جھنگ ( ڈسٹرکٹ رپورٹر ) یوم آزادی کو شایان شان طریقے سے منانے کیلئے ڈسٹرکٹ گورنمنٹ جھنگ کے زیر اہتما م جناح ہا ل کے سبزہ زار میں صبح 8:58پر پرچم کشائی کی تقریب منعقد ہوگی جس میں ڈی سی او نادر چٹھہ ، ڈی پی او ذیشان اصغر ،ایم این اے شیخ محمد اکرم،ایم پی اے راشدہ یعقوب شیخ،نواب خرم خان سیال،خالد محمود سرگانہ ،محمد اعظم چیلہ کے علاوہ سول افسران ،وکلاء ،تاجر راہنمائوں ، اساتذہ ،طلبائ،صحافی حضرات اور زندگی سے دیگر شعبوں سے متعلق افراد شرکت کریں گے۔علاوہ ازیں سپورٹس ڈیپارٹمنٹ جھنگ نے یوم آزادی کے سلسلہ میں سپورٹس کے میگا ایونٹس کا اہتمام کیا ہے۔صبح ساڑھے نو بجے اس ضمن میں افتتاحی تقریب میں ڈسٹرکٹ سپورٹس کمپلیکس جھنگ میں انٹر ڈسٹرکٹ تیراندازی ٹورنامنٹ کا فائنل میچ ہوگا جبکہ شام پانچ بجے وشو اور باکسنگ کے مقابلہ جات ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ڈسٹرکٹ کوآرڈی نیشن آفیسر ناد رچٹھہ نے عوام کو پاگل کتے کے کاٹنے سے محفوظ رکھنے کیلئے تمام تحصیلوں کے میونسپل ایڈمنسٹریشن کو ہدایت کی ہے کہ سینٹری ٹیمیں ہنگامی بنیادوں پر ایکشن کریں ۔ اس ضمن میں گزشتہ روز سینٹری ٹیموں نے بلوچ والا تھل میں کاروائی کرتے ہوئے گیارہ سٹریٹ ڈاگز کوہلاک کیا۔ڈی سی او نادر چٹھہ نے کہا کہ سٹریٹ ڈاگز کو ہلاک کرنے سے عوام کو ریبیزجیسی مہلک بیماری سے محفوظ رکھا جاسکتاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) تحصیل میونسپل ایڈمنسٹریشن کے زیر اہتمام ٹی ایم اے بلڈنگ میں یوم آزادی کے سلسلہ میں پرچم کشائی کی تقریب میں ایڈیشنل ڈسٹرکٹ کلکٹر بابر رحمن ،ٹی ایم او رانا محمد عارف ،سول افسران اورسول سوسائٹی کے افسران بڑی تعداد میں شرکت کریں گے۔ بعدا زاں اے ڈی سی بابر رحمن شہید روڈ پر مسجد نو ر میں شہداء کی قبروں پر فاتحہ خوانی اور چادر چڑھائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) کسانوں کو گنے کی فصل کی ادائیگی میں تاخیر،سرکاری ہسپتالوں میں بنیادی سہولیات کی عدم دستیابی،ماحولیاتی آلودگی اور واپڈاکی جانب سے زائدبلنگ کیخلاف معلومات تک رسائی کی درخواستیں بھیجیں گے۔ان خیالات کا اظہار سی پی ڈی آئی کے سینئر ڈسٹرکٹ کوارڈینیٹرفیصل منظور انورنے آر ٹی آئی کے رضاکاروںکی سالانہ میٹنگ سے خطاب کرتے ہوئے کیا انہوں نے مزید کہا کہ ان درخواستوں سے آنیوالی معلومات کو مسائل کے حل کی وکالت کیلئے استعمال کیا جائیگا،میٹنگ میں کسانوں،وکلائ،این جی اوز اور خواتین سماجی ورکرز کی بڑی تعداد نے شرکت کی سی پی ڈی آئی کے پروجیکٹ منیجر عثمان زبیر نے رضاکاروں کوبتایا کہ ضلع جھنگ کے40محکموں میں معلومات تک رسائی کے قانون کے تحت40انفارمیشن آفیسرز کی تعیناتی ہو چکی ہے اورتمام محکموں کی جانب سے معلومات کی بروقت اور آسان فراہمی کے لیے ضروری ہے کہ محکمے معلومات تک رسائی کے قانون کے سیکشن4پر بھی عمل کرتے ہوئے معلومات کی از خود فراہمی کو بھی یقینی بنائیںاس موقع پر سالانہ آرٹی آئی کارکرد گی سے متعلق رپورٹ پیش کی گئی اوراس قانون کی آگہی کیلئے جھنگ کی مختلف تحصیلوں اور سکولوںمیں تھیٹر لگانے کا اعلان کیا گیا دوران میٹنگ صحت،تعلیم،زراعت اور ماحولیات کے محکموں سے متعلق معلومات حاصل کرنے کی درخواستیں بھجی گئیں۔اس موقع پرمیٹنگ کے شرکاء نے عہد کیا کہ وہ پنجاب کے معلومات تک رسائی کے قانون کے مکمل نفاذ اور ترقیاتی مسائل کے حل کیلئے اپنی کوشش جاری رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) 13 اگست 2015 نوجوان نسل میں یوم آزادی کی اہمیت بارے شعور اجاگر کرنے کیلئے اور حصول پاکستان کیلئے قومی ہیروز کی تحریک پاکستان میں جدو جہد کو خراج تحسین پیش کرنے کیلئے گورنمنٹ گریجوایٹ کالج جھنگ میں ایک تقریب منعقد ہوئی جس کی صدارت پرنسپل کالج رانا عتیق خان شاہد نے کی۔مہمان خصوصی کی نشست پر ڈپٹی ڈائریکٹر کالجز پروفیسر محمد شریف خان بلوچ بارونق افروز ہوئے۔مہمان اعزاز میں پروفیسرمہدی حیا ت خان اورپروفیسر جواد حسین نقوی تھے سٹیج سیکرٹری کے فرائض پروفیسر حنیف ظفر خان نے سرانجام دیئے۔ڈپٹی ڈائریکٹر کالجز محمد شریف خان نے تقریب سے خطاب کرتے ہوئے کہا کہ قائد اعظم محمد علی جناح ، ڈاکٹر علامہ محمد اقبال، محترمہ فاطمہ جناح ،مولانا محمد علی جوہراور مولانا شوکت علی نے مسلمانوں کیلئے ایک آزاداور الگ ملک حاصل کرنے کیلئے شبانہ روزمحنت کی اور انگریزوں اور ہندئوں کے تسلط سے برصغیر پاک و ہند کے مسلمانوں کوآزاد کروایا ۔پرنسپل صدرتقریب سے رانا عتیق خان شاہد نے اپنے خطاب میں کہا کہ مسلمانوں نے آزادی کے وقت عظیم قربانیاں دیں اور نوجوان نسل پر ذمہ داری عائد ہوتی ہے کہ وہ اپنے اسلاف کی قربانیوں کو یاد رکھیں اور ملک کی ترقی ،خوشحالی اور اقوام عالم میں اس کا وقار بلند کرنے کیلئے جدید علوم سے آراستہ ہوں کیونکہ یہی وہ راستہ ہے جو پاکستان کو اس مقام پر لے جا سکتا ہے جس کا خواب علامہ محمد اقبال نے دیکھا اور دیگر اکابرین نے کوشش کی۔
استعفے دینے اور قبول کرنے والے قومی مفاد کو ملحوظ رکھیں ‘ ایم آر پی
پاکستان ریڈ کریسنٹ سوسائٹی سیلاب متاثرین کی امدادی کوششوں میں مصروف ہے