرد حکومت کی غفلت کا فائدہ اٹھارہے ہیں،بجائے اس کے حکومت درگاہوں اور مساجد سمیت بازاروں کی سیکورٹی کو موثر بنائے ایسے میں وہ اپنے ارد گر د سیکورٹی کا جال بچھا کر اپنی ہی حفاظت کو غنیمت سمجھتے ہیں اور عوام کو ان دہشت گردوں کے رحم وکرم پر چھوڑ دیا جاتاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) شہدائے کربلا کے چہلم کی مناسبت سے انجمن حسینیہ بھمبرکے زیر اہتمام جلو س علم و ذوالجناح بھمبر امام بارگاہ سے برآمد ہوا انتظامیہ اور پولیس نے سیکورٹی کے فول پروف انتظامات کیے تھے مرکزی جلوس دن 12بجے امام بارگاہ سے برآمد شام 4بجے واپس امام بارگاہ پہنچ کر اختتام پذیر ہوگیا تفصیلات کیمطابق شہدائے کربلا کے چہلم کا مرکزی جلو س علم و ذوالجناح امام بارگاہ بھمبر سے دن 12بجے برآمد ہوا جلوس روایتی راستوں سے ہوتاہوا شام 4بجے اختتام پذیر ہو گیا چہلم کے جلو س کی حفاظت اور شہر میں سیکورٹی کی صورتحال کیلئے ضلعی انتظامیہ اور پولیس نے فول پروف انتظامات دیے تھے چہلم کے جلوس کی حفاظت اور شہر میں سیکورٹی کی صورتحال کیلئے ضلعی انتظامیہ اور پولیس نے فول پروف انتظامات ترتیب دیے تھے چہلم کے جلوس کے حوالے سے بھمبر کے داخلی و خارجی راستوں کی بھی چیکنگ کابھی مناسب بندوبست کیا گیا تھا جبکہ عزاداران کی حفاظت کیلئے واک تھرو گیٹ اور میٹل ڈیٹیکٹر کے ذریعے چیکنگ کی گئی اس موقع پر محکمہ صحت اور ریسکیو کی ایمبولینس بھی جلو س کے ہمراہ تھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) مقامی سیاسی نمائندوں نے اپنی ساکھ کو مضبوط کرنے کیلئے سکول کے طلباء کا مستقبل داؤ پر لگا دیا ہے پائلٹ ہائی سکول کی دیوار گرانے میں مقامی سیاسی عمائدین کا ہاتھ ہے ضلعی انتظامیہ نے بھی مقامی سیاسی نمائندوں کا ساتھ دیکر سینکڑوں بچوں کی قیمتی جانوں کو داؤ پر لگا دیا ہے دیوار گرائے جانے کے باعث سیکورٹی کے مسائل کھڑے ہوگئے ہیں انتظامیہ اور مقامی سیاسی نمائندوں کی ملی بھگت سے سکول انتظامیہ اور علاقے کے لوگوں کی شنوائی نہیں ہو رہی اگر صورتحال یونہی رہی تو سکول کے بچوں کے ہمراہ ڈپٹی کمشنر آفس کے سامنے دھرنا اور احتجاج کرینگے ان خیالات کااظہار بھمبرکے معروف نوجوان کھلاڑی اور یوتھ کے راہنما ثاقب بشیر بٹ نے میڈیا نمائندگان سے خصوصی گفتگو کرتے ہوئے کیاا نہوںنے کہاکہ گورنمنٹ پائلٹ ہائی سکول بھمبر آذادکشمیر کا سب سے پرانا درسی ادارہ ہے پائلٹ ہائی سکول کے گراؤنڈ میں آذادکشمیر بھر کے اتھلیٹس کھیلوں کی سرگرمیوں کیلئے یہاں آتے ہیں سکول گراؤنڈ کے اردگرد چار دیواری بنائی گئی جسے ایک طرف سے مقامی سیاسی نمائندوں جن میں ایک سابق چیئرمین بلدیہ بھی شامل ہیں نے انتظامیہ سے ساز باز کرکے قریبی رہائشیوں کو راستہ دینے کیلئے سکول گراؤنڈ کی دیوار مقامی لوگوں اور بلدیہ خاکروبوں کے ذریعے گرادی ہے جس کے باعث نہ صرف سکول گراؤنڈ میں سے گزرنے والوں اور بلکہ سکول گراؤنڈ میں تعلیم حاصل کرنے والے سینکڑوں طلباء کی قیمتی جانوں کو بھی خطرہ پیدا ہو گیا ہے ملکی موجودہ حالات کے تناظر میں حکومت نے سکولوں کے تحفظ کیلئے پالیسی بنائی اب حکومت کے ادارے ہی مقامی سیاسی نمائندوں کو خوش کرنے کیلئے اس کی دھجیاں بکھیر رہے ہیں انہوںنے کہاکہ ہم نے متعدد بار حکام کو اس مسلے سے آگاہ کیا ہے لیکن کوئی شنوائی نہ ہے ہمارا حکومت آزادکشمیر نیکٹا کے حکام سے مطالبہ ہے کہ سکول کی گری ہوئی دیوار کا نوٹس لیا جائے بصورت دیگر ہم سکول کے طلباء کے ہمراہ DCآفس کے سامنے سخت احتجاج کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) آل پارٹیز فریڈم فورم کے سنیئر نائب صدر مولانا محمد شعیب ، سیکرٹری مالیات چوہدری محمد اکرم نے کہا کہ بھارت کی جنگی جنوں نے پورے جنوبی ایشیا کو خطرے میں ڈال رکھا ہے کنٹرول لائین پر بھارت کی بلااشتعال فائرنگ اور گولہ باری کسی بھی وقت ایٹمی جنگ میں تبدیل ہوسکتی ہے عالمی دنیا بھارتی اشتعال انگیزی اور جنگ بندی کی خلاف ورزیوں کا نوٹس لے ان خیالات کا اظہار انہوں نے فریڈم فورم کے ہنگامی اجلاس سے خطاب کرتے ہوئے کیا انہوں نے کہا کہ ہم وطن عزیز اور پاک سرزمین کی حفاظت کرتے ہوئے بھمبر سیکٹر میں جانوں کی قربانی دینے والے فوجی نوجوان قابل فخر ہیں پوری قوم کو اپنے فوجی نوجوانوں پر ناز ہے ہم شہدا کو خراج تحسین پیش کرتے ہیں انہو ں نے کہا کہ بھارت مقبوضہ کشمیر میں جاری آزادی کی جدوجہد کو طاقت کے زور پر دبانے میں کام ہونے کے بعد بوکھلاہٹ کا شکار ہوگیا ہے اپنی ناکامی کو چھپانے اور اپنا غصہ نکالنے کیلئے کنٹرول لائین پر آئے روز فائرنگ اور گولہ باری کررہا ہے بھارتی فائرنگ اور گولہ باری سے کشمیریوں کے حوصلے پست نہیں ہونگے بھارت جتنا ظلم کرے گا ہمارا جذبہ آزادی اتنا ہی زیادہ مضبوط ہوگا۔ انہوں نے کہا کہ بھارت کا جنگی جنون کسی بھی وقت پورے جنوبی ایشیا کو جنگ کی لپیٹ میں لے سکتا ہے عالمی دنیا اور اقوام متحدہ بھارت کے جنگی جنون کا نوٹس لے اور پورے خطے کو جنگ کی تباہی سے بچانے کیلئے کردار ادا کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) ڈسٹرکٹ سپورٹس آفیسرز کو 16ویں گریڈ سے 17ویں گریڈ میں مستقل کرنا حکومت کا خوش آئند اقدام ہے جس پر وزیراعظم اور ان کی ٹیم مبارکباد کی مستحق ہے سابق چیئر مین مرزا محمد اجمل ، قاضی نثار احمد ، ماسٹر اکرم پپو سمیت دیگر نے آزادکشمیر بھر کے سپورٹس آفیسر ز کے مسئلہ کو حل کرنے پر حکومت کا شکریہ ادا کیا ہے انہوں نے وزیراعظم ، سنیئروزیر ، سیکرٹری مالیات ، سیکرٹری سپورٹس کا شکریہ ادا کیا جن کی کوششوں سے سپورٹس آفیسرز کا دیرینہ مسئلہ حل ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) انجمن طلبہ اسلام نوجوان نسل کے دلوں میں فکر اقبال اجاگر کرنے کے لیے کوشاں ہے اقبال کی فکر کو زندہ رکھنااور خود ہی کو بیدار کرنا ہمارا مشن ہے ان خیالات کا اظہار ڈاکٹر اظہر محمود سابق مرکزی صدر اے ٹی آئی نے فکر اقبال کانفرنس سے خطاب کرتے ہوئے کیا انہوں نے کہا اقبال نے پاکستان کو خواب دیکھا اور اس خواب کو پورا کرنے کے لیے امت کے نوجوانوں کو بیدار کیا آج امت بھی اقبال کے بتائے ہوئے راستے پر چل کر ہی اپنی کھوئی ہوئی میراث حاصل کرسکتی ہے آج انجمن طلبہ اسلامی بھمبر اقبال کے پیغام کو لے کر طلبہ تک پہنچا رہی ہے اس موقع پر محمود ثقلین ناظم اے ٹی آئی ضلع بھمبر محمد حسان مصطفائی اور سید عین المنصف نے خطاب کرتے ہوئے شرکائی کانفرنس پر زور دیا کہ وہ اقبال کے پیغام کو عام کرنے کے لیے ہمارا ساتھ دیں اس موقع پر مسز بشری طارق فاروق ، انجنیئر طاہر امین ، اقبال انقلابی ، سجاد چوہدری سمیت دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) سابق امیدوار اسمبلی ڈاکٹر ریاض احمد مرزا نے چوہدری امجد یوسف، چوہدری فرید احمد کے ہمراہ لائن آف کنٹرول کا دورہ، بھارتی فوج کی بزدلانہ کاروائی پر آزادکشمیر کی تمام سیاسی جماعتوں کی مشترکہ کانفرنس بلانے کا مطالبہ کیا ہے اور کہا ہے کہ وزیر اعظم راجہ فاروق حیدر کو اس کانفرنس میں حکومت آزادکشمیر کی طرف سے سیئر فائر توڑنے کا اعلان کرنا چاہیے انہوں نے بھمبر سیکٹر میں مجاہد فورس کے 7 جوانوں کی شہادت پر اپنے بیان میں کہا کہ شہادت مسلمان قوم کی میراث ہے ہمارے حوصلے اس طرح کے واقعات سے پست نہیں کیے جاسکتے ، مگر بیس کیمپ کی حکومت اور سیاسی جماعتوں کو کشمیر کاز کے لیے ایک نقطے پر اتحاد کرنا ہوگا ۔ بیس کیمپ سے اتحاد کا پیغام ہی مقبوضہ کشمیر کی تحریک آزادی کو تقویت دے گا ۔انہوں نے راجہ فارو ق حیدر سے بیس کیمپ کے وزیراعظم کی حیثیت سے مطالبہ کیا کہ وہ آل پارٹیز کانفرنس بلا کر سیز فائر لائن توڑنے کا اعلان کریں کیونکہ بھارتی حکمران جنگ کو چھیڑ کر مسئلہ کشمیر کو دفن کرنا چاہتے ہیں جس اس کا واحد حل یہی ہے کہ اقوام عالم کو بتایا جائے کہ کشمیر ی قوم اس منحوس لیکر کو نہیں مانتی جو کو یو این او نے قائم کیا تھا اس موقع پر انہوں نے جماعت اسلامی کے امیر عبدالرشید ترابی کے موقف کی مکمل حمایت کا اعلان کیا۔
رجانہ عطائیت کا دھندہ کرنے والے کی غنڈہ گردی، محکمہ صحت کی ٹیم کو کمرہ میں بند کر کے خود فرار ہو گیا
گجرات کی خبروں کی تصویری جھلکیاں