گجرات (جی پی آئی) رمضان المبارک کی آمد کے ساتھ ہی گجرات میں لوڈ شیڈنگ کا بحران شدت اختیار کر گیا۔ عوام کو ضلع بھر میں بجلی کی قلت کا شدید سامنا کرنا پڑ رہا ہے۔ رمضان المبارک سے قبل عوام کو امید تھی کہ حکومت وقت رمضان کے تقدس پیش نظر گرمیوں کے شدید سیزن کے دوران بجلی کی لوڈ شیڈنگ کے جن کو قابو کریں گے اور عوام کو ریلیف فراہم کریں گے۔ مگر پہلے روزے کی دگرگوں حالت کے بعد واپڈا نے دوسرے روزے کے دوران بھی بجلی کو عوام کی پہنچ سے دور رکھا۔ آدھا آدھا گھنٹہ بجلی آتی اور دو ‘ دو گھنٹے غائب رہی۔ عوام نے شدید احتجاج کیا ہے اور کہا ہے کہ اگر حکومت عوام کو مذہبی فریضہ بھی ادا نہیں کرنے دے سکتی تو ایسی حکومت سے آمریت اچھی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)دی ایجوکیٹرز بارہ دری کیمپس میں رمضان المبارک کی مقدس ساعتوں میں حسب سابق تراویح کا اہتمام کیا گیا ہے جس میں حفاظ کرام اور علمائے کرام تراویح پڑھا رہے ہیں۔ شہزاد شفیق نقشبندی نے تمام دوست احباب کو تراویح کی نماز میں شرکت کیلئے دعوت دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) سابق ممبر اسلامی نظریاتی کونسل صاحبزادہ پیر سید سعید احمد شاہ گجراتی نے عمرہ کی سعاد ت حاصل کر لی۔ انہوں نے سب سے پہلے روزہ نبی ۖ پر حاضری دی جس کے بعد وہ عمرہ کی سعادت حاصل کرنے کیلئے خانہ کعبہ پہنچے۔ انہوں نے ملکی ترقی و سلامتی کیلئے خصوصی دعائیں کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) شہزاد شفیق نقشبندی اور شہزادہ شاہ رفیق شفیق کے زیر اہتمام الٰہی مارکیٹ بالمقابل گجرات جمخانہ میں مدنی دستر خوان کا اہتمام کیا گیا ہے جس میں روزہ داران کی افطاری کا اہتمام کیا جاتا ہے۔ روزہ داران افطاری کے وقت افطاری کی سعادت سے مستفید ہو سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)گڈ لک سنوکر کلب اقبال چوک کے زیر اہتمام سنوکر ٹورنامنٹ کا اہتمام کیا گیا۔ جس میں ضلع بھر کے سنوکر کے کھلاڑیوں نے شرکت کی۔ تقریب کے مہمان خصوصی ڈسٹرکٹ سپورٹس آفیسر ندیم بٹ اور ممبر ڈسٹرکٹ سپورٹس کمیٹی رانا ثاقب مشرف ناز تھے۔ اس موقع پر ڈاکٹر رزاق احمد غفاری ‘ خالد کے کے’ رانا شاہزیب ‘ و دیگر نے بھی شرکت کی۔ سخت مقابلہ کے بعد ونر عمران ٹھاکر اور رنر اپ احمد رضا رہے۔ ڈسٹرکٹ سپورٹس آفیسر نے اپنے دست مبارک سے پہلا انعام دس ہزار روپے نقد اور ٹرافی جبکہ دوسرا انعام پانچ ہزار روپے نقد اور ٹرافی دی۔ منتظمین میں ذکی عباس ‘ لیاقت رضا’ کاشف رضا’ ظہیر عباس’ حسنین عباس’ علی بلو’ عمر بھٹی’ نعمان انور جٹ’ عمران جٹ’ لیاقت علی و دیگر تھے۔ اس موقع پر اہم شخصیات کی کثیر تعداد موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)سابق ممبر اسلامی نظریاتی کونسل صاحبزادہ پیر سید سعید احمد شاہ گجراتی اور پیر سید حسن محمود شاہ گجراتی نے مشترکہ بیان میں عرفان یونس میر کو لیفٹیننٹ کرنل سے بریگیڈیئر کے عہدہ پر ترقی ملنے پر مبارکباد پیش کی ہے اور نیک تمنائوں کا اظہار کرتے ہوئے کہا ہے کہ وہ پہلے جس طرح پاکستان آرمی کی خدمت کر رہے ہیں وہ اسی طرح کام کرتے رہیں گے اور پاکستان کے تحفظ اور استحکام میں اپنا کردار ادا کرتے رہیں گے۔ چیف آف آرمی سٹاف راحیل شریف نے بھی ان کی صلاحیتیوں کو مد نظر رکھتے ہوئے بریگیڈیئر کے عہدہ پر ترقی دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)جامع شہنشاہ ولایت میں ہر سال کی طرح امسال بھی افطاری و تراوی کا اہتمام کیا گیا ہے۔ قاری شعیب اور قاری کرامت علی نقشبندی کی نگرانی میں نمازی حضرات تراویح سے مستفید ہو رہے ہیں۔ انتظامیہ نے سیکورٹی کے سخت انتظامات کر رکھے ہیں۔ اور جامع مسجد شہنشاہ ولایت کی انتظامیہ کی طرف سے تراویح پڑھنے والے حضرات کیلئے مشروبات کا بھی اہتمام کیاگیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ڈسٹرکٹ سپورٹس کمیٹی کے زیر اہتمام سالانہ فلڈ لائٹ کرکٹ ٹورنامنٹ 6 رمضان المبارک سے نواز شریف پارک میں شروع ہو گا ۔ جس میاں ضلع بھر کی سو سے زائد ٹیمیں شرکت کریں گی۔ افتتاحی تقریب کے مہمان خصوصی ڈی سی او گجرات لیاقت علی چٹھہ ہوں گے جبکہ اراکین صوبائی و قومی اسمبلی و دیگر اہم شخصیات بھی شریک ہوں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ڈی سی او لیاقت علی چٹھہ نے علی الصبح سبزی منڈی جلالپور جٹاں کا دورہ کیا، اور منڈی میں فروخت کے لئے لائی جانیوالی اشیائے خورد و نوش کی نیلامی کے عمل کی نگرانی کی ، انہوں ذخیرہ اندوزی پر ایک آڑھتی کے خلاف مقدمہ درج کر ادیا ۔ڈی سی او لیاقت علی چٹھہ منڈی میں نیلامی کے عمل کی نگرانی کے لئے پہنچے جہاں ریونیو آفیسر ارشاد احمد اور مارکیٹ کمیٹی کے افسران بھی انکے ہمراہ تھے۔ انہوں نے آکشن یارڈ میں نیلامی کے عمل کی نگرانی کی اور ریونیو آفیسرا ور مارکیٹ کمیٹی کے عملہ کو ہدایت کی کہ منڈی میں آنیوالی ہر چیز کی شفاف طریقے سے نیلامی یقینی بنائی جائے ۔ انہوں نے ہدایت کی کہ مارکیٹ کمیٹی بروقت ریٹ لسٹوں کا اجراء یقینی بنائے نیز تمام اشیائے کے ریٹ کارڈ نمایاں جگہ پر آویزاں کئے جائیں۔ دوران چیکنگ ڈی سی او نے مقامی آڑھتی عبدالرحمان کے گودام کا معائنہ کیا جس میں بڑی تعداد میں پیاز سٹور کیا گیا تھا تاہم اسے نیلامی کے لئے پیش نہ کیا گیا جس کا سخت نوٹس لیتے ہوئے انہوں نے مذکورہ آڑھتی کے خلاف تھانہ صدر جلالپو رجٹاں میں مقدمہ درج کرا دیا۔انہوں نے واضع کیا کہ کسی بھی فرد کو ناجائز منافع خوری یا ذخیرہ اندوزی کرنے کی ہرگز اجازت نہیں دی جائے گی اورایسے عناصر کے خلاف سخت ایکشن لیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) جلال پور جٹاں سستے رضمان بازار کے انچارج اور ڈی او سی گجرات ماجد بن احمد نے کہا ہے کہ جلال پو جٹاں سستے رمضان ن بازار میں ضلع گجرات کے تمام سستے بازاروں سے کم ریٹ پر ضروریات زند گی کی تمام اشیاء فروخت کی جارہی ہیں اور عوام کو ہر ممکن ریلیف دیا جارہا ہے اگر کسی شہر ی کو شکایت ہو تو وہ برائے راست مجھ سے رابط کر سکتا ہے ،انہوں نے کہا کہ جلال پور جٹانں رمضا ن باز ار میں آم ایک سو فی کلو فروخت کیا جارہا ہے اس کے علاوہ مارکییٹ ریٹ سے بازار میں دس روپے کم ہر پرڈاکٹ سیل کی جارہی ہے جبکہ سبزیاں پھل دالیں گھی چینی آٹا اور مشروبات بھی مارکیٹ ریٹ سے کم فروخت کیے جارہے ہیں ،ماجد بن احمد نے کہا کہ جلال پورجٹاں سستا رمضان بازاز تمام بازاروں سے بازی لے گیا ہے اورخریداروں کا ریکارڈ رش دیکھنے میں آ رہا ہے ،انہوں نے مزید کہا کہ اگر بازار میں کو دوکاندار مہنگے داموں اشیاء فروخت کرے تو میرے نوٹس میں لا یا جا ئے اس کے خلاف بھر قانونی کاروائی عمل میں لائی جائے گی ،ماجد بن احمد نے کہا کہ ہمارے سستے رمضان بازار کی خاص بات یہ ہے کہ خرید اروں کے لیے ہر جمعہ کوایک آئٹم فری ہو گی وہ بغیرپیسے دئیے خرید سکیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)مسجدو امام بارگاہ سید فرزند علی شاہ میں یکم رمضان المبارک کو افطاری کا اہتمام کیا گیا مسجد و امام بارگاہ کے متولی سید نثار حسین کاظمی اور سید مظہر عباس کا ظمی نے بتایا کہ رمضان المبارک کا سارا مہینہ مسجد و امام بارگاہ فرزند علی شاہ میں افطاری کا اہتمام کیا جاتا ہے رمضان المبارک میں ہر سال کی طرح اس سال بھی پورے رمضان افطاری کا اہتمام کیا جائے گا ہر خاص و عام اور اہل علاقہ کیلئے افطاری کا بھر پور انتظام کیا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)وفاقی بجٹ 2016-17میں ماربل انڈسٹری پر ٹیکسوں کا اضافی بوجھ قابل تشویش ہے، ماربل انڈسٹری پر بجلی پر سوا روپیہ فی کلو واٹ بجلی کی ترسیل پر 17فیصد سیلز ٹیکس 5فیصد ایکسٹرا ٹیکس ماربل انڈسٹری کے کاروبار کو تباہ کر دے گا ان خیالات کا اظہار آل پاکستان ماربل ایسوسی ایشن کے صدر چوہدری اظہر حسین بہوچھ اور نائب صدر اقبال احمد قادری نے وفاقی بجٹ کے حوالے سے پریس کانفرنس کرتے ہوئے کیا انہوں نے کہا کہ ماربل انڈسٹری ملکی ترقی میں اہم رول ادا کر رہی ہے اور بیرون ملک خاص طور پر اٹلی کی جانب سے پاکستان میں ماربل انڈسٹری میں سرمایہ کاری اور پاکستانی ماربل انڈسٹری میں دلچسپی اس بات کی شاہد ہے کہ اٹلی ماربل انڈسٹری میں بھاری سرمایہ کاری کا خواہش مند ہے انہوں نے مزید کہا کہ بجٹ میں ماربل انڈسٹری پر اضافی ٹیکس سے ملک میں ماربل انڈسٹری بھی متاثر ہوگی نیز ماربل انڈسٹری میں غیر ملکی سرمایہ کاری بھی رکنے کا اندیشہ ہے اور اس کے ساتھ لاکھوں افراد کا بے روز گار ہونے کا خدشہ ہے لہٰذا ہم وفاقی حکومت سے اپیل کرتے ہیں کہ ماربل انڈسٹری پر موجودہ بجٹ پر لگائے جا نیوالے ٹیکسز پر نظر ثانی کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)میرے بھائی ڈاکٹر سید مجاہد عباس اور بھتیجے سید زین العاندین کی وفات پر جن دوست احباب نے نمازجنازہ اور ختم قل کی محفل میں شرکت کی اور تعزیت و فاتحہ خوانی کیلئے گھر تشریف لائے یا پھر فون پر تعزیت کی اور غم کے لمحات میں ہماری ڈھارس بندھائی ہم ان تمام دوست احباب کے تہہ دل سے شکر گزار اور ممنوں ہیں ان خیالات کا اظہار معروف ہومیو فزیشن ڈاکٹر سید طاہر عباس ڈائریکٹر طاہر ہو میو پیتھک میڈیکل کالج النبی کالونی جلالپور جٹاں روڈ گجرات نے میڈیا سے گفتگو کرتے ہوئے کہا انہوں نے کہا کہ غم کے لمحات میں تمام دوست احباب کا شرکت کرنا اور ہماری ڈھارس بندھانا دل جوئی کرنا ہمارے لئے بہت بڑا احسان ہے ہم زندگی بھر تمام لوگوں کے مشکور و ممنوں رہیں گے اللہ تعالٰی تمام مسلمانوں بلحصوص ہمارے دوست احباب اور عزیزواقرب کو اپنے حفظ و امان میں رکھے اور رمضان کریم کی بابرکت ساعتوں میں دنیا بھر کی خوشیاں نصیب کریں آمین۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)مرکزی انجمن تاجران کنجاہ کے چیئرمین حکیم لیاقت علی بٹ نے اپنے بیان میں کہا ہے کنجاہ میں رمضان المبارک کے موقع پر سوئی گیس اور بجلی کی بے تحاشہ لوڈ شیدنگ کی جارہی ہے جس کی وجہ سحری اورافطاری کے اوقات میںروزہ داروںکوسخت پریشانی اورمشکلات کاسامناکرناپڑتاہے ماہ رمضان میںبجلی اورسوئی گیس کی لوڈشیڈنگ نہ کرنے کے حکومتی دعوے ٹھوس ہوکررہ گئے جوکہ حکومتی نااہلی کاثبوت ہے گرمی کے اس شدیدموسم میںبجلی کی غیراعلانیہ لوڈشیڈنگ سے خواتین بچوںبوڑھوںکابراحال ہے اورکاروباری زندگی بھی مفلوج ہوکررہ گئی ہے انہوںنے کہاکہ اب مزیدشہریوںکے صبرکاامتحان نہ لیاجائے ورنہ شہری شدیداحتجاج کرنے پرمجبورہوجائیںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)حکومتی احکامات نظر انداز اور خواجہ آصف کے دعوے بھی ٹھس ہو گئے 2روز گزر گئے مگر بجلی کی ظالمانہ لوڈشیڈنگ کا سلسلہ تھما اور نہ ہی مرغی کے گوشت کی قیمتوں میں کمی واقع ہوئی آج بھی مرغی کا گوشت 240روپے فی کلو کے حساب سے فروخت ہو رہا ہے عوامی حلقوں نے کہا ہے کہ حکمرانوں کے قول و فعل میں کھلا تضاد ہے ایسا لگتا ہے کہ حکمرانوں کی اداروں پر گرفت نہیں ہے اور نہ ہی تجارتی حلقے ان کا کہنا مانتے ہیں رمضان المبارک سے قبل خواجہ آصف نے بلند و بانگ دعوے کئے تھے کہ بجلی کی لوڈشیڈنگ نہیں ہو گی اور بجلی کی لوڈشیڈنگ انہی اوقات میں ہو رہی ہے جن اوقات کا ذکر کیا گیا تھا خواجہ آصف نے یہ بھی کہا تھا کہ رمضان المبارک میں مرغی کے گوشت کی قیمت 200روپے فی کلو سے نہیں بڑھے گی جبکہ زندہ مرغی صرف 150 روپے میں فی کلو ملے گی مگر تاحال یہ ممکن نہیں ہو سکا ہے اس کے علاوہ بھی مہنگائی کا جن بوتل سے باہر آ چکا ہے عوام صرف قیمتیں پوچھ کر بازاروں سے گھروں کو لوٹ جاتے ہیں رمضان بازاروں میں اشیاء کی قیمتوں میں کوئی خاص فرق نہیں ہے ماسوائے چند اشیاء کے عوامی حلقوں نے حکومتی حلقوں سے اپنے احکامات پر عمل کروانے کا مطالبہ کیا ہے بجلی کے ساتھ گیس کی لوڈشیڈنگ بھی جاری ہے عوام کو افطار اور سحری کے اوقات میں کھانا بنانے میں مشکلات کا سامنا کرنا پڑ رہا ہے خواتین اس صورتحال سے سخت پریشان ہیں اور اصلاح احوال کا مطالبہ کر رہی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)سنگم پلازہ میں جلنے والے کھوکھوں کے مالکان امداد کے منتظر شارٹ سرکٹ سے لگنے والی آگ نے 15گھروں میں فاقوں کو لاکھڑا کیا ہے دکانداروں کا کہنا ہے کہ سامان راولپنڈی اور دوسرے شہروں سے خریدکر لا رہے تھے جو کہ آگ کی نذر ہو گیا تخمینہ لگا کرAC کھاریاں کو دے رہے ہیں اور یہ اپیل بھی کرتے ہیں کہ حکومت ہمارے نقصان کا ازالہ کرے تاکہ ہمارے گھروں کے بند چولہے دوبارہ جل سکیں اور ہم بھی اپنے بیوی بچوں کے لئے روزی کما سکیں کھاریاں کے شہریوں نے متاثرہ تاجروں سے اظہار ہمدردی کیا ہے گذشتہ روز DSP کھاریاں ملک منظور اعوان نے جلنے والے کھوکھوں کی جگہ کا دورہ کیا اور تاجروں سے اظہار ہمدردی کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)کھاریاں سنگم پلازہ میں شارٹ سرکٹ سے آگ لگنے سے تاجروں کا لاکھوں کا نقصان ہو گیا اس موقع پر ٹی ایم اے کھاریاں کی فائربریگیڈ کی گاڑی کا ڈرائیور ہی نہ ملا چند فرلانگ پر کھڑی گاڑی کارآمد نہ ہو سکی اور کھوکھے جل کر خاکستر ہو گئے گجرات سے اور دیگر علاقوں سے فائربریگیڈ کی گاڑیاں منگوانا پڑیں عوامی حلقوں اور تاجر برادری نے احتجاج کرتے ہوئے TMA کھاریاں کی کارکردگی پر سوالیہ نشان لگایا ہے اور سوال کیا ہے کہ اگر گاڑی عوام کے لئے کار آمد نہیں ہے تو اس کا فائدہ کیا۔ دیکھا یہ گیا ہے کہ فائر بریگیڈ کی گاڑی سارا دن رمضان بازار کے باہر کھڑی رہتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)چلڈرن سپیشلسٹ ڈاکٹر سہیل شہزاد چوہدری نے دوبارہ چارج سنبھال کر کام شروع کر دیا ہے عوامی حلقوں کا اظہارِ مسرت یاد رہے کہ گذشتہ روز قبل ان کا تبادلہ ڈنگہ کر دیا گیا تھا جو کہ واپس ہو چکا ہے اور ڈاکٹر سہیل شہزاد گذشتہ روز سے سول ہسپتال کھاریاں میں اپنی خدمات سرانجام دے رہے ہیں عوامی حلقوں نے دوبارہ تعیناتی پر اظہارِ مسرت کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)کھاریاں رمضان بازار کامیابی کے ساتھ جاری ہے عوام کو یہاں سے سستی اور معیاری اشیاء وافر مقدار میں مل رہی ہے تمام محکموں کے اہلکار ان ڈیوٹیاں بھی سرانجام دے رہے ہیں وزیراعلیٰ پنجاب کے ویژن کے عین مطابق کام جاری ہے ان خیالات کا اظہار انچارج رمضان بازار کھاریاں نائب تحصیلدار چوہدری محمد افضل آف کوٹ بیلہ نے کیا۔ انہوں نے کہا کہ خواتین اور ضعیف افراد کے بیٹھنے کے لئے بھی الگ انتظام موجود ہے بجلی بند ہونے کی صورت میں جنریٹرکا بیک اپ بھی موجود ہے صفائی کا خاص خیال رکھا جا رہا ہے جبکہ خریداروں کی سہولت کے لئے ٹوکریاں اور ٹرالیاں بھی رکھی گئی ہیں سیکورٹی کے لئے پولیس چوکس رہتی ہے جبکہ الیکٹرک ایل سی ڈی پر اشیاء کی ریٹ لسٹ پورا دن چلتی رہتی ہے شکایت کی صورت میں فوری ایکشن لے کرازالہ کیا جاتا ہے انہوں نے مزید کہا کہ انشاء اللہ رمضان المبارک کا پورا مہینہ یہ سلسلہ اس طرح کامیاب رہے گا تعاون پر تاجر برادری اور میڈیا کے بے حد مشکور ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بنکاک(جی پی آئی) پاکستان سے مسیح برادی کے ہزاروں لوگ بہتر مستقبل کے لیئے تھائی لینڈ اور ملائشیاء جاکر اقوام متحدہ میں سیاسی پناہ کے لیئے درخواستیں دے چکے ہیں۔ جن میں مسیح برادری کو پاکستان میں محفوظ نہ ہونے کی کہانی لکھی جاتی ہے۔ معلوم ہوا ہے کہ پاکستان سے اس وقت ہزاروں مسیح برادی کے لوگ بہتر مستقبل کی خاطر امریکہ ، کنیڈا، یورپ، آسٹریلیاء اور نیوزی لینڈ جانے کے خواب سجائے پاکستان سے ملائشیاء اور تھائی لینڈ ہجرت کر چکے ہیں،جنہوں نے بینکاک اور کوالالمپور کے اقوام متحدہ کے ادارے برائے مہاجرین کو یہ وجہ بتائی ہے کہ مسیح برادی کو پاکستان میں تحفظ فراہم نہیں جس کی وجہ سے وہ ملک چھوڑ کرسیاسی پناہ کے لیئے اِن ممالک کو آئے ہیں ، اور اقوام متحدہ کی توسط سے کسی ترقیافتہ ملک جانے کے منتظر ہیں۔ اِن میں ایسے افراد بھی شامل ہیں جنہوں نے اپنے مذہب کو تبدیلی کا بہانہ بنا کر اقوام متحدہ کو کہا کہ مذہب کی تبدیلی کی وجہ سے وہ ملک میں محفوظ نہیں، پاکستانیوں کے اِس اقدام سے دُنیا بھر میں پاکستان کو ایک اوربڑی بدنامی کا سامنا کرنا پڑ رہا ہے جس پر اب تک پاکستانی حکومت نے کوئی ایکشن لیا اور نہ ہی کوئی بیان جاری کیا، اس سلسلے میں جب ملائشیاء میں تعینات پاکستانی ہائی کمشنر سید حسن رضا سے اُن کا مئوقف لیا گیا تو اُنہوں نے کہا کہ قواعد وضوابط کے مطابق پاکستان کے خلاف کہانی بیان کرکے سیاسی پناہ لینے کی وجہ سے پاکستانی شہری کی نیشنلٹی بلاک کی جا سکتی ہے ، اُنہو ں نے کہا کہ اس سلسلے میں پاکستانی ہائی کمیشن کی جانب سے اقوام متحدہ کے ادارے برائے مہاجرین سے اُن پاکستانیوں کی تعداد و ڈیٹا پوچھا گیا تو اقوام متحدہ کے ادارے برائے مہاجرین پاکستانیوں کے بارے میں ڈیٹا دینے سے اِنکاری ہے جس کی وجہ سے ہمیں یہ معلوم نہیں ہو رہا کہ کون سے لوگ پاکستانی پاسپورٹ استعمال کر رہا ہے اورکون اقوام متحدہ کا مہاجر کارڈ ایک ساتھ استعمال کر رہے ہیں۔ ۔ ایک سروے میں یہ بھی معلوم ہوا ہے کہ ملی بھگت کے ذریعے ایسے کئی افراد کو سفارت خانوں کی جانب سے اب بھی پاسپورٹ جاری ہو رہے ہیں۔ مذید انکشاف کی توقع ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)فٹ با ل کا کھیل جسمانی فٹنس میںبھرپورکرداراداکرتا ہے۔چاک وچوبندجسم والے افرادہی ملک وقوم کی تعمیروترقی میںنمایاںکرداراداکرتے ہیں۔ستمبر2016میںماڈل ٹائون فٹ بال اکیڈمی لاہورکی شاخ وزیرآبادمیںکھولی جائے گی جسمیںفٹ بال کے کھلاڑیوںکوجدیدبنیادوںپرتربیت دی جائے گی۔ان خٰالات کا اظہارصدرپنجاب فٹ بال ایسوسی ایشن سردارنوید حیدرنے محمدجاوید اقبا ل اللہ والے اورحافظ محمدسلیم اللہ والے میموریل آل پنجاب فلڈ لائٹ ٹورنا منٹ کے فائنل میچ کے موقع پر کیا۔اس موقع پر نائب صدر فٹ بال ایسو سی ایشن پنجاب شیخ محمدخالد،صدرڈسٹرکٹ لاہورفٹ با ل ایسوسی ایشن رضوان احمد،ڈویژنل سپورٹس آفیسرفیصل امیراحمدخاں، آ پی ٹی آئی کے رہنماشبیر اکرم چیمہ، چوہدری ناصر محموداللہ والے،سعید اللہ والے،حسن البناء ،مہرمحمدالیاس،حافظ شہزاداحمد،کونسلر خواجہ محمدشعیب،ڈاکٹر سید رضا سلطان،عمران رسول بٹ،رانا محمدجگنو،ضیاء اللہ ،دانش جاوید اللہ والے،ارسلان بلوچ،ندیم کاجل پیزا،میاںمحمدآصف،مختارکنگ فش،سعید گوندل کے علا وہ اہل علاقہ کی کثیرتعدادموجودتھی۔ٹورنا منٹ کافائنل میچ ڈی ایف اے فیصل آباد اورالحسین فٹ بال کلب وزیرآبادکے مابین کھیلا گیا۔مقررہ وقت تک دونوںٹیمیںدو دو گول سے برابررہیں۔پنلٹی ککس پرالحسین فٹ بال کلب نے فائنل میچ اپنے نام کرلیا۔قبل ازیں اسسٹنٹ کمشنر2016رسہ کشی ٹورنامنٹ کافائنل میچ وارثی کلب کوٹ وارث اورکوٹ حضری کے درمیان کھیلا گیاجووارثی کلب نے کوٹ خضری کودوصفرسے شکست دے کررسہ کشی کافائنل میچ جیت لیا۔ٹورنا منٹ کے اختتام پر مہمانان خصوصی نے کھلاڑیوںمیںا نعامات تقسیم کئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)اللہ کی را ہ میںخرچ کرنے والے خالق کائنات کی خوشنودی حاصل کرنے والے ہوتے ہیں۔دینی درس وتدریس میںمعاون ہونے والے بہت زیادہ اجروثواب کواپنے دامن میںسمیٹ لیتے ہیں۔ان خیالات کا اظہارپی ٹی آئی کے رہنمامحمداحمدچٹھہ نے حاجی محمدناصر کی طرف سے مرکز فیضان مدینہ کے ذمہ دارعبد الوہاب کومحمدی دسترخوان کے لئے دولاکھ روپے نقدعطیہ کرنے کے موقع پر کیا۔اس موقع پروقاص وکی،وقار انجم ہیپی اوردیگربھی موجودتھے۔عبدالوہاب نے بتا یا کہ ملک بھرمیں2400مدرسے دعوت اسلا می کے زیراہتمام چل رہے ہیںجن میں114000طالب علم دینی تعلیم حاصل کررہے ہیںان مدرسوںمیںمخیر حضرات کے تعاون سے زیرتعلیم طالب علموںکے خوردونوش کاانتظام کیا جا تا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)وزیرآبادچیمبرآف ایجوکیشن کاخصوصی اجلاس زیرصدارت محمداشفا ق وڑائچ صدرمنعقد ہوا۔جسمیںگزشتہ کارکردگی کاجائزہ لیا گیااورآئندہ کے لئے منصوبہ بندی کی گئی۔اجلاس میںایک قراردادکے ذریعے گوجرانوالہ ڈویژن ایکشن کمیٹی کے ساتھ مکمل اظہاریکجہتی کیا گیااوراعلیٰ حکام سے مطا لبہ کیا گیا کہ رمضان المبارک کے بعدسمرکیمپ لگا نے کی اجازت دی جائے تاکہ میٹرک کے طلبا ء وطالبات کی تیاری ہوسکے۔اجلاس میںصابر حسین بٹ،محمدفیاض،سجاد احمدمدنی،شہزاداحمد،رانا دلشاد،جمشید چٹھہ،قیصرانوربٹ سمیت ذمہ داران نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) پاکستان ریلوے نے برانچ لائنوں کے لاکھوں مسافروں کو ٹرانسپورٹ مافیا کے رحم و کرم پر چھوڑ دیا۔سیالکوٹ،فیصل آباد روٹ پر ریلوے پسنجر ٹرین سروس معطل ہے ریل پٹری زنگ آلود اور زمین بوس ہونے لگی ،ریل کا سفر عام آدمی کرتا ہے جو سستا،آرام دہ اور محفوظ دسمجھا جاتا ہے۔ریل کے سنہرے دور میں وزیرآباد جنکشن سے متعدد پسنجر اور میل ٹرین وزیرآباد سیالکوٹ،فیصل آباد ،راولپنڈی اور لاہور کے درمیان محو سفر رہتی تھیں موجودہ حکومت کی مثبت پالیسیوں نے ریل کا پہیے کو دوبارہ پٹری پر چڑھایا دیاہے مگر یہ تمام کوششیں مین لائن لاہور اور راولپنڈی کے درمیان ایکسپریس ٹرینوں تک محدود دکھائی دیتی ہیں جن کے مسافرصاحب ثروت ہیں جبکہ برانچ لائنیوں کی طرف توجہ نہیں دی جارہی۔وزیرآباد فیصل آباد کے درمیان ہیڈچھناواں کے پل ٹوٹنے کے سانحہ سے قبل پاکستان ایکسپریس کے علاوہ پسنجر ٹرین بھی چلتی تھیں پل کی تعمیر کے بعد پاکستان ایکسپریس کو تو بحال کردیا گیا ہے مگرابھی تک کوئی پسنجر ٹرین چالو نہیں کی گئی جس سے درجنوں چھوٹے اسٹیشن کی عمارتیں بھوت بنگلہ کا منظر پیش کر رہی ہیںموجودہ وفاقی بجٹ میں ریلوے کیلئے وافر فنڈ مختص کئے گئے ہیں وفاقی وزیر ریلوے خواجہ سعد رفیق ان برانچ لائنوں پر دو شٹل پسنجر چلانے کی فوری منصوبہ بندی کرکے علاقہ کے لاکھوں نفوس کی دعائوں سے فیض یاب ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)ڈاکٹرز کی عدم دستیابی شفاخانہ حیوانات دھونکل کو تالے لگ گئے۔اردگرد کے کسانوں کو مال مویشی کی دوا کے حصول کیلئے میلوں پید سفر کرنا پڑھ رہا ہے۔دھونکل کے اردگرد کے علاقوں نواں پنڈ،جوڑا چوڑاہ،داد والی،کوٹ خضری،سرانوالی،گجر کوٹ،جنڈیالہ ڈھاب والہ،کوٹ عنایت خان،باگڑیاں،ڈوڈانوالی کے کسانوں کے مال مویشیوں کیلئے حکومت لائیو سٹاک نے شفا خانہ حیوانات بنا رکھا تھا گزشتہ کئی روز سے تعینات ڈاکٹر کرامت اللہ اور ڈسپنسر محمد طارق کی ریٹائرمنٹ کے بعد کسی ڈاکٹر کی تعیناتی عمل میں نہ آسکی جس کے نتیجہ میں حیوانات کے ہسپتال کو تالے لگ گئے۔معلوم ہوا ہے کہ محکمہ کا ایک اہلکار ڈیوٹی دیتا تھا مگر اسکا بھی تبادلہ کردیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) رہنمائوں مسلم لیگ(ن)نظام آباد ضیاء الحق کھوکھر،بابو محمد اکرم سنڈل،جمشید الحق کھوکھرپاپولر،چوہدری محمد عارف،عبدالحفیظ آرائیں،صابر حسین کھوکھر،سید اصغر علی شاہ،مہر شاہد جاوید،چوہدری محمدطارق،افتخار احمد بٹ نے مشترکہ بیان میں کہا کہ یونین کونسل نظام آباد تحصیل بھر میں ماڈل یونین کونسل ہے جس کے رہائشی باشعوراور اپنے حقوق کا تحفظ کرنا جانتے ہیں محالفین ایم این اے جسٹس(ر)افتخار احمد چیمہ 90 لاکھ کے فنڈز کے ترقیاتی کاموں سے پریشان ہیںانکو اپنے ہی گروپ لیڈر نے ماموں بنایا ہے۔وارڈ نمبر29 ،31 ،32 میں الحمد اللہ کوئی گلی ایسی نہیں جہاں پی سی سی اور ٹف ٹائل نہ لگی ہو،انہوں نے کہا کہ نو دولتیوں نے عوامی مسائل کی راہ میں رکائوٹ بننے کی مزموم کوشش کی تو اہلیان نظام آباد انکا محاسبہ کریں گے اور انہیں منہ چھپانے کی جگہ نہیں ملے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) شیعہ علما کونسل لاہور ڈویژن میں شامل اضلاع کا اجلاس صوبائی صدر علامہ سید سبطین حیدر سبزواری کی زیر صدارت منعقد ہوا ۔جس میں مولانا اشتیاق کاظمی،میاں فرزند علی چھچھر،مولانا یعقوب رضا حیدری، شہباز حیدر نقوی ، توقیر حسین بابا،آصف علی زیدی، محبوب علی رضوی، مولانا ابرار حسین مطہری، امجد علی گیلانی، محمود علی بھٹی،،بشارت علی ڈوگر، اور دیگر شریک ہوئے۔ اجلاس میںچاروں اضلاع کی تنظیمی صورت حال کا جائزہ لیتے ہوئے زوردیا گیا کہ اتحاد امت اسلا م کی قوت ہے، انتشار پیدا کرنے والوں کو شکست ہوگی۔یہ بھی واضح کیا گیا کہ مجالس عزاپر نارروا پابندیاںناقابل قبول ہیں۔ ریاستی رکاوٹوں کو مسترد کرتے ہوئے اعلان کیا گیا کہ عزاداری کا ہر قیمت پر تحفظ کیا جائے گا۔ اس کے لئے پہلے بھی قربانیاں دیں،آئندہ بھی دینی پڑیں تو دریغ نہیں کریں گے۔ اجلاس میں ضلعی آرگنائزر لاہور توقیر حسین بابا نے یونٹس کی تنظیم نو رپورٹ پیش کی جس پر اطمینان کا اظہار کرتے ہوئے مزیدفعالیت کو تیز کرنے پر زوردیا گیا اور17۔ جولائی کو ضلع لاہور کے انتخابات کروانے کا بھی فیصلہ کیا گیا ۔ جبکہ جمعتہ الوداع کو فلسطینی عوام سے اظہار یکجہتی کے لئے قائد ملت جعفریہ علامہ سید ساجد علی نقوی کے اعلان کردہ یوم القدس کو بھر پور طریقے سے منانے کا بھی فیصلہ کیا گیا۔ یہ بھی فیصلہ کیا گیا کہ صوبائی صدر علامہ سبطین حیدر سبزواری رمضان المبارک کے دوران لاہور میں قیام کریں گے اور شہر میں مختلف مقامات پر اسلامی، سیاسی، تنظیمی اور اخلاقی موضوعات پر در وس دیں گے۔ اس کے لئے لاہور تنظیم پروگرام تشکیل دے گی۔ الیکٹرانک اور پرنٹ میڈیا کے اعزاز میں افطار پارٹی دینے کا بھی فیصلہ کیا گیا جس میں قائد ملت جعفریہ علامہ ساجد علی نقوی مہمان خصوصی ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)ملکی سلامتی اور استحکام کیلئے تمام سیاسی و مذہبی جماعتوں کو متحد ہونا ہو گا۔نوشکی ڈرون حملے کا مقصد پاکستان کی افغانستان میں امن کی کوششوں کو ناکام بنانا تھا ۔ ہندوستان ، افغانستان ، ایران اتحاد بہت سارے سوالات پیدا کر رہا ہے ۔ یہ بات پاکستان علماء کونسل کے مرکزی چیئرمین حافظ محمد طاہر محمود اشرفی نے اپنے ایک بیان میں کہی ۔ انہوں نے کہا کہ گذشتہ چند ماہ کے دوران پاکستان کی خارجہ پالیسی میں بہت ساری ناکامیاں نظر آ رہی ہیں۔ پاکستان کی مخالف قوتیں متحد ہو رہی ہیں او ر پاکستان اپنے دوست ممالک کے ساتھ بھی اس صورتحال میں مشاورت نہیں کر رہا ہے ۔ انہوں نے کہا کہ کل بھوشن یادو سے لے کر ملا اختر منصور تک ایرانی حکومت اور خفیہ اداروں پر سوالات اٹھ رہے ہیں۔حکومت قوم کو بتائے کہ کل بھوشن یادو کے مسئلہ پر ایرانی حکومت نے پاکستان مخالف نیٹ ورک کے خلاف کیا کاروائی کی ہے ۔ انہوں نے کہا کہ ملا اختر منصور ایک ماہ سے زائد عرصہ ایران میں رہا لیکن امریکہ نے اس کو نشانہ نہیں بنایا ۔ آخر ملا اختر منصور کو پاکستان کی سر زمین پر نشانہ بنانے کا مقصد کیا تھا۔ انہوں نے کہا کہ ایک طرف امریکہ یورپ اور افغان حکومت طالبان سے مذاکرات کی راہ ہموار کرنے کیلئے پاکستان کی منت سماجت کرتی ہے اور دوسری طرف جب پاکستان کوششیں شروع کرتا ہے تو ان کوششوں کو ناکام بنانے کیلئے افغانستان اور بھارت کے خفیہ ادارے سازشیں شروع کر دیتے ہیں۔انہوں نے کہا کہ ڈرون حملوں پر سپہ سالار قوم کا مؤقف قوم کی ترجمانی ہے اور حکومت کو بھی اس مسئلہ پر واضح اور دو ٹوک مؤقف اختیار کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) پاکستان مسلم لیگ ق پاکستان کے صدر سید بلال مصطفی شیرازی، مرکزی سیکرٹری جنرل ملک شکیل سکندر کی مشاورت کے بعدپاکستان مسلم لیگ یوتھ ونگ کو مرکزی سطح پر مزید فعال اور منظم بنانے کیلئے مسلم لیگ یوتھ ونگ کی 4رکنی آرگنائزنگ کمیٹی نے پاکستان مسلم لیگ یوتھ ونگ کی نئی مرکزی تنظیم کے ناموں کا اعلان کردیا گیا ہے جس کے مطابق بلوچستان سے عبدالرزاق لغاری، پنجاب سے میاں عثمان گیلن جنوبی پنجاب سے اسلم طاہر انصاری کو مرکز ی سینئر نائب صدور ،بلوچستان سے رئووف آزاد ،پنجاب سے شہزاد مغل کو مرکزی ایڈیشنل جنرل سیکرٹری اور پنجاب سے سلیم شاکر کو پاکستان مسلم لیگ یوتھ ونگ کا مرکزی جوائینٹ سیکرٹری جبکہ گلگت بلتستان سے مشتاق ولی کو نائب صدراور سید فرحان شاہ کو مرکزی رابطہ سیکرٹری و سیکرٹری اطلاعات کی ذمہ داریاں تفویض کی گئیں ہیں ۔ اس سلسلہ میں آرگنائزنگ کمیٹی کی سفارش پر مرکزی صدر سید بلال مصطفی شیرازی نے پاکستان مسلم لیگ یوتھ ونگ کے مرکزی عہدیداران کے ناموں کے نوٹیفیکشن جاری کردیئے ہیں۔باقی عہدیداران کے ناموں کا اعلان آرگنائز نگ کمیٹی کی سفارق پر جلد جاری کردیا جائے گا ۔پاکستان مسلم لیگ یوتھ ونگ کے مرکزی صدر سید بلال مصطفی شیرازی نے امید ظاہر کی کہ نئے عہدیداران حضرت قا ئد اعظم کے نظریات اور علامہ اقبال کے افکار کی روشنی میں پاکستان کو عظیم سے عظیم تر بنانے کیلئے پارٹی منشور و دستور کے مطابق مسلم لیگ یوتھ ونگ کو منظم ، مضبوط اور متحرک کرنے کیلئے اپنی نئی ذمہ داریوں کی انجام دہی کے حوالہ سے پہلے سے بڑھ کر مستعدی و دل جمعی سے کام کریں گے اور پاکستان مسلم لیگ کی قابل فخر سیاسی و اخلاقی روایات کی پاسداری کرتے ہوئے رواداری ، اعتدال پسندی ، برداشت اور بردباری جیسی اعلیٰ انسانی اقدار کے فروغ اور وطن عزیز میں پاکستان مسلم لیگ یوتھ ونگ کے پلیٹ فارم سے سیاسی ، جمہوری و اقتصادی استحکام کیلئے اپنی ملی ، قومی و تنظیمی ذمہ داریاں پوری کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)سابق سپیکر اسمبلی وامیدوار اسمبلی حلقہ ایل اے 7 بھمبر چوہدری انوارالحق نے کہا کہ راجہ محمد اقبال سیرلہ اور چوہدری حق نواز گڑھا للیاں کا میرے قافلے میں شامل ہونا کامیابی کی نوید ہے بھمبر کے عوام جھوٹ اور منافقت کی سیاست کو مسترد کر کے حق اور سچ کا ساتھ دے رہے ہیں مخالفین عوام کی نفرت اور اپنی شکست دیکھ کر مایوسی اور ڈپریشن کا شکار ہو کر انتخابی منشور دینے کے بجائے ذاتیات کی سیاست کر رہے ہیں چرسی پوڈری اور شرابی اپنی اوقات میں رہیں بھمبر کے عوام خوب جانتے ہیں کہ کون زکوٰة کے پیسوں سے اپنا ، والدہ اور اپنے بیٹے کا علاج کس نے کروایا اور مقامی نادار بن کر اپنے اور خاندان کے نام پر رقبے الاٹ کروائے مخالفین کو کھلا چیلنج دیتا ہوں کہ وہ کسی بھی ٹی وی چینل پر آ کر مناظرہ کر لیں مخالفین کے سیاہ کرتوت ثبوتوں کیساتھ عوام کے سامنے لائونگا ان خیالات کا اظہار انہوں نے بھمبر میں راجہ محمد اقبال آف سیرلہ اور چوہدری حق نواز آف گڑھا للیاں کی اپنے قافلے میں شمولیت کے حوالہ سے منعقدہ انتخابی جلسہ عام سے خطاب کرتے ہوئے کیا انہوں نے کہا کہ میں شرافت اور وضع داری کا قائل ہوں اور گذشتہ 2 ماہ سے شرافت کیساتھ اپنی الیکشن مہم چلا رہا ہوں عوام کیلئے محبت پیار اور خلوص کا پیغام دے رہا ہوں لیکن میرا فریق مخالف شرافت اور وضع داری کے بجائے نفرت ، تعصب اور ذاتیات کی سیاست کر رہا ہے شریف لوگوں کی پگڑی اچھالنے کی کوشش کر رہے ہیں جس کی میں بھر پور مذمت کرتا ہوں اور فریق مخالف کو متنبہ کرتا ہوں کہ وہ اوچھی حرکتوں سے باز آ جائے اور اپنے چرسی، پوڈری اور شرابی حواریوں کو لگام دے ورنہ میں تمہارے اور تمہارے خاندان کے تمام سیاہ کرتوت عوام کے سامنے لے آئونگا اور پھر تم منہ چھپاتے پھرو گے انہوں نے کہا کہ اگر تم نے ذاتیات کی سیاست کرنی ہے تو میں تمہیں کھلا چیلنج دیتا ہوں کہ آئو کسی بھی ٹی وی چینل پر مناظرہ کر لیتے ہیں اور اس کا اہتمام بھی میں خود کرونگا اگر ٹی وی چینل پر تمہارے اور تمہارے خاندان کے سیاہ کرتوتوں کو ثبوتوں کے ساتھ عوام کے سامنے نہ لا سکا تو میں سیاست چھوڑ دونگا میں خود بھی امن پسند آدمی ہوں اور اپنے ووٹر سپورٹرز کو بھی امن اور وضع داری کا درس دیتا ہوں لیکن حلقہ کے اندر انتخابی ماحول کو پر امن رکھنا میرے اکیلے کی ذمہ داری نہ ہے یہ ذمہ داری فریق مخالف پر بھی عائد ہوتی ہے اگر فریق مخالف نے بد امنی کی طرف ایک قدم بڑھایا تو میں دس قدم آگے بڑھونگا انہوں نے کہا کہ معروف سیاسی طریقوں سے ووٹ مانگنا ہم سب کا حق ہے میں بھی جمہوری طریقہ سے ووٹ مانگ رہا ہوں اور فریق مخالف بھی جمہوری طریقے سے ووٹ مانگے ، دھونس دھاندلی ، غنڈہ گردی اور بد معاشی کا دور گزر چکا ہے عوام با شعور ہو چکے ہیں اپنا جمہوری حق استعمال کرنا خوب جانتے ہیںانہوں نے کہا کہ میں سمجھتا ہوں کہ میرا مخالف عوام کی نفرت اور اپنی سیاسی موت دیکھ کر انتہائی مایوسی اور ڈپریشن کا شکار ہے اور جان بوجھ کر حلقہ کے پر امن ماحول کو خراب کر کے الیکشن کو سبوتاژ کرنا چاہتا ہے میں بھمبر کے غیرت مند اور با ضمیر عوام کو خراج عقیدت پیش کرتا ہوں جنہوں نے جھوٹ ، منافقت، لالچ اور بد معاشی کی سیاست کو مسترد کر دیا ہے عوام کے حقوق کا تحفظ میرا فرض ہے کسی اپنے کارکن ووٹریا سپورٹر کے ساتھ کسی قسم کی زیادتی برداشت نہیں کرونگا کارکن بھی صبر کا دامن نہ چھوڑیں کسی بھی معاملے میں پہل نہ کریں اگر فریق مخالف یا اسکے حواری پہل کریں تو پھر شرع کے مطابق ہاتھ کے بدلے ہاتھ، کان کے بدلے کان اور جان کے بدلے جان حق دفاع کریں قبل ازیں نئے شامل ہونیوالے راجہ محمد اقبال اور چوہدری حق نواز کو جاتلاں ہیڈ سے گاڑیوں کے ایک بڑے جلوس کے ہمراہ بھمبر لایا گیا جن کا جبی، گورہ نکہ، کنڈ ، پنجیڑی، کھمبی، لس، کانگڑہ، چھپراں ، سوکاسن، ڈھیری وٹاں، گڑھا للیاں اور سیرلہ میں جگہ جگہ والہانہ استقبال کیا گیا انتخابی جلسہ سے راجہ قیصر ذوالقرنین خان، راجہ مظہر اقبال ایڈووکیٹ، راجہ محمد اقبال، چوہدری حق نواز ، راجہ فہیم اختر، چوہدری خالد بشیرسمیت دیگر نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)رمضا ن المبا رک کے آغاز ہو تے ہی بھمبر میں مہنگا ئی کا جن بو تل سے با ہر آگیا فر وٹ کی قیمتیں آسما ن سے با تیں کر نے لگیں فرو ٹ غریب آدمی کی پہنچ سے با ہر ہو گیا تحصیل انتظا میہ کی با زاروں میں چیکنگ پہلا دن صرف وارننگ پر اتفاق تفصیلا ت کے مطا بق رمضا ن المبا ر ک کے آغاز ہو تے ہی بھمبر اور گر دونواح میں مہنگا ئی کا جن بو تل سے با ہر آگیا اشیا ء خو ردونوش سمیت دیگر اشیا ء کی قیمتوں میں اضا فہ جبکہ فرو ٹ کی قیمتوں میں خا ص طو ر پر بے تحا شہ اضا فہ ہو گیا فرو ٹ کی قیمتیں آسما ن سے با تیں کر نے لگیں عام اور غر یب آدمی کیلئے فروٹ خر ید نا مشکل ہو گیا فر وٹ فرو خت کر نیوا لے دو کا ندا روں نے پہلے رمضا ن کو اپنی من ما نی کے ریٹس وصول کئے جبکہ دوسر ی طرف عوامی شکا یا ت پر تحصیل انتظامیہ کے ممبر نا ئب تحصیلدا ت را جہ نثا ر احمد خا ن نے با زاروں میں چیکنگ کی زا ئد قیمتیں و صول کر نیوا لے دو کا ندا روں کو پہلا دن ہو نے پر صرف وارننگ پر اتفاق کیا گیا اور دو کا نداروں کو خبر دار کر تے ہوئے سخت کا رروائی کی دھمکی دی جبکہ دو سر ی طر ف بھمبر کی عوامی سیاسی حلقوں نے ضلعی انتظا میہ سے اپیل کی ہے کہ بھمبر اور گردو نو اح میں مہنگا ئی پر کنٹرو ل کر نے کیلئے سخت سے سخت اقداما ت کر یں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) امیدوار اسمبلی راجہ امتیاز احمد خان کی گیگن موسیٰ میں شاندار انٹری راجپوت برادری کی سرکردہ شخصیات نے راجہ امتیاز احمد کے ہاتھ بیعت کر لی تفصیلات کے مطابق آزاد امیدوار اسمبلی حلقہ ایل اے 7 بھمبر راجہ امتیاز احمد خان نے گیگن موسیٰ میں شاندار انٹری ڈالتے ہوئے راجپوت برادری کی سرکردہ شخصیات کو اپنے قافلے میں شامل کر لیا راجہ امتیازاحمد خان کے قافلے میں شامل ہونے والوں میں راجہ محمد صدیق، راجہ فاروق احمد، راجہ نسیم اختر، ایم ایل اے راجہ پرویزاختر، راجہ محمد اورنگزیب، راجہ عبدالرشید خان، راجہ محمد ذوالفقار، راجہ رخسار احمد، راجہ حبیب الرحمن، راجہ ماجد یونس، شہراز یونس، شہباز یونس، جاوید شاکر، ساجد صدیق، عدیل صدیق،مبشر احمد، راجہ احمد خان، راجہ خاور نسیم سمیت دیگر شامل ہیں جنہوں نے اپنے خاندارن، کنبے ، قبیلے سمیت مسلم لیگ نون کو خیر آباد کہہ کر راجہ امتیاز احمد خان کی غیر مشروط اور مکمل حمایت کا اعلان کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)چیف الیکشن کمشنر کی ہدا یت بحکم کی روشنی میں ڈپٹی کمشنر بھمبر نے ایڈ منسٹر یٹر ضلع کو نسل وایڈ منسٹر یٹر کا چا رج سنبھا ل لیا تفصیلا ت کے مطا بق چیف الیکشن کمشنر کے حکم پر آزادکشمیر بھر کے بلد یا تی ادا روں کے ایڈ منسٹر یٹر صا حبا ن کو فارغ کر دیا گیا تھا اور اسکا چا رج ڈپٹی کمشنر کو سنبھالنے کے احکاما ت جا ری کئے تھے گزشتہ روز ڈپٹی کمشنر مرزا ارشد محمود جرا ل نے بحیثیت ایڈ منسٹر ضلع کو نسل وبلد یہ چا رج سنبھال کر باقاعد ہ کا م شروع کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی)سابق ممبر ان ضلع کو نسل چو ہدری محمد یوسف درا ئیاں ،چو ہدری فضل علی ،چو ہد ری حق نواز آف گڑ ھا للیاں ،قمر شر یف بٹ ،احسان الحق،را جہ راشد پپو دوبئی نے اپنے الگ الگ تعزیتی بیا ن میں چو ہدری حاجی طا رق ،حاجی سعید ،چو ہدر ی امجد ،چو ہدری سا جد بھمبر ٹرا نسپو رٹ دوبئی وا لوں کے والد محتر م چو ہدری حا جی محمد حفیظ کی وفا ت پر گہر ے دکھ وغم کا اظہا ر کر تے ہو ئے مر حو م کے بلند درجات کی بلند ی کیلئے دعا ئے مغفر ت اورورثاء کیلئے دعائے صبرو جمیل کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) یونین کونسل دعورہ میں مسلم لیگ نون کو بڑا سیاسی جھٹکا پوٹھی میرہ سے درجنون خاندان چوہدری طارق فاروق کو چھوڑ کر چوہدری انوارالحق کے قافلے میں شامل ہو گئے یونین کونسل دعورہ میں بھی چوہدری انوارالحق کی سیاسی پوزیشن مضبوط ہوگئی تفصیلات کے مطابق یونین کونسل دعورہ کے گائوں پوٹھی میرہ میں مسلم لیگ نون کو بڑا سیاسی جھٹکا درجنون خاندان چوہدری طارق فاروق کو چھوڑ کر چوہدری انوارالحق کے قافلے میں شامل ہوگئے شامل ہوانے والوں میں چوہدری محمد ولایت، چوہدری رحم علی، چوہدری امیر علی، چوہدری رفاقت علی، چوہدری محمد علی، چوہدری عابد، چوہدری لیاقت، چوہدری ساجد حسین، چوہدری خضر حیات، چوہدری محمد نواز، چوہدری فضل حسین، چوہدری مظہر اقبال، چوہدری طارق محمود، چوہدری نذر حسین، چوہدری محمد فیاض، چوہدری محمد امتیاز، چوہدری پرویز اختر، چوہدری جاوید اختر ، چوہدری اورنگزیب ، چوہدری کبیر احمد، چوہدری محمد احسان، چوہدری محمد صدیق شامل ہیں جنہوں نے اپنے خاندانون ، کنبے ، قبیلے سمیت چوہدری انوارالحق کی غیر مشروط حمایت کا اعلان کیا ہے یوں یونین کونسل دعورہ میں بھی انوارالحق کی سیاسی مضبوط سے مضبوط تر ہوتی جا رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(جی پی آئی) پر نسپل گو رنمنٹ کا لج سوکا سن ڈا کٹر را جہ عبدا لر حمن نے اپنے ایک مبا رکبا دی پیغا م میں کہا کہ پروفیسر محترمہ انجم افشاں نقوی کی بطو ر نا ظم اعلیٰ تعلیما ت کا لجز آزاد حکومت ریاست جمو ں وکشمیر تعینا تی میر ٹ کی با لا دستی کا منہ بولتا ثبو ت ہے محتر مہ نے بطو ر نا ظم تعلیم کا لجز میر پور ڈویژ ن انتہا ئی محنت جا نفشا نی اور معاملہ فہمی سے ڈویژ ن کے جملہ کا لجز سر کا ری پرائیو یٹ کے معائنہ جا ت اور تقر یبا ت میں شر کت کر تے ہو ئے اپنی پیشہ وارا نہ صلا حیتوں کا بھر پور اظہار یا ہے ان کی تعینا تی سے آزادکشمیر بھر میں محکمہ تعلیم کا لجز میں نصا بی و ہم نصابی سر گر میوں کے فروغ میں بہتر ی آئیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (جی پی آئی)پاکستان تحریک انصاف کے رہنما حلیم عادل شیخ نے کہا ہے کہ نواز لیگ کے پٹواری اگر خواتین کو تحفظ نہیں دے سکتے تو کم ازکم ان کی عزت کرنا ضرور سیکھیں ۔وزارت پانی وبجلی کے اس وزیر کو روزانہ کروڑوں عوام بدوعائیں دیکر سوتی ہے۔ پاکستان تحریک انصاف کی خواتین ملکی سیاست میں اپنا بھرپور کردار ادا کرررہی ہے،وفاقی وزیردفاع،پانی وبجلی نے پی ٹی آئی کی سینئر رہنما شیریں مزاریں کے لیے جو بیہودہ زبان استعمال کی ہے اس کی انہیں معافی مانگنا ہوگی ،ہم صرف چیئرمین عمران خان کے ایک اشارے کے منتظر ہیں رمضان کے بعد حکومت کا جینا محال کردیں گے ،حکومتی وزیرو ں کو خواتین کے ساتھ نازیباں سلوک زیب نہیں دیتا، حکومتی وزیر خواتین کے وقار کی عزت کرنا سیکھیں ،فی الحال ملک کے ہر شعبے میں خواتین کو بنیادی سہولیات اور ترجیحات سے دور رکھنے والی حکومت کے وزیروں سے اسی قسم کی زبان کی توقع کی جاسکتی ہے ،آج یہ ہی وجہ ہے کہ حکومت کے غیر سنجیدہ رویوں کی وجہ سے عوام ان کے خلاف سڑکوں پر نکلنے کو ماہی بے آب ہے۔عادل ہائوس کراچی سے جاری بیان میں حلیم عادل شیخ کا کہنا تھا کہ عیدالفطر کے بعد تحریک انصاف حکومت کی سرمایہ دارانہ پالیسیوں کی بھرپور مخالفت کریگی کیونکہ ان لوگوں نے عوام کے ٹیکسوں سے عیاشیاں کرنے کے نئے نئے ریکارڈ قائم کرلیئے ہیں یہ ہی وجہ ہے کہ اس ملک کی دولت صرف چند ہاتھوں میں رکھیل بنی ہوئی ہے ۔انہوں نے کہا کہ وفاقی وزیر کے پاس جوپانی اور بجلی کی وزارت ہے اس سے پوری قوم ہی محروم ہے اس محکمے نے پوری قوم کو اندھیرے میں دھکیل دیاہے ۔انہوں نے مزید کہا کہ موجودہ حکمرانو ں نے عوام کے خون پسینے کی کمائی کو عیاشیوں میں اڑا دیا ہے جس کی پائی پائی کا حساب لیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)کبل میں اشیائے خوردنوش کے قیمتوں میں بے تحا شہ اضا فہ من مانی قیمتیں مقرر پرسان حال کوئی نہیں مقامی انتظامیہ خاموش شدید مہنگامی نے غریب عوام کی اوسان خطا کر دی DCسوات سے نو ٹس لینے کا عوامی مطالبہ تفصیلات کے مطابق کبل میں قصائیوں، قیمہ فروش، سبزی فروش دوکانداروں نے اپنی من مانی قیمتیں مقرر کر رکھی ہے اور اپنا راج قائم کیا ہوا ہے جس پر مقامی انتظامیہ نے مکمل خا موشی اختیار کر لی ہے عوامی حلقوں نے DCسوات سے مطالبہ کر تے ہوئے کہا ہے کہ روزانہ کے بنیادوں پر چیک اینڈ بیلنس قائم کیا جائے تاکہ رمضا ن المبارک کے بابر کت مہینے میں غریب عوام کو ریلیف مل سکیں اور مہنگی داموں اشیا ئے خوردنوش فروخت کرنے والے کے خلاف سخت سے سخت کاروائی کی جائے اور رمضان المبارک کے اس مہینے میں کسی کے ساتھ کوئی رعایت نہ بھر تی کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)کبل فیڈر4پر ہر روز دن رات بجلی بند ہونا روز کا معمول بن کر واپڈ اکی طرف سے بجلی بند ش مسئلے نے سنگین صورت اختیار کر لی ہے شدید گرمی کی وجہ سے عوام بے حال جبکہ کئی جگہوں پر بچوں کے بے ہوش ہونے کے بھی اطلاعات روز داروں کا واپڈا کو بد دعائیں دینے لگے منتخب ممبران اسمبلی عید کے چاند کی طرح غا ئب پرسان حال کوئی نہیں عوامی حلقوں کا کبل فیڈر4پر بجلی بند ش کا نو ٹس لینے کا مطالبہ تفصیلات کے مطابق گزشتہ کئی دنوں سے کبل کے مختلف علاقوں میں بجلی بندش نے سنگین صورت اختیار کیا ہے جس کی وجہ سے شدید گرمی میں روزدار بد دعائیں دینے لگے جبکہ بچوں ، خواتین کے کئی علاقوں سے بے ہوش ہونے کی بھی اطلا عات مو صول عوامی حلقوں نے بجلی بندش لینے کا مطالبہ کیا اور ممبران اسمبلی سے نوٹس لینے کی اپیل کر تے ہوئے کہا کہ کبل کے ساتھ سوتیلی ماں جیسا سلوک بند کیا جائے۔
خالد ملک رمضان المبارک کے حوالے سے سمن آباد میں سکیورٹی چیک کرتے ہوئے ہدایات دے رہے ہیں
گجرات کی خبروں کی تصویری جھلکیاں